Orubara 29
29
Ebihongo by'Obugenyi bw'Omwaka Oguhya
(Eby 23:23-25)
1“Aha kiro kya mbere ky'omwezi gwa mushanju habeho enteko, mufukame. Mutalikora mulimo gwa mpita. Kiro kyonene ekyo mutere amakondere. 2Muratambaga ekitambo ky'okwokibwa eky'akataachu ak'okushemelera Omukama. Mugire enumi emoi y'ekigeto, empaya emoi y'entaama, n'obupaya mushanju bw'emyana y'entaama obw'omwaka gumoi, byona ebi bibe bitaina kamogo. 3Bigendweho ebihongo byabyo eby'ensano enungi etabiraine n'amajuta. Buli numi negendwaho ekilo ishatu z'ensano; empaya y'entaama negendwaho ekilo ibili; 4kandi obwana bw'entaama omushanju buli kamoi nikagendwaho ekilo emoi. 5Hataburwaho mpaya ya mbuzi ey'ekihongo ky'enyatano y'amafu aha rw'okwatilira amafu ganyu. 6Hamoi n'ebyo ebindi niby'ebi: Ekihongo ky'okwokibwa orwo okwezi kwemire, hamoi n'ekihongo kyakyo ky'ensano ekikaigendaho; n'ekihongo kya buli kiro eky'okwokibwa n'ekihongo kyakyo ky'ensano okwo bikagenda hamoi, n'ebihongo byabyo eby'okunywa, nk'okwo omugenzo gulikubiragira. Ebihongo ebi byona by'okurugwamu akatachu ak'okushemelera Omukama.”
Ebihongo aha Kiro ky'Enyatano
(Eby 23:26-32)
7“Aha kiro kya ikumi ky'omwezi ogu gwa mushanju habeho enteko, mufukame, mara mweshase. Mutalikora mulimo. 8Shana mutambire Omukama ebitambo, eby'akataachu ak'okumushemelera. Mutambe enumi emoi y'ekigeto, empaya y'entaama, n'obupaya mushanju bw'emyana y'entaama obw'omwaka gumoi. Ebihongo ebi byona bibe bitaina kamogo. 9Bigendweho ebihongo byabyo eby'ensano nungi etabiraine n'amajuta. Enumi negendwaho ekilo ishatu z'ensano; empaya y'entaama negendwaho ekilo ibili z'ensano; 10kandi obupaya bw'entaama mushanju buli kamoi nikagendwaho ekilo emoi. 11Muteho n'empaya y'embuzi y'ekihongo ky'enyatano y'amafu aha rw'okwatilira amafu ganyu. Orwo ebitambo ebi bilikutambwa, ekitambo kya buli kiro eky'okwokibwa tikibulimu, hamoi n'ekihongo kyakyo ky'ensano, n'ebihongo byabyo eby'okunywa.”
Ebihongo aha Kiro ky'Obugenyi bw'Ensisira
(Eby 23:33-44)
12“Aha kiro kya ikumi na bitanu ky'omwezi gwa mushanju habeho enteko, mufukame. Mutalikora milimo ya mpita. Mukolere Omukama obugenyi bw'ebiro mushanju. 13Mumutambire ebitambo by'okwokibwa eby'akataachu k'okumushemelera. Mugire enumi z'ebigeto 13; empaya z'entaama ibili; obupaya 14 bw'entaama obw'omwaka gumoi. Ebihongo ebi byona bibe bitaina kamogo. 14Ebihongo by'ensano nungi etabiraine n'amajuta ebigenda ahali ebyo, bitaburaho. Enumi 13 buli emoi negendwaho ekilo ishatu z'ensano. Empaya z'entaama ibili buli emoi negendwaho ekilo ibili z'ensano. 15Emyana y'entaama ikumi n'enai negendwaho ekilo emoi buli gumoi. 16Kwakwo n'empaya y'embuzi ey'ekihongo ky'enyatano y'amafu egyeho. Hamoi n'ebyo mwongereho ekitambo ekya buli kiro hamoi n'ekihongo kyakyo ky'ensano n'ekyokunywa.”
17“Aha kiro kya kabili mutambe enumi z'ebigeto 12; empaya z'entaama ibili; obupaya 14 obw'emyana y'entaama obw'omwaka gumoi: Byona ebi bibe bitaina kamogo. 18Mwongereho ekihongo ky'ensano n'ebihongo by'okunywa ebikagenda aha numi, aha mpaya z'entaama n'aha bwana bw'entaama nk'okwo orubara rwabyo ruli, n'okwo emigenzo yabyo elikuragira. 19Mutabuzaho mpaya ya mbuzi ey'ekitambo ky'enyatano y'amafu. Ahonu ekitambo kya buli kiro eky'okwokibwa n'ekihongo kyakyo ky'ensano, n'ebihongo byabyo eby'okunywa” ebyo bitabulimu.
