Orubara 34
34
Embaju z'Ensi ya Kanaani
1Omukama akagambira Musa ati, 2“Oragire Abaisiraeli obaragire oti, Orwo mulitaha Kanaani (ensi yona egyo eyo ndikubaha obusika), 3orubibi rwanyu orwa kasi rulyema aha Irungu lya Zini rugobere kimoi Edomu. Rubandize oburugaizoba amagyaifo g'Enyanja y'Omwonyu. 4Orubibi rwanyu orwo rukikame rushube amagyaifo g'akatemba ka Akirabimu, ruguturane rugiire Zini, rulekelere magyaifo ga Kadeshibarinea, rumare rugendere kimoi Hazaradari, rugobe Azimoni. 5Karuliruga Azimoni rwasize kimoi rugobe aha Kaiga ka Misiri, ruzindire aha Nyanja Empango#34:5 Empango Niyo Mediterania..”
6“Enyanja Empango yonene egyo omwaro gwayo nirwo rubibi rw'obugwaizoba.”
7“Oru nirwo rubibi rwanyu rwa bikara: Kwema aha Nyanja Mpango mwasize kimoi mugobe aha Ibanga lya Hori. 8Kuruga aha Ibanga lya Hori mwasize kimoi mugobe mbali ekigo kya Hamati kilikubandiza; orwo rulekelere Zedadi. 9Rushube rugendere kimoi ruhike Zifuroni ruzindire Hazarenani. Oru nirwo ruliba rubibi rwanyu rwa bikara.”
10“Orubibi rwanyu rw'oburugaizoba, mwase mwemire Hazarenani mugobe Shefamu. 11Kuruga Shefamu rusongoke rugobe Ribula oburugaizoba bwa Aini. Aho rushube rusongoke rugobe aha nshozi z'Enyanja ya Kinereti oburugaizoba. 12Ruchurame rugiire Yorudani, ruzindire aha Nyanja y'Omwonyu. Egyo niyo eliba nsi yanyu; n'ezo nizo ziliba mbibi zayo.”
13Musa aragira Abaisiraeli ati, “Egyo niyo nsi eyo mulilya obusika omu kugitekera enshoga, eyo Omukama aragiire kuha enganda mwenda n'enusu. 14Aha rw'okuba oruganda rw'Abarubeni n'orw'Abagadi, enganda zombili nk'okwo amahiga gabo gali, kutaho n'enusu y'oruganda rwa Manase, abo bahairwe obusika obwabo. 15Enganda ezo ibili n'enusu zahairwe obusika obwazo buseli bwa Yorudani, ensi eyolekeraine na Yeriko rubaju orw'oburugaizoba.”
Abagurusi Abalyata Ensi
16Omukama agambira Musa ati, 17“Aga nigo mabara g'abantu abalibatira ensi obusika: Eleazari omukuhani na Yoshua eya Nuni. 18Buli ruganda mulihyamu omwebembezi omoi, bate ensi obusika. 19Aga nigo mabara gabo: Ow'oruganda rwa Yuda ni Kalebu eya Yefune. 20Ow'oruganda rw'Abasimeoni ni Shemweli eya Amihudi. 21Ow'oruganda rwa Benjamini ni Elidadi eya Kisiloni. 22Ow'oruganda rwa Dani omukuru ni Buki eya Yogili. 23Omu ruganda rwa Yozefu, omukuru ow'aba Manase, ni Hanieli eya Efodi; 24kandi omukuru ow'aba Efuraimu, ni Kemueli eya Shifutani. 25Omukuru w'oruganda rwa Zabuloni, ni Elizafani eya Parinaki. 26Omukuru w'oruganda rwa Isakari, ni Palisieli eya Azani. 27Omukuru w'oruganda rwa Asheri, ni Amihudi eya Shelomi. 28Omukuru w'oruganda rwa Nafutali, ni Padaheli eya Amihudi.” 29Aba nibo Omukama yaragiire kwatira Abaisiraeli obusika omu nsi ya Kanaani.
Currently Selected:
Orubara 34: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
