Loma 13
13
1Vonda ṅani valevage kuvutwa, uvulefidze, ndivwene vusupali uvutwa, uvusitemehidzwe kwa Nguluvi; vonda uvwe povuli avutemidze ju Nguluvi. Tit. 3, 1; Joh. 19, 11.
2Apo kwe kuva nditigila: je ikuvahēpula avatwa, ujo ve ahēpwe uvutēnde vwa Nguluvi; avene, avihēpula ava, valikongolela ulwa kuhigwa va vene.
3Ndivwene avatema siva kogopwa kuvańa-kulima inofu, hamu va kogopwa kuvańa-kulima imbîfu. Neke uveve, ngana ukelye ukuta nditane ukuvogopa uvutwa, apo ulimage dzi nofu, apo ulavona vakukulumba avene. 1. Pet. 2, 13. 14.
4Ndivwene uvutemi vulimilavangi vwa Nguluvi vwakukugimbila inofu juve. Neke lino ngana uveve vwilima imbîfu, apo ena vogopage, pakuva ilyûfya, lye vakolelye, si lya lutogo, ndivwene uvutwa vulimilavangi vwa Nguluvi, uvuńa-kulumbilila niṅaladzi kwa muńa-kulima imbîfu.
5Apo humbi pavagye vwilefyage neke utane ukwilefehedza iṅaladzi, hâ nda, vwilefehedzage lu lwikagulo.
6Ndivwene kye mulekile najuńe mutovage ikodi, ndivwene na va vatwa vandzagila va Nguluvi vigimba kitapola ga malimo gaga aga.
7Muvatavulilage vonda, fye mwidzigilwa, ipembe mumutavulilage, je akuvadzigila ipembe, uluhalo, je akuvadzigila uluhalo, uvogofi, je akuvadzigila uvogofi, amalumbo, je akuvadzigila amalumbo. Mat. 22, 21.
8Mutane ukuva numudzigilo kwe jungi, muvedzage nago gu gwa kwijenda gwene; ndivwene je ikwenda, ujo kwe kuva agimalile imilagililwe igingi. Gal. 5, 14; 1. Tim. 1, 6.
9Ndivwene nulwitigila utane uvudumulavutolane nulwitigila: utane ukuvulaga nulwitigila: utane ukuhidza nulwitigila: utane ukudoboba nulungi lwe luvedzaga, dzonda dzida-mikye mu mulidzwi ili, ilitigila: umwendage uinuja-go, ndeve vwijendile juve.
10Uvwênde vusikumu-letela uluvîfu umujagwe, apo lino uvwênde vudu-dzamilagililwe. 1. Kol. 13, 4; Mat. 22, 40.
11Dze mudzilimage idzi uńeńe, je mufidzelye ifigono (fya lino ifi), pakuva isala ija kulamukila kutulo uńeńe jifikile. Ndivwene ukupokwa kwesu kulutye lino ukuhegēlela na pala, pe twafuvwaga. Ef. 5, 14; 1. Tes, 5, 6. 7.
12Ikilo kisamba kisila, umûńi gusamba gukya. Tufulage amalimo ga mukîsi, tufwalage imigoha gya lumuli. 1. Joh. 2, 8; Ef. 5, 11.
13Imigendele gyesu givedzage mińa-kyôga nde gya pamûńi, tutane uvulyamuno nukugāla, tutane nuvugoni nuvukemi, tutane namabatu nuvwifu, Luk. 21, 34; Ef. 5, 18.
14hamu mumufwalage Jesu Kilisiti umutwa; neke ngana mukugunodza umuvili, apo mwijandilage mutane ukugulungamikila kuvudobofu. Gal. 3, 27.
Currently Selected:
Loma 13: II
Highlight
Share
Copy
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
