Wukumbucize wo Wulajilize 1
1
1Mu citabu cici, mo mozili zinghani zono Musa yawalonjela wanhu wa Isilayeli lono wali wali mu nyika, kucilima ye likolongo lya Yoludani. Lulo, wali wali mwi'lolo lya Yoludani behi na Sufi, haciligati ye likaya lya Palani. Makaya ga Tofeli, Labani, Hazeloti, na Dizahabu, gali gali ku lubavu luyagwe. 2(Nawo wali muhinzo wa vilo yikumi na cimonga, ku wulawa he 'tunda lya Holebu lyono licemwaga Sinayi, sunga ku Kadeshi Balineya, mu nzila yono yikolile mu Edomu mu yisi ye matunda.) 3Na mwi'zuwa lilongozi lya mu mwezi we likumi na monga, lya mu mwaka we makumi mane, lono wali wawuka ku Misili, Musa yawaloloseza wanhu, zose zono Muwaha Mulungu yamulajiliza yawalonjele. 4Na zizi zikejela lono Muwaha Mulungu yali yakondya kumusuma Sihoni, u mutemi we Waamoli, mono yali yatemile mu makaya ga Heshiboni. Na Ogu, u mutemi wa Bashani, mono nayo, yali yatemile mu makaya ga Ashitaloti ku Edileyi. 5Lono wanhu wali wali ku lubavu lwa kucilima ya Yoludani, mu yisi ya Mowabu, mwizuwa lilyo, Musa ho yakawa kwanza kulolosa zo wulajilize wo Mulungu hamonga ne mejizo.
Yakawa kutya, 6“Lono cali cili he 'tunda lya Holebu lyono licemwaga Sinayi, u Muwaha Mulungu, u Mulungu wetu, yacilonjela yakatya, ‘Mwekala vyeza vilo vinji bahano he 'tunda lili. 7Alu mwinukaje muwuce baha, mujendelele no muhinzo wenyu. Mubite sunga ko ku yisi ye Waamoli, yisi ye matunda, na mu zi'si zose zono zipilime, ko kwi'lolo lya Yoludani, na ku yisi ye matunda, ne zi'si za mu wuhihi, sunga na ku zi'si zono zili kutakama, mu mwalambalo we lilenga lya Meditelaneya. Mujendelele mubite ko ku yisi ya Kanani, ko ku mwande ye matunda ga Lebanoni, ko kwi' kolongo liwaha lya Efulata. 8Na mumo mose, yo yisi yono nehuwiza ane no Muwaha Mulungu, vyono nowapela walezi wenyu, Abulahamu na Isaka, na Yakobo, sunga ne zindelo zawo. Holeka mubite mukayihale yiwe yenyu.’ ”
Musa yakuwawika wahakimu
(Wut 18:13-27)
9Musa yakawalonjela wanhu yakatya, “Lono cali cikali he 'tunda lya Sinayi, namulonjelenyi nghatya nhavi, ‘Mulimo wo wulongola, wono ane nghuwituma, wo kumulongozenyi anye, alu weza mulimo mukamu muno kuli'ne. Hamba si nosuma kujendelela kuwituma nili wene yaye. 10Muwaha Mulungu kamwinjifyenyi muwa wenji muno muno, nhe zinyelezi za ku wulanga. 11Alu, Muwaha Mulungu, u Mulungu we walezi wenyu, yamwinjifyenyi kali elufu monga kuciza, kanyhi kamumotyenyi, nha vyono yehuwiza! 12Ninga alu ane, ho nosuma nhawule nili wene, kuwituma mulimo muzito wuwu we litunya lyenyu, no mutegulo wenyu, hamonga no wugombane wenyu? 13Holeka nghamutyenyi vyono, ciba muhagule wanhu walume we mahala no wizuce, wono wena no wuzowele wo kulongoza, walawe mu milango yenyu yose, nane nowawika wawe walanjilizi wenyu.’ 14Nanye mukavumila vyono, nghani yiyi yowa swanu hono yitumwe. 15Holeka nane nghasola i wanhu we mahala, kanyhi wono wena wuzowele wo kulongoza wanhu, nanye nyo weneco, yo nyenye mono mwawahagula mu wulawa mu milango yenyu. Nane nghawa kuwawika wawe walanjilizi wenyu. Wanji wakawa walanjilizi we wanhu elufu monga monga, na wanji wakawa we ligana limonga limonga, na wanji wakawa we makumi mahano mahano, na wanji wakawa we wanhu yikumi yikumi. Hamba nhavivyo, kanyhi nghawawika ne walongola wanji wa mu wulawa mu milango yenyu yose.