20“Aha kiro kya kashatu mutambe enumi 11, empaya z'entaama ibili, obupaya bw'emyana y'entaama 14 obw'omwaka gumoi, byona ebi bibe bitaina kamogo. 21Mubiteho ebihongo byabyo eby'ensano n'eby'okunywa ebikagenda aha numi, aha mpaya z'entaama, n'aha myana y'entaama nk'okwo orubara rwabyo ruli nikwo emigenzo yabyo elikuragira. 22Kandi mwongereho empaya y'embuzi ey'ekitambo ky'enyatano y'amafu, mutabulizeho ekitambo ky'okwokibwa eky'obutosha n'ekihongo kyakyo ky'ensano n'eky'okunywa.”
23“Aha kiro kya kanai mutambe enumi 10, empaya z'entaama ibili, obupaya bw'emyana y'entaama 14 obw'omwaka gumoi. Byona ebi bibe bitaina kamogo. 24Mubiteho ebihongo byabyo eby'ensano n'eby'okunywa ebikagenda aha numi, aha mpaya z'entaama n'aha myana y'entaama nk'okwo orubara rwabyo ruli n'okwo emigenzo yabyo elikuragira. 25Kandi mwongereho empaya y'embuzi ey'ekitambo ky'enyatano y'amafu, mutabulizeho kitambo kya kwokibwa ekya buli kiro n'ekihongo kyakyo ky'ensano n'eky'okunywa.”
26“Aha kiro kya katanu mutambe enumi mwendai, empaya z'entaama ibili, n'obupaya bw'entaama 14 obw'omwaka gumoi. Byona ebi bibe bitaina kamogo. 27Mubiteho ebihongo byabyo eby'ensano n'eby'okunywa ebikagenda aha numi, aha mpaya z'entaama, n'aha bwana bw'entaama nk'okwo orubara rwabyo ruli n'okwo emigenzo yabyo elikuragira. 28Kandi mwongereho empaya y'embuzi y'ekitambo ky'enyatano y'amafu, mutabulizeho kitambo kya kwokibwa ekya buli kiro n'ekihongo kyakyo ky'ensano n'eky'okunywa.”
29“Aha kiro kya mukaga mutambe enumi munana, empaya z'entaama ibili, n'obupaya bw'entaama 14 obw'omwaka gumoi. Byona ebi bibe bitaina kamogo. 30Mubiteho ebihongo byabyo by'ensano n'eby'okunywa ebikagenda aha numi, aha mpaya z'entaama, n'aha myana y'entaama, nk'okwo orubara rwabyo ruli n'okwo emigenzo yabyo elikuragira. 31Mwongereho n'empaya y'embuzi ey'ekitambo ky'enyatano y'amafu, mutabulizeho kitambo kya kwokibwa ekya buli kiro n'ekihongo kyakyo eky'ensano n'eky'okunywa.”
32“Aha kiro kya mushanju mutambe enumi mushanju, empaya z'entaama ibili, n'obupaya bw'emyana y'entaama 14 obw'omwaka gumoi. Byona ebyo bibe bitaina kamogo. 33Mubiteho ebihongo byabyo eby'ensano n'eby'okunywa ebikagenda aha numi, aha mpaya z'entaama n'aha myana y'entaama nk'okwo orubara rwabyo ruli n'okwo emigenzo yabyo elikuragira. 34Mwongereho n'empaya y'embuzi ey'ekitambo ky'enyatano y'amafu, mutabulizeho kitambo kya kwokibwa ekya buli kiro n'ekihongo kyakyo ky'ensano n'eky'okunywa.”
35“Aha kiro kya munana habeho enteko, mufukame. Mutalikora mulimo gwa mpita. 36Mutambire Omukama ekitambo ky'okwokibwa, eky'akataachu k'okumushemelera. Mutambe enumi emoi, empaya emoi y'entaama, obupaya bw'entaama mushanju obw'omwaka gumoi. Byona ebi bibe bitaina kamogo. 37Muteho ekihongo ky'ensano n'eky'okunywa ebigenda aha numi, aha mpaya y'entaama n'aha bwana bw'entaama nk'okwo orubara rwabyo ruli n'okwo emigenzo yabyo elikuragira. 38Mwongereho empaya y'embuzi ey'ekitambo ky'enyatano y'amafu, mutabulizeho kitambo kya buli kiro eky'okwokibwa n'ekihongo kyakyo ky'ensano n'eky'okunywa.”
39“Ebyo nibyo muliba nimuhongera Omukama aha biro bikuru byanyu ebiragiirwe: Ebitambo byanyu by'okwokibwa, ebihongo byanyu by'ensano n'eby'okunywa, kandi n'ebihongo byanyu eby'emilembe, mutabulizeho ebyo mushangwa muragaine n'ebyo mugira omu bweyendezi.”
40Musa akagambira Abaisiraeli buli kantu, nk'okwo Omukama araba yakabimugambiire.
Currently Selected:
Orubara 29: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
