1 Kol 1
1
1June nde Pavulu, je ndikongolilwe, ukuta mbedzage ndi mw-Apositili, vugendela pa lwe akelye Nguluvi, ndili numuńa-lukolo Sositene.
2Ndikuvandikila ńe va mulukombeso lwa Nguluvi, ulugenda mu-Kolindi, uńeńe je mwijelulye mwa Kilisiti Jesu, je avakongwe ukuta muvedzage mwi vìmike, ndihandza na vonda, avakulitambula ilitavwa lya mutwa visu Jesu Kilisiti monda na mu mwanavo vavo na mu mwesu muno. 6, 11; Apos. 9, 14.
3Ulusungu luvedzage nańeńe nulutengamaso uluhuma kwa Nguluvi, udadisu, na kwa mutwa Jesu Kilisiti. Lom. 1, 7.
4Luńulye ukuvahonge-hedza mbêpali kwa Nguluvi vangu ulusungu, lwe uńeńe u-Nguluvi avapelelye mwa Kilisiti Jesu,
5pakuva avadzusidze ju mwene ukuva muli vasi va fyonda, na ga malôngwa gonda na vu vukagudzi vonda,
6ndeve dzisimilihidzwe umweńo nindzanga dza Kilisiti.
7Mwe mwene musangilye lingi nilipwela lya lusungu, mwinemela ukudzindila hela uluvilatulilo lwa mutwa vesu Jesu Kilisiti. Tit. 2, 13.
8Nukuvakangadza uńeńe alavakangadza jujo, alafika nańe ku kuvwapulilo ukuta mwali muvedzage ńe vadzila-vugomedzo pakigono kya mutwa vesu Jesu Kilisiti. Fil. 1, 6; 1. Tes. 3, 13; 6, 23.
9Ali vwidevulilo umwene Nguluvi, je avakongwe ukuta muhange numuswamuve Jesu Kilisiti, umiltwa visu. 1. Tes. 5, 24.
10Neke lino ndikuvavunga, ńe vańa-lukolo, ndilongela mwitavwa lya mutwa vesu Jesu Kilisiti, nditigila: mwilongelage kimwinga mwivonda na gi milekanile gitane ukuva mogili umweńo, hamu, mwidikanage hela monda na mulwijivuko lumwinga na mulukaguliṅanihidzo (lwitigilo) lumwinga, Fil. 2, 2; 3, 16.
11pakuva ńe vańa-ṅolo vangu unene ndipulike kuvakina Kolove ukuta mwikananila iṅani,
12ndilonga lwe mwa mwitigila: unene ndi mukina-Pavulu, ujungi ndi mukina-Apolo, ujungi ndi mukina-Kefa, ujungi ndi mukina-Kilisiti. 3, 4; Apos. 18, 24. 27; Joh. 1, 42.
13Kilisiti vona agavine? Vona avafwilye ju Pavulu pakipindulihidzo? Mudza-bikilwe mwitavwa lya Pavulu vona?
14Hongela kwa Nguluvi, lwe sindamudzabíke jungi umwenńu, ndavadzabike vene nu-Kilisipi nu-Gaja, Apos. 18, 8; Lom. 16, 23.
15pakuta atane ukulonga ujungi ukuta adzabikilwe mwitavwa lyangu.
16Na va muńumba ja Setefana navo ndivadzahike june, lino swêla, nde ndimudzabike nujungi, ulo singuludzela. 16, 15. 17.
17Ndivwene unene u-Kilisiti asanumile mukudzabika, hamu, anumile mukulidalika ilyevangeli; asanumile mukudalika mumadwzi agikundilidza, pakuta kitane ukupēfuka ikipindulihidzo kya Kilisiti. 2, 4; Joh. 4, 2; Mat. 28, 19.
18Ndivwene ilidzwi, ilikukilonga ikipindulihidzo, vupuva hela kuvańa-kujaga, neke unefwe, je twipokwa, ngufu dza Nguluvi. 2. Kol. 4, 3; Lom. 1, 16.
19Ndivwene lwandikwe ulwa kuta: „Ińala dza vańa-ńala unene ndilatipula nulwivonelo lwa vańa-lwivonelo unene ndilalujadza.“
20Alikwi umuńa-luhala? Alikwiumukagulihâte? Alikwi umuvangalukāni uva muńi iji? Asipufidze Nguluvi ińala dza ńi iji?
21Ndivwene ińi, jivye jilemilwe vugendela muluhala lwajo ukumufikila Nguluvi muluhala lwa Nguluvi, neke baho Nguluvi akēlage pakuvananya avifuvwa vugendela indzanga, idzidalika imuva. Mat. 11, 25.
22Pakuva avene ava-Juda vińilika ifilŏle neke avene ava-Giliti visakula uluhala. Mat. 12, 38; Joh. 1, 48; Apos. 17, 18. 32.
23Neke unefwe tukumudalika ju Kilisiti umupindulihidzwa, je akuvadzukila lukuvalo ava-Juda neke avapivala akuvadzukila vupuva. 2. 14; Lom. 9, 32.
24Neke avene avakongolwa, vonda hela nava-Juda nava-Giliti, vamuvwene ukuva je Kilisiti nukuva je Ngufu dza Nguluvi nukuva je Luhala lwa Nguluvi, v. 18; Kol. 2, 3.
25pakuva nuvupuva vwa Nguluvi navo vuvalutye uluhala avanu neke nuvutenda vwa Nguluvi vuvalutye ingufu avanu.
26Ndivwene mungavalava najuńe avakongolwa, ńe vańa-lukolo, pakuva sipovali avolofu avańaluhala, sipovali avolofu avasimikańi, sipovali avatambulike. Mat. 11, 25; Joh. 7, 48; Jak. 2, 1-5.
27Hâ nda, utupuva twa kwen’eńi kuno twe twene twe atukongwe Nguluvi, pakuta mwe mwene mwe avakagahikilage avańaluhala, na tu tutenda twa kwen’eńi kuno, twe twene ahalile Nguluvi, pakuta mwe mwene mwe avakagahikilage avańa-ngufu.
28Na gi mikiva gya kwen’eńi kuno na gi misulwa, gye gyene gye agikongwe Nguluvi na gye vikugitigila kwen’eńi kuno gisili minu midzûmi, pakuta mwe mwene mwe agitagilage igivwene gyene uvunu,
29pakuta jitane ukwiginika kumîho ga Nguluvi ińama ja muvili. Lom. 3, 27; Ef. 2, 9.
30Je muhumile kwa jujo uńeńe, je muli mwa Kilisiti Jesu, je Nguluvi amuhambwise luhala lwesu, amuhambwise vugolofu vwesu, amuhambwise lwijelulidzo lwesu, amuhambwise vukombodzi vwesu, 2. Kol. 5, 21; Joh. 17, 19.
31pakuta lugendelage pa lwe lolilwe ulwitigila: je akwiginika, apo iginikilage mwa mutwa.
Currently Selected:
1 Kol 1: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