16“Lulo, nghawalajiliza walongola wenyu wawo nghatya, ‘Ale, mweze kuvihuliciza vyalo vye wanhu wenyu. Ninga mweze kulamula ling'ani, hamba ciwe calo cili muli wanhu wenyu nyenye, hamba ciwe calo cili mu wajenzi wono mwikalane nawo. 17Mulanjilile mulece kulamula ko wuhijilambejele, langa mweze kuwalamula wanhu wose ko muling'ano, mulece kulanga vyono ayu nani, hamba ayo nani. Mulece kumogopa munhu wowose, hambi u wulamuzi wono mowa kuwunoza, nha wukulawa kuli Mulungu. Ne nghani yoyose yono moyiwona nghamu kuli'nye, mundetelaje nene, nane no mweneco noyilamula.’ 18Nane lulo nghamulajilizenyi zose zono zali zinojeye anye muzitume.”
Watandizi wakutumwa ku wulawa Kadeshi-balineya
(Wuw 13:1-33)
19“Nase ciketuma nha vyono Muwaha Mulungu, u Mulungu wetu, yali yacilajilize. Cikawuka he 'tunda lya Holebu lyono likucemwa Sinayi, cikajendelela no muhinzo wetu, cikakolela mu nyika yiyilya mbaha yo kogofya, cikajendelela, sunga cikafika mu yisi ye matunda yisi ye Waamoli. Nase cali ceza kufika ha Kadeshi-balineya, nghamulonjelenyi nghatya, 20‘Alu mwakondya kwinjila mu yisi ye matunda, yisi ye Waamoli, yono Muwaha Mulungu, u Mulungu wetu, u Mulungu we walezi zetu yakucipela. 21Alu mulanje! Nayo yisi yo ayilya ahalya! Alu, mwinjile mukayihale, hambi nha vyo yalajiliza Muwaha Mulungu. Holeka mulece kogopa, hamba kuwa na wukangamyanje yaye.’
22“Ninga anye mwanyiziza, mukanonjela mukatya, ‘Alu, wucilekaje camule citume wanhu, alongole wakayitandile yisi. Nawo kolo wakuwuya wacilonjele nzila swanu yono yowa yinojeye ciyikolele, kanyhi wacimanyize no wuwe we makaya ga kuko.’
23“Ne nghani yiyo, yikejela vyono yowa swanu ku witume. Holeka nane nghawa kuwahagula wanhu yikumi na wejete, munhu monga monga mu wulawa mu milango yenyu yose. 24Cikawa kuwatuma, wakawa kubita sunga ko ku yisi ye matunda, wakafika ko kwi'lolo lya Eshikoli, wakayitandila yisi mumo mose. 25Sunga na lono wawuyaga, wakaciletela ne mikalo yono wayisola kuko. Kanyhi wakaciloloseza vyono, yisi yiyo yono Muwaha Mulungu, u Mulungu wetu yacipelaga, yali yina moso muno muno.
26“Ninga hamba nhavivyo, anye mukabeza lilajilizo lyo Muwaha Mulungu, u Mulungu wenyu, na ku soko yiyo holeka si mwasuma kwinjila mu yisi yiyo. 27Kanyhi mukawa kwing'ung'ulicila nyenye weneco wose mukutya, ‘Muwaha Mulungu yacisula muno. Holeka yaciwusa ku Misili, yacilete mu miwoko ye wawa Waamoli, ho waciwulaje. 28Alu cosuma wule kanyhi kubita kuko? Aa! Ase langa cikogopa. Hambi i wanhu wono cali ciwatumile kuko, nha wacilonjela vyono, i wanhu wono wali kuko, wali vilungo muno, kanyhi watali muno kuciza ase, hamonga na zizo, wekaye mu makaya mawaha, gono gapilimwe ne majinji matali, gono gaficile ko ku wulanga. Kanyhi wawawona ne Waanaki wali kuko!’
