Yoshua 12

Abakama abasingirwe Musa

1Abaisiraeli bakasinga ensi y'oburugaizoba bwa Yorudani bagituramu, kwema omu Ruhanga rwa Arinoni kutembera kimoi n'Oruhanga rwa Yorudani kugoba aha Ibanga lya Herimoni. Bakasinga abakama babili, nib'aba: 2Sihoni omukama w'Abaamori ayaturaga Heshiboni natwara kwema Aroeri aha rukunakune rw'Oruhanga rwa Arinoni, kandi kwema omugati y'oruhanga, kugoba Omwiga gwa Yaboki, orubibi rw'Abaamoni niyo nusu ya Gileadi; 3n'okwema Araba kugoba aha Nyanja ya Kinereti oburugaizoba obwolekera bwa Betiyeshimoti aha Nyanja ya Araba, Enyanja y'Omwonyu, kwolekera kasi; kugoba aha kibazi ky'Eibanga lya Pisiga. 4Basinga na Ogi omukama wa Bashani ayasigaireho omu Barefai, ayaturaga Ashitaloti na Edirei. 5Ogu yatwaraga kwema omw'Ibanga lya Herimoni na Saleka, na Bashani yona, kugoba orubibi rw'Abageshuri n'Abamaaka, n'enusu ya Gileadi kugoba orubibi rwa Sihoni omukama wa Heshiboni. 6Abakama aba bombili bakaterwa Musa omwiru w'Omukama n'Abaisiraeli. Ensi egyo Musa akagigabira Abarubeni n'Abagadi n'enusu y'oruganda rwa Manase, yagibaha obusika.

Abakama abasingirwe Yoshua

7Aba nibo bakama abo Yoshua n'Abaisiraeli basingiire rubaju orw'obugwaizoba buseli bwa Yorudani, kwema Baaligadi omu Ruhanga rwa Lebanoni kugoba aha Ibanga lya Halaki elyolekeire Seiri. Ensi ezo Yoshua akazishondera enganda za Isiraeli, yazibahera kimoi. 8Omwo halimu ensi z'amabanga, ez'empanga, eza Araba, ez'omu busoka, ez'eirungu, n'eza Negebu, ensi z'Abahiti, Abaamori, Abakanaani, Abaperizi, Abahivi n'Abayebusi. 9Abakama abo nib'aba: Omukama wa Yeriko, omoi; omukama wa Ai eyataine Beteli, omoi; 10omukama wa Yerusalemu, omoi; omukama wa Heburoni, omoi; 11omukama wa Yarimuti, omoi; omukama wa Lakishi, omoi; 12omukama wa Egiloni, omoi; omukama wa Gezeri, omoi; 13omukama wa Debiri, omoi; omugaba wa Gederi, omoi; 14omukama wa Horima, omoi; omukama wa Haradi, omoi; 15omukama wa Libuna, omoi; omukama wa Adulamu, omoi; 16omukama wa Makeda, omoi; omukama wa Beteli, omoi; 17omukama wa Tapua, omoi; omukama wa Heferi, omoi; 18omukama wa Afeka, omoi; omukama wa Lasharoni, omoi; 19omukama wa Madoni, omoi; omukama wa Hazori, omoi; 20omukama wa Shimuronimeroni, omoi, omukama wa Akishafu, omoi; 21omukama wa Taanaki, omoi; omukama wa Megido, omoi; 22omukama wa Kadeshi, omoi; omukama wa Yokineamu omuli Karimeli, omoi; 23omukama wa Dori omuli Nafatidori, omoi; omukama wa Goimu omuli Galilaya, omoi; 24omukama wa Tiriza, omoi. Bona hamoi bakama makumi gashatu n'omoi.

Currently Selected:

Yoshua 12: RHAY01

Highlight

Copy

Compare