1 Samweli 31

Okufa kwa Shauli n'abatabani

(1Ma 10:1-12)

1Abafilisiti barwana n'Abaisiraeli. Abaisiraeli bairuka Abafilisiti, kyonkai bagya babaitira aha Ibanga lya Giliboa. 2Bafunza Shauli n'abatabani babakwata; baita abatabani abhalimu Yonatani, Abinadabu na Malikishua. 3Endashana esikilira Shauli. Ab'emyambi bamugwanishanyia, bamurasha, bamuhutaza kubi. 4Aho agambira omutwaziwe w'ebikwato by'endashana ati, “Shohorora embanda yawe oginchumise enturukirane, abatatahirirwe aba batakwija bakanchumita kandi bakanshekelera.” Kyonkai omutwaziwe w'ebikwato by'endashana tiyakunzire, nobona akatina muno. Aha rw'ekyo Shauli akwata embandaye agyetungaho. 5Orwo omutwaziwe w'ebikwato by'endashana yaboine okwo yafa, na wenene ayetunga aha mbanda eye, nawe afa. 6Nikwo Shauli yafire atyo n'abatabani bonshatu n'omutwaziwe w'ebikwato by'endashana, n'abashaijabe bona omu kiro kimoi. 7Orwo Abaisiraeli ababaire bali buseli bw'oruhanga n'ababaire bali buseli bwa Yorudani baboine okwo Abaisiraeli babo bairuka n'okwo Shauli n'abatabani bafa, banagaho ebigo byabo bairuka. Abafilisiti baija babituramu.

8Bukeire orwo bagire kujura emitumbi, bashanga Shauli n'abatabani bafeleire aha Ibanga lya Giliboa. 9Bamutemaho omutwe, bamujura ebikwato by'endashana, batuma entumwa omuli Filisitia yona kutona ebishushani bya baruhanga babo n'abantu amakuru ago. 10Ebikwatobye by'endashana babiteka rwensinga ya Ashitaloti. Omutumbigwe bagubamba aha rukuta rwa Betishani. 11Kyonkai abanyansi ba Yabeshigileadi, kabahuliire eby'Abafilisiti bakozire Shauli, 12abashaija abo emanzi baimuka, bagenda ekiro kyona, babamburura omutumbigwe n'ey'abatabani aha rukuta rwa Betishani, baija Yabeshi baba niho bagyokeza. 13Batwara amagufa gabo bagaziika aha muti gw'omuhesheli omuli Yabeshi, bamara basiiba ebiro mushanju.

Currently Selected:

1 Samweli 31: RHAY01

Highlight

Copy

Compare