Loma 12
12
1Ńe vańa-lukolo vangu, ndivungila mulupyanidzo lwa Nguluvi, nditigila: mwitekelage umuvili gweńo, vuvedzage vwe vusembe vweńo uvûmi, uvwîmike, uvunogelidzwe, neke givedzage gye mîmbile-mulungu gyeńu imińa-luhala. 6, 13; 1. Pet. 2, 5.
2Mutane ukwiliṅasa ni-migendele gya ńi iji, mwijuvulage pakwipisa ulwijivuko lweńu, pakuta najuńe mudzigelanidzage, dze akelye Nguluvi ninofu nidzinogelidzwe nidzi-pedzidze. Ef. 4, 23; 5, 10. 17.
3Ndivwene ndilongela mulusungu, lwe amelye najune, ndikuvalongela mwivonda, ndeve muvelye, nditigila: pakuhodza utane ukudzufihidza pa lwe unogye pakuhodza, uhodzehedzage muvwikala ve lutemelye, jumwijumwi agelelage palufuvo lwakwe, lwe amupelye Nguluvi. 1. Kol. 12, 11; Ef. 4, 7.
4Ndivwene najufwe pamuvili gumwinga ugu utupagwa motuli tolofu neke utupagwa utu tusili vulimanile vumwinga. 1. Kol. 12, 12.
5Ve tuli-vo najufwe: twe volofu tuli muvili gumwinga mwa Kilisiti neke ukuva jumwijumwi, apo tuli fipagwa najula kwa mujagwe, 1. Kol. 12, 27; Ef. 4, 25.
6tugenda namapwela, agalekanye mulusungu, lwe tupelilwe, nambi uvuvidzi neke uvu vwimanilage nulufuvo, 1. Kol. 12, 4.
7ngana jumwi apelilwe uvulimilavangi, apo agimbage uvulimilavangi vwakwe, ngana jumwi muńa-kuvavūla inôngwa avanu, apo imilage pavuvulanidzi vwakwe, 1. Pet. 4, 10. 11.
8ngana ujungi adzelye ukuvunga, apo imilage pavuvundzi, ngana ujungi mutavudzi, atavulage vugolola-singo, ngana mundzagila, agimbage, umuńa-kupyanila kwelage, Mat. 6, 3; 2. Kol. 8, 2; 9, 7.
9uvwênde vuvedzage vundzila-vukedusi, mwidandamikage kumbîfu, mwidadambikilage kunofu, 1. Tim. 1, 5.
10uvwenda-lukolo vuvedzage ngita vuli kyânamunu, pakwiginya musu-tanile, 2. Pet. 1, 7; Fil. 2, 3.
11muvedzage muli kisatu pakugapifukila amalimo, ugwene umubepo ugo gupyage hela, mufi-kogosage ifigono, Luv. 3, 15.
12mukēlelelage muluhuvilo, pe mwipumuka mwigugumidzage, pakulapangila mwijumīlidzage, 1. Tes. 5, 17.
13fye vagulwime avî-mike, ifyo muhange ukuvapēla, mugonekage avahêndza, Heb. 13, 2.
14muvapogolage avakuvafwima, muvapogolage mutane ukuvalekela indeko, Mat. 5, 44; 1. Kol. 4, 12; Apos. 7, 59.
15muhekelage navo avihekela, muvembanile navo avivemba,
16muvedzage mutima gumwinga mwivonda; mutane ukuhodza idza kufitali, mugendasage navilēvedzi; mutane ukwiginika uluhala, 15, 5.
17mutane ukupiluhidza imbîfu pambîfu, mudziho-dzage inofu kuvanu vonda, 1. Tes. 5, 15.
18ngana lusivasumile, apo uńeńe mutengamanage navanu vonda. Mal. 9, 50; Heb. 12, 14.
19Mutane ukwavulana mwijena, ńe vâne, mudze-pelage iṅaladzi dza Nguluvi, pakuva lolilwe ulwa kuta: „ulwavulo lwangu june, ilonga-vo umutwa.“ Mat. 5, 39.
20Neke ulwene ngana uvwene umuńa-vukava vako afwe umusale, apo umuhosage nifilyo; ngana uvwene akalavanwike iṅelu, apo umupelage ifya kuńwa, pakuva ngana ugite-vo, apo ve ulundahidze amakala amańa-môto pamutwe gwakwe. Mat. 5, 44.
21Mutane ukuleva kumbîfu, hamu imbîfu mudzilefehedzage ninofu.
Currently Selected:
Loma 12: II
Highlight
Share
Copy
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
