1 MBONY TA FYEERI 6

Miwonikye ya Vakuhani Vaniini

1Levi mmbo etiri vana vararu, Kershomu, Kohathi na Merari. 2Kohathi etiri vana vaana, Amramu, Ishari, Hebron na Usieli. 3Amramu etiri vana vavii, Aron na Mose, na mfu umwi irina lyakwe Miriamu. Aron etiri vana vaana, Nadabu, Abihu, Eliasari na Ithmari.

4Eliasari kaira Finehansi, Finehansi kaira Abishua, 5Abishua kaira Buki, Buki kaira Usi. 6Usi kaira Serahia, Serahia kaira Merayoti, 7Merayoti kaira Amaria, Amaria kaira Ahitubu, 8Ahitubu kaira Sadoki, Sadoki kaira Ahimaasi, 9Ahimaasi kaira Asariya, Asaariya kaira Yohane, 10Yohane kaira Asariya (Asariya yeu mmbwe ulya erunda mashora a ukohani kulya mmba ya Iruva ilya yetanwa mmangyi Solomoni kulya Yerusalemu). 11Asariya kaira Amaria, Amaria kaira Ahitubu, 12Ahitubu kaira Sadoki, Sadoki kaira Meshulamu, 13Meshulamu kaira Hilikia, Hilikia kaira Asariya, 14Asariya kaira Seraya, Seraya kaira Yehosadeki, 15Yehosadeki kaenda usamiryon amwi na vandu va Yuda na Yerusalemu kyeeri Iruva mwaafinya evasamisa llya mangyi Nebukadnesa etiri ushilyi.

Vana vengyi va Levi

16Levi etiri vana vararu: Kershomu, Kohati na Merari. 17Wo umwi waawo etiri vana: Kershomu, eera Libni na Shimei; 18Kohati eera Amramu, Ishari, Hebron na Usieli. 19Nawe Merari keera Mehli na Mushi. Yeti nto mmba ta Valevi ngata ngyufyari tawo tiparikye. 20Yeva valatya mmbo vana va Kershomu kupookya irika na irika. Kershomu eera Libni, Libni keera Yahati, Yahati kaira Siina, 21Siina kaira Yoa, Yoa kaira Ido, Ido kaira Sera, Sera kaira Yeatherai. 22Yeva mmbo vana va Kohati kupookya irika na irika. Kohati eera Aminadabu, Aminadabu kaira Kora, Kora kaira Asiri; 23Asiri keera Elikana, Elikana kaira Ebiasafu, Ebiasafu kaira Asiri, 24Asiri kaira Urieli, Urieli kaira Usia, Usia kaira Shauli. 25Vana va Elikana vekee vavii: Amasia na Ahimoti. 26Na yeva mmbo vana va Ahimoti: Ahimoti kaira Elikana, Elikana kaira Sofai, Sofai kaira Nahati. 27Nahati kaira Eliabu, Eliabu kaira Yerohamu, Yerohamu kaira Elikana. 28Vana va Samueli vekee vavii Yoeli mwana wakwe mmbe, na Abiya mwanawo 29Na yeva mmbo vana va Merari kupookya irika na irika: Merari kaira Mali, Mali kaira Libni, Libni kaira Shimei, Shimei kaira Usa, 30Usa kaira Shimea, Shimea kaira Hakia, Hakia kaira Asaya.

Veembi

31Yeva mmbo vandu mangyi Davidi evaniinga mashora eiimba yefo mmba ya Nndumi Iruva, kyeeri vemaa yeende-fo isanduku lya kyaasa. 32Vakarunda mashora awo eiimba kyeeri kyoose yefo kundo isanduku lya kyaasa lyekai ivike kutani mangyi Solomoni amaa itana mmba ya Nndumi Iruva kulya Yerusalemu; Vakarunda mashora yoo nna uramba usha nnu. 33Yeti nto ngyufyari terunda mashora yoo: Ufyari lwa Kohati: Hemani! Mwana wa Yoeli mmbwe eke nsongoru wa veembi va mbee. Yelu llo ufyari lwakwe kundo luparikye nafo Israeli: Hemani mwana wa Yoeli, mwana wa Samueli, 34mwana wa Elikana, mwana wa Yohamu, mwana wa Elieli, mwana wa Toa, 35mwana wa Sufu, mwana Elikana, mwana wa Mahati, mwana wa Amasi, 36mwana wa Elikana, mwana wa Yoeli, mwana wa Asariya, mawa wa Sefania, 37mwana wa Tahati, mwana wa Asiri, mwana wa Abisafu, mwana wa Kora, 38mwana wa Ishari, mwana wa Kohati, mwana wa Lawi, mwana wa Israeli. 39Mwana maye Asafu yeto eselelyi taari ya woko lwakwe usha. Ufyari lwakwe luparikye kwa Lawi: Asafu mwana wa Barekia, mwana wa Shimea, 40mwana wa Mikaeli; mwana wa Baaseya, mwana wa Malkiya, 41mwana wa Ethini, mwana wa Sera, mwana wa Adaya, 42mwana wa Ethani, mwana wa Sima, mwana wa Shima, 43mwana wa Yahathi, mwana wa Kershomu, mwana wa Lawi. 44Ethani wa ufyari lwa Merari, eke nsongoru wa veembi va kararu. Yelu ni ufyari lwakwe ndesa luparikye kwa Lawi: Ethani mwana wa Kishi, mwana wa Abdi, mwana wa Maluki, 45mwana wa Hashapia, mwana wa Amasia, mwana wa Hilkia, 46mwana wa Amsi, mwana wa Bani, mwana wa Shemeri,

47Mwana wa Malili, mwana wa Mushi, mwana wa Merari, mwana wa Lawi. 48Yevo vengi va mmba yei, mmbo vesauwa kya mashora moose a yeema lya mmba ya Iruva.

