Hebele 5
5
1Pakuva vonda avatekedzi avavina, avomwilwe kuvanu, vakuvatemya va vanu vajavo vuhodza idzanavo idza kwa Nguluvi, pakuta vatekelage nuvusembe nikińa-danda ifińa-kudzilekēlula indzanangifu,
2avasilemwa ukuvadegepela, ve vagombanidzwe kuvutenda na va vene vuli, 4, 15.
3vwe luvahwanile navo ukwitekelelaidza pandzanangifu dzanavo vavo, ndeve vakuvatekelela na vanu.
4Neke umunu asikwitemya mwene uvukomi uvu, hamu ikemelelwa kwa Nguluvi, ndavuli Ahalono.
5Ve ali-vo na ju Kilisiti nave asīpelye mwene indolo idza kudzukila mutekedzi umukomi, nda hamu, amupelye indolo ju je amulongelaga ulwa kuta: „uveve uli mwanavangu, ndikuholile ji neṅuli.“
6Ndeve ilonga napangi itigila: „uveve uli mutekedzi na kumihagulile gya myâka vugelela pamigendele gya Melekisedeke.“ uvwand. 7.
7Umwene pafigono fila fya pańama ja muvili jakwe atekye nidza kuńilika nidza kudedeva kwa je asalemwaga pakumunanya kuvufwe ńangilakumwinga ningūto iṅali namohodzi neke Nguluvi idike neke amunanye kuvogofi, Mat. 26, 39-46.
8neke umwene, nd’avedzage ali je mwâna, aluvulye mulupumuko ukukunda, Fil. 2, 5.
9neke avye amalile neke baho avadzukilage muhula-vupoki vwa mbêpali vonda, avakumukunda; Joh. 17, 1. 5.
10atambwilwe kwa Nguluvi ukuva mutekedzi umuvina uva pamigendele gya Melekisedeke.
11Idzen’ idzi unefwe ndzolofu idza kulonga neke dzisili ngelula pakuganulwa, pakuva uńeńe muli vagata amasikidza.
12Ndivwene uńeńe, je lwavahwanile pakuvedza muli vavulanidzi, pakuva mudzoveleńine nadzo, kangi muli ngita vańa-kuvu-lanidzwa imyâmulile mwe gamelye amalôngwa ga Nguluvi, mudzukile ngita mwisakula ilivēle, ngita musisakula ifilyo ifikângafu. 1. Kol. 3, 1-3.
13Pakuva vonda, avikońa ilivēle, vasidzidzelye inôngwa dza vugolofu, ndivwene avene fyali hela. Ef. 4, 14.
14Neke avakalagye avo vilya ifilyo ifikângafu, avali niminodzandzihidze, igihongile pakufibaguli-ńasa nifilidika (ifinofu) ni-fisilidika (ifivîfu), pakuva vafidzelye. Fil. 1. 10; Lom. 16, 19.
Currently Selected:
Hebele 5: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
