1 MBONY TA FYEERI 7

Vana va Isakari

1Na vana va Isakari; Tola, Pafu, Yashubu na Shimroni, vana vaana. 2Na vana va Tola, Usi, Refaya, Yerieli, Yamai, Ibisamu na Shemueli, vaniini va vandeye vammba yaawo, vekee ni va Tola; vandu vanyaasi va fira, yefo ufyarin lwawo, yeva vekee ni vandu fiku makumi avii na vavii na mayana arindaru kyeeri kya Davidi; 3Na vana va Usi, Israhiah. Vana va Israhiah, Mikaeli, Obadia, Yoeli na Ishia, vaana woose vashilyi, 4Amwi nawo yefo ufyariny lwawo, yefo vandeye vawo vaparikye kweifo matorito a vandu va fira, vandu fiku makumi araru na varindaru mashika mmbo vakee vandu va vaka veengyi vakatira na vana veengyi. 5Vandu woose va mmba ya Iskari vakaekyenwa ni vandu fiku makumi nyanya na mfungare vandu vatakusu va fira.

Vana va Benyaminy na Dani

6Vana va Benyaminy, Bela, Bekeri na Yediaeli, vararu. 7Na vana va Bela, Esboni, Usi, Usieli, Yerimoti na Iri, varaanu; ni vandu vasongoru, kwi mmba ta vandeye vawo, vandu vatakusu vafira, vakaekyenwa kwi mmba tawo ni vandu fiku makumi avii na vavii na makumi araru na vaana.

8Na vana va Bekeri, vekee Yoashi, Elieseri, Elioenea, Omri, Yeremoti, Abiya, Anatoti na Ameleti. Yewo woose ni vana va Bekeri. 9Nawo vakaekyenwa kwi mmba kundo vawonikye kwa vandeye vawo, vandu vasongoru vatiri finya, vatakusu vafira, vandu fiku makumi avii na mayana avii.

10Na vana va Yediaeli, ni Bilhani. Na vana va Bilhani, Yeushi, Benyaminy, Ehudi, Kenaana, Setani, Tarshishi na Ahishahari. 11Yewo mmbo vana va Yediaeli, ndesa vakwaani yefo kwa vaniini va mmba ta vandeye vawo, vandu vatakusu va fira, fiku ikumi na mfungare na mayana avii vandu vatiri finya vashiidimaa ikapa fira. 12Ni amwi na Shupimu na Hupimu vana va Iri. Hushimu vana va Aheri.

Vana va Naftali

13Vana va Naftali, Yaseeli, Kuni, Yeseri na Shilemu vana va Bilha.

Vana va Manase

14Vana va Manase, Asrieli ulya nka-ammi emmbona kammbonnya na Makiri ndeye wa Giliadi; 15Nawe Makiri keepoo nka kwa Hupimu na Shupimu yeva vekee va mmba ya Maaka; na wa kavii evangwaa Selofehadi; na Selofehadi etiri mfu.

16Na Maaka ndeyaanka wa Makiri, kammbonnya mwana kammbaanga Pereshi, na mwanamaye evaangwaa Shereshi; vana vakwe vekee ni Ulamu na Rakemu. 17Na vana va Ulamu, Bedani. Yewo mmbo vana va Giliadi, mwana wa Makiri; mwana wa Manase. 18Na mwanamaye Hamoleketi, kaira Ish-hodu, Abieseri na Mahlah. 19Na vana va Shemida vakee Ahiani, Shekemu, Liki, na Aniamu.

Vana va Efraimu

20Vana va Efraimu; Shutela, kaira vana, nawo ni Beredi, Tohati, Eleada, Tahati, 21Sabadi, na Shutela. Efraimu etiri vana vengyi kuutafo Shutela. Nawo ni: Eseri na Eleadi, yeva vavii mmbo vewaawa veshivaa ng'umbe ta vandu va uruka lwa vandu va Kati. 22Ndeye waawo Efraimu kavaiiya andu a mikonu miingyi na vandu va mmba yakwe yakasha ishensaiya. 23We kakwaanya-se na nka wakwe vakawona mwana ungyi wa vomi vakammbaanga Beria, kimaruma kya ngapo na maariso alya ekooya mmba yakwe.

24Efraimu etiri mfu, evaangwa Sheera, katana miri ya uwe na si, ikee Beti Haroni, na Ussen-sheera. 25Efraimu etiri mwana wa vomi, nawe evaangwa Refa; na yewo valatya va mmba yeyo ni; Reshopi, Tela, Teha, 26Ladan, Ammihudi, Elishama. 27Nuni, na Nuni kaira Yosua. 28Minyanu yaawo kundo vekai, taari ya ngama kuringitye miri ya Beteli na kundefika Naroni na taari ya nkwaany kundekooya Kesa na miri myoose iringitye yefo mbai ya vayo. Kutani kundekooya miri myoose ya Sheshemu na Aya ndesa ivaringitye. 29Na yefo minyanuny ya vana va Manase; Bet-sheani na miri yakwe; Tanaki, Megiddo, Dor na miri yakwe; Yefo miriny yeyo nndu ekaa-fo ni Yosefu mwana wa Israeli.

Vana va Aseri

30Yewa mmbo vana va Aseri, Imna, Ishva, Ishvi na Beria. Va mmba yaawo Sera. 31Na vana va Beria vekee Heberi na Malkieli (ulya ekee ndeye wa Birsaiti). 32Na Heberi kaira Yafleti, Shomeri, Hotumu, na vana vamaye va Shia, 33na vana va Yefleti, Pasaki, Bimhali, na Ashivati. Yewo mmbo vana va Yafleti. 34Na vana va Shemeri; Ahi, Roka, Yehuba, na Aramu. 35Na vana va mwanamaye Helemu, Sofa, Imna, Sheleshi, na Amali. 36Vana va Sofa; Sua, Harneferi, Shuali, 37Beri, Imra, Beseri, Hodu, Shama, Shilsha, Itirani, na Beera. 38Na vana va Yeteri; Yefuna, Pispa, na Ara. 39Na vana va Ula; Ara, Hanieli, na Risia. 40Yewo woose mmbo vana va Aseri, vasongoru va mmba ta vandeye vawo. Vandu vasauwe. Vatakusu va fira, vasongoru va mashehe. Na yekyena lya yewo vesauwa vakandekapa fira yefikye vandu fiku makumi avii na varindaru.

Currently Selected:

1 MBONY TA FYEERI 7: MAS2

Highlight

Copy

Compare