Vana va Aron

49Aron na vana vakwe mmbo veniingya nsimbika uwe ya kitara kya irasya nsimbika wa ikora amwi na ifumbira ubani. Mmbo verunda mashora moose akwaani na ando yoo kweele kive ni kindo kyeyeengye Israeli wiitanu. Yefi fyoose mmbo fyerundika shaasa Mose ndundi wa Iruva ekeyaamba. 50Yeva mmbo vana va Aron: Aron kaira Eliasari, Eliasari kaira Finehasi, Finehasi kaira Abishua, 51Abishua kaira Buki, Buki kaira Usi, Usi kaira Serahia, 52Serahia kaira Merayoti, Merayoti kaira Amaria, Amaria kaira Ahitubu, 53Ahitubu kaira Sadoki, Sadoki kaira Ahimaasi.

Ando Valevi Vekaa

54Kunu mfo kyeny kwawo na minyanu yaawo ndesa ikwaani; Vana va Aron ngata vekusauwa va mmba ya Vakohati; 55yewo mmbo veniingwa muri wa Hebron kulya urukeny lwa Yudaya amwi na kundo kweiisa findo. 56Indi-lyo marema a muriny na kundo kweiisa findo mmbo eniingwa Kalebi mwana wa Yefune. 57Vana va Aron vakaniingwa miri kundo kweerishya ikee ni Hebron na kundo kweiisa findo, Libna, Yatiri na Eshtemoa amwi na kundo kweiisa findo. 58Haloni amwi na kundo kweiisa findo, 59Debiri, Ashani na Beth-shemesh amwi na kundo kweiisa findo. 60Na valya va mmba ya Benyaminy vakaniingwa Keba na kundo kweiisa findo, Alemeti na Anatoti amwi na kundo kweiisa findo. Kwasanda miri yei myoose veniingwa mmbo yafika miri ikumi na iraru. 61Na kyenga kya vana va Kahoti valya vesaa vakaniingwa miri ikumi kyenga kya mmba ya Manase. 62Na vana va Kershoni vakaniingwa miri ikumi na iraru sha ilya ya vana va maye; na valya mmba ya Iskari, Asheri, Naftali na Manasevalya vekee Bashani. 63Na vana va Merari vakaniingwa miri ikumi na ivii sha valya va mmba ya Rubeni, Kati na Sabuloni. 64Na vana va Israeli vakaniinga vana va Levi miri yeyo amwi na kundo kweiisa findo. 65Na lyingi-se vakaniinga miri ilya ndesa ikeshisende marina kwi mmba, Yuda, Simoni na Benyaminy. 66Na vengyi va mmba ya Kohati valya vefiitani nawo va mmba ya Efraim. 67Vakaniingwa kundo kweerishya ikee ni Shekemu, na kundo kwawo kweisa findo kulya mafumbuu a Efraim na Kesari na kundo kwawo kweiisa findo. 68Na Yokmeamu amwi na fyuungo fya vayo, 69na Aiyaloni amwi na fyuungo fya vayo. 70Kyenga kya mmba ya Manase Taanaki amwi na fyuungo fyavayo, na Ibleamu amwi na fyuungo fya vayo, kwa valya va mmba ya vana va Kohati. 71Na vana va Kersoni vakaniingwa kyenga kya mmba ya Manase, Kolani kulya Bashani amwi na fyuungo fya vayo, Ashitaroti amwi na fyuungo fya vayo, 72na kulya ufyari lwa Iskari, Kishioni amwi na /debarati amwi na fyuungo fya vayo. 73Remeti na En-kaminu amwi na fyuungo fyavayo.

74Na kulya ufyari lwa Asheri; Mishali na Abdon amwi na fyuungo fyavayo; 75na Helkati amwi na fyuungo fya vayo, na Rehobu amwi na fyuungo fya vayo, 76na kulya ufyari lwa Naftali, Kadeshi kulya Kalilaya amwi na fyuungo fya vayo, na Hamoti na Kariataimu amwi na fyuungo fyavayo, 77Nawo Valevi valya vesaa-fo, vana va Merari vakaniingwa uka ufyari lwa Sabuloni; Rimona amwi na fyuungo fyakwe, na Tabori amwi na fyuungo fya vayo, 78na kwa kulya ya mura wa Yordan kulya ufyarin lwa Rubeni; Beseri kulya Kasa-koomu na Yahasa vakaniingwa amwi na fyuungo fya vayo, 79na Kedemoti amwi na fyuungo fya vayo, na Mefaati amwi na fyuungo fya vayo, 80na kulya ufyarin lwa Kati, Ramoti kulya Giliadi amwi na fyuungo fya vayo, na Mahanaimu amwi na fyuungo fya vayo, 81na Heshboni amwi na fyuungo fya vayo, na Yeseri amwi na fyuungo fya vayo

Currently Selected:

1 MBONY TA FYEERI 6: MAS2

Highlight

Copy

Compare