29“Ninga nane nghatya, ‘Mulece kuwogopa wanhu wawo. 30Hambi Muwaha Mulungu, u Mulungu wenyu, nha yo komutonjenyi, kanyhi yo komulewelenyi, nha vyono mwaziwona zono yazinoza ku Misili, 31sunga na mu nyika. Kanyhi na vyono yamujendyenyi mu nzila yose mupolile, sunga yakamufisenyi hanhu baha, yakamudinghulenyi nha vyono sogo yo munhu kadinghulaga u mwanagwe we cilume.’ 32Ninga hamba niwe nazilonga zizo zose, anye hamba si mwamwihuwila Muwaha Mulungu wenyu. 33Hamba yawe yo mweneco, mono yamulongolelenyi ku mwande mu nzila, sunga no kumulajililenyi i hanhu, hono mwali munojeye musite nghambi yenyu. Yakamulajilenyi nzila, mu nzila ye lisumbili lyo moto, lyono lyali lilongoye ku mwande yenyu ku cilo na kanyhi mu nzila ye lisumbili lye livunde ku misi.”
U Muwaha Mulungu yakuwalipiciza Waisilayeli
(Wuw 14:20-45)
34“Nayo Muwaha Mulungu, yakawuhulika wing'ung'unze wenyu, yakakolwa likuwo, yakawa kutya, 35‘Alu hodu, hasina hamba monga wa muli nyenye nyo lulelo lubi, mono kosuma kwinjila mumo mu yisi yo moso, yono nehuwiza vyono nowapela i walezi wenyu. 36Langa hono si Kalebi du u mwana wa Yefune, yuyo yo kokwinjila. Hambi nha yo mweneco yali wene du, mono yasigaye mwihuwilwa kuli'ne. Holeka nane nomupela yisi yiyi yono yayitandila, u mwene ne zindelo zakwe.’ 37Na ku soko yenyu, holeka Muwaha Mulungu, yakangholelwa likuwo sunga na nene, yakawa kutya, ‘Hamba na gwegwe Musa, si kokwinjilila lukulu mu yisi yiyo. 38Holeka wumusindamikaje mutima Yoshuwa u mwana wa Nuni, hambi nha yo kolowahaza Waisilayeli yisi yiyo.’
39“Kanyhi Muwaha Mulungu yacilonjela yakatya, ‘Ne wana wenyu wono wakali wadodo, wono wakali namanya ku wuhagula zimbi ne ziswanu, awo langa wo wolokwinjila mu yisi yiyo, i wana wono anye mwatya vyono, wowa mateka we walugu wenyu. Nane lu wawo, wo nowahaza yisi yiyo. 40Ninga anye, luno, mupituce, muwuye ne nyuma, mubite sunga ko ku nyika, mukolele balabala yono yibitile sunga kwi'lenga lya Shamu.’
41“Ninga nanye mwamhitula mukanyitya, ‘Gwe Musa, ase camusutizya Muwaha Mulungu, holeka alu cobita cihome, nha vyono Muwaha Mulungu, u Mulungu wetu, yacilajilize.’ Na mbeka wose muli nyenye mukewikaniza, akuno mukwihwesa nha vyono, kowa kupelu ku wusola yisi ye matunda.
42“Ninga nayo Muwaha Mulungu yakanyitya, ‘Wuwalonjele walece kwijelela kubita ku wihomi, hambi ane nha si nowa nili hamonga nawo. Na ku soko yiyo, walugu wawo wowasuma.’ 43Nane nghamulonjelenyi zose zono Muwaha Mulungu yazilonga, ninga nanye hamba si mwazihulika yaye, langa mukamubedegala. Na so wiwoni wenyu, mukawa kubita ku yisi ye matunda. 44Na mbeka, i Waamoli wono wekalaga mumo mu matunda, wakamuzizenyi ko winji muno, kotya nzuci, wakamuwinjenyi, wakamufisenyi sunga ko ku Holima, wakamusumilizenyi mumo mu yisi ye matunda ya Edomu. 45Nanye mukamulilila Muwaha Mulungu yamupelenyi wutazi. Ninga nayo, hamba si yakamuhulicenyi ng'o, hamba kumucelelelenyi kose.”
Mu myaka ya mu nyika
46“Na lono cali cekala baho ha Kadeshi vilo vinji muno muno,
Currently Selected:
Wukumbucize wo Wulajilize 1: LLKWW
Highlight
Share
Compare
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.
