Hebele 6
6
1Apo lino tudzileke inôngwa dza Kilisiti, mwe dzimelye, tuhelelage nadzo kuvulongolo, tulongage idza vukalagafu; tutane ukwala kangi vu vwalo vwa dza kupituka kumalimo agafwe nuvwa dza kumufuvwa Nguluvi,
2nuvwa dza kuvuíanidza uludzabiko nuvwa dza kuvika amavoko nuvwa dza kudzulubuka kuvafwe neke nuvwa dza vuhigilo vwa mbêpali.
3Neke lwe tulalugendela, ngana idike Nguluvi.
4Pakuva avene, avamulikilwe kamwinga, avafinogelidze ifipelwa fya kukyâńa, avali vuhanganile nu-Mubepo umwîmike, 10, 26. 27; Mat. 12, 31; 1. Joh. 5, 16.
5avafikagwe nuvunofu vwa lidzwi lya Nguluvi ningufu dza ńi ijiladza,
6avene ava, nga vihena, apo vilemwa ukudzukila vupya kulupituko kangi, pakuva navo vivwila ulwanavo pakumutovelela umuswamuve va Nguluvi pakipindulihidzo nukumwelesa.
7Pakuva na ji ńi, ijińwa indońa, ijikujitońela mbêpali, ijikuvamedzehedza ifimelwa ifilivwa ku vavo, ve jikuvalimililwa ińi, najo jihanga ulufuńo uluhuma kwa Nguluvi.
8Neke lino ijene, ijimedza imifwa nifisili vulyo, ijo jilemilwe, ijo jisamba jilekelwa ndeko, idzilungamye kumôto kuvudugilo vwadzo.
9Neke ńe vanisw’ańe, idza kweńo idzo tuli vwidevulilo, nde tuvedzage twilonga-vo, mwi nadzo idzilutye uvunofu idzili navo nuvupāsi.
10Ndivwene Nguluvi asili mudzila-vugolofu neke asemwage namalimo geńo nulwendo, lwe mulyendile ilitavwa lyakwe, pe mwavalimilaga avîmike, pe mukuvalimila na li lino. 10, 32-34.
11Neke lino unefwe twijendile, ukuta mwivonda hela, jumwijumwi, muletage umufulo gugo na kulumemelehedzo lwa luhuvilo ukufika kuvudugilo, 3, 14; Fil. 1, 6.
12pakuta mutane ukuva vagata, hamu muvedzage vaninidzi va vene vavo, avigendela nulufuvo neke nuvwisamutima pakuhāla ińuvidzo.
13Pakuva pala, pe amuhuvihidzaga Abalahama, pala Nguluvi ijigye pa pakwe jujo, pakuva ali asupali ujungi, j’asutye ukwakwe