Wuwale 36
36
U wuhazi we wacekulu wono watoligwe
1Iwawaha we zi mhuga mu wana wa Gileyadi, u mwana wa Macili mwizukulu wa Manase, u mwana wa Yusufu, wakamubitila Musa, hamonga ne walongola wanji. 2Wakamutya, “Muwaha Mulungu yakulajiliza wuyigawe yisi kuli wanhu Waisilayeli mu nzila yo kutowa kula. Kanyhi yakakulajiliza vyono wuwapele sawo yo ndugu yetu Zelofehadi i wanagwe we cicekulu. 3Ninga wukumbucile, vyono hono watolwe no munhu mono si wo mulango wetu, ne sawo yiyo si yoleka kuwa yo mulango wuwo kuko kono kotolwa, na baho ligawo lyono cali cigawiywe hodu lyocepuka. 4Na mu mwaka we makumi mahano we sikukuu lono sawo yose yono yali yiguzigwe yeza kugomolwa kuli wanya sawo, yiyo sawo ye wana we cicekulu wa Zelofehadi, yowa yeza sawo yo mulango wuwo du kono watoligwe, nayo lu, yowa yakondya kwajililila lukulu, ku wulawa mu mulango wetu.”
5Nayo Musa yakawa kuwaloloseza wanhu wa Isilayeli wulajilize wuno, wono Muwaha Mulungu yalajiliza, yakawatya, “I nghani yono u mulango wa Manase wakuyilonga, yo nghani ya mbeka, 6holeka Muwaha Mulungu yakutya, vyono i wana we cicekulu wa Zelofehadi, heya wadahile kutolwa no munhu wo wose, ninga watolwe no munhu wa mu mhuga yo mulango wawo du. 7Hambi sawo yo Mwiisilayeli wo wose, nha yinojeye yikale mu wo mulango wakwe du. 8No mucekulu wo wose mono kohala sawo mu wulawa mu sawo ye Waisilayeli, yimunojeye yatolwe no munhu wa mu mhuga yo mulango wo Mwiisilayeli du. Na mu nzila yiyi, Mwiisilayeli wowose, kosuma kujendelela kuhala sawo ye walezi wakwe, 9sunga ne sawo nayo si yosuma kwilecelwa ku wulawa mu mulango awuno, yibite kanyhi ku mulango awulya, aa, ng'o. Langa milango yose yojendelela kwilecela zisawo zawo weneco wose du.”
10Holeka Mahila, na Tiliza, na Hogila, na Milika, hamonga na Nowa, i wana we cicekulu wa Zelofehadi, 11wakanoza nha vyono Muwaha Mulungu yamulajiliza Musa. Wose wakatolwa ne wahizi zawo. 12Watolwa ne wana we mhuga ya Manase u mwana wa Yusufu. Ne sawo yawo yikekala mu mhuga yo mulango wo sogo yawo.
13Aga go malajilizo no wutemye, wono Muwaha Mulungu yawapelela Waisilayeli muli Musa, lono wali wali mu yisi yo wuhihi ya Mowabu, ku nhumbi ye likolongo lya Yoludani behi na Yeliko.
Currently Selected:
Wuwale 36: LLKWW
Highlight
Share
Compare
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.
