1 MBONY TA FYEERI 8

1Nawe Benyaminy, kaira Bela mwana wakwe mmbe, na Ashbeli mwana wakavii, Ahiramu mwana wa kararu. 2Noha mwana wa kaana, na Rafa mwana wa karaanu. 3Nawe Bela etiri vana; Adari, Kera, Abihudi, 4Abishua, Naamani Ahoa, 5Kera, Shufamu, na Huramu. 6Yeva mmbo vana va Ehudi ewo mmbo vasongoru va mmba ta vande vawo nnang'ani a vandu yewa vapookye Keba, nawo vakavakamara mifungwa vakandefika Manahati 7na Naamani, Ahoa na Kera evakamara mifungwa. Nawe kaira Usa, na Ahihudi. 8Na Shaharaimu kaira vana kulya Moabu ammaa ilakana na vaka vakwe vavii Hushimu na Baara. 9Nka wakwe kawona vana, Hodeshi, Yobabu, Sibia, Mesha, na Malkamu. 10Yeusi, Sakia, na Mirma. Yewo mmbo vana vakwe vasongoru va mmba ta vande vawo. 11Nawe etiri vana vavii, Abitubu, na Elpaali, na maye waawo ekee ni Hushimu. 12Na vana va Elpaali; Eberi, Mishamu, Shemedi, (ulya etana Ono na Lodi, amwi na miri ya vayo).

Vabenyamini walekaa Kati na Aiya

13Beria, na Shema, valya vekee vasongoru va mmba ta vande vawo, nnang'ani a vandu yewo vapookye Aiyaloni, valya verishisa valya veni Kati. 14Ahio, Shashaki, na Yeremoti, 15Sebadia, Aradi, Ederi, 16Mikaeli, Ishipa na Yoha mmbo vekee vana va Beria.

Vabenyaminy Kulya Yerusalemu

17Sebadia, Meshulamu, Hiski, Heberi, 18Ishmerai, Islia na Yobabu vekee vana va Elpaali. 19Yakimu, Sikri, Sabdi, 20Elienai, Siletai, Elieli, 21Adaya, Beraya, Shimrati vekee vana va Shema. 22Ishpani, Eberi, Elieli, 23Abdon, Sikri, Hanani, 24Hanania, Elamu, Antotiya, 25Ifdeya, Penueli, vekee vana va Shashaki. 26Shamsherai, Sheharia, Atalia, 27Yaareshia, Elia na Sikri vekee vana va Yerohamu. 28Yewo mmbo vekee vasongoru va mmba ta vande vawo yefo ngyeeri tawo shoose vandu vatoki na kundo vekaa ni kulya Yerusalemu.

Vabenyamini vekee Kibeoni na Yerusalemu

29Naasa kulya Kibea mfo ndeye wa Kibea ekaa irina lyakwe ni Yeieli, na irina lya nka wakwe evaangwa Maaka, 30na mwana wakwe, mmbe evangwaa Abdon. Suri, Esopia, Baali, Nadabu. 31Kedori, Ahio, Sekaria, 32na Mikloti kaira Shemea, na yewo kundo vekaa ni kulya Yerusalemu vefiitani na vanawamae vawo.

Vandu va Kyeny kwa Mangyi Sauli

33Nawe Neri kaira Kishi. Kishi kaira Sauli. Sauli kaira Yonatani, Malkishua, Abinadabu, na Eshbaali. 34Na mwana wa Yonatani, ekee Meribaali. Meribaali kaira Mika. 35Na vana va Mika ni Pitoni, Meleki, Terea, Ahasi, 36Ahasi kaira Yara. Yara kaira Alemeti, Asmaweti na Simri. Simri kaira Mosa, 37Mosa kaira Benea. Benea mwana wakwe ni Refaya. Refaya mwana wakwe ni Ekasa. Ekasa mwana wakwe ni Aseli. 38Nawe Aseli etiri vana varindaru nawo ni: Asrikamu, Bokeru, Ishmaeli, Shearia, Obadia na Hanani. Yewo woose mmbo vekee vana va Aseli. 39Na vana va Asheki we mwanamaye ni; Ulamu mwana wakwe mmbe, na Yeushi mwana wakwe wa kavii, na Elifeleti mwana wakwe wa kararu. 40Na vana va Ulamu vekee vandu vatakusu vandu va fira ya ikapa mife nawo vetiri vana veengyi amwi na vana va vana, vandu iyana na makumi araanu. Woose yewo mmbo vekee vana va Benyaminy.

Currently Selected:

1 MBONY TA FYEERI 8: MAS2

Highlight

Copy

Compare