1 Samweli 5
5
Esanduku y'Endagano omu Bafilisiti
1Abafilisiti kabanyagire Esanduku ya Ruhanga, bagiha Ebenezeri bagitwara Ashidodi. 2Bagitahya rwensinga ya Dagoni, bagimuteka aha rubaju. 3Bukeire abanyakigo ba Ashidodi kwimuka bwankya karai, leba Dagoni agwire ahansi ajumaire omu maisho g'Esanduku y'Omukama; bamushutura bamugarura aha mwanyagwe. 4Kyonkai bukeire obundi bwankya karai kabaimukire, leba, Dagoni ashubire agwire ahansi ajumaire omu maisho g'Esanduku y'Omukama agutukirweho omutwe n'ebiganja byombili, bili omu muzilingiti, asigaireho ekimburambuli. 5Nikyo abakuhanibe na bona abamufukamira omuli rwensingaye batalibatira muzilingitigwe omuli Ashidodi na mwaha.
6Omukama abonabonyia kubi abantu ba Ashidodi n'ensi egyataine, abateza ebizimba. 7Aho aba Ashidodi kabaaboine okwo ebintu byaba bityo, bagamba bati, “Esanduku ya Ruhanga wa Isiraeli tutaikara nayo, kuba yatubonabonyia kubi na Dagoni ruhanga waitu.” 8Batuma entumwa aha batwazi b'Abafilisiti, abatwazi abo baterana hamoi. Entumwa zibabaza ziti, “Esanduku ya Ruhanga wa Isiraeli tugigire tutai?” Bazihorora bati, “Esanduku ya Ruhanga wa Isiraeli mugitware Gati.” Kityo baba niyo bagitwara. 9Kyonkai kabagitwete Gati, Omukama ashasa muno ekigo ekyo, bahukuka muno. Abantu bamwo abato n'abakuru abateza ebizimba, bifumuka. 10Aho Esanduku ya Ruhanga bagitweka Ekironi. Kyonkai kayagobileyo, abantu bayo baboroga bati, “Batuletera Esanduku ya Ruhanga kutwita!” 11Aha rw'ekyo batuma entumwa aha batwazi b'Abafilisiti baterana hamoi, entumwa zibagambira ziti, “Esanduku ya Ruhanga wa Isiraeli mugigarure omu mwanya gwayo, etatwita n'abaitu.” Okugamba batyo ekigo kyona kikahukuka kyaraliira kufa. Ruhanga akabashasa muno, 12abatafire baterwa ebizimba, abantu batakira baruhanga babo.
Currently Selected:
1 Samweli 5: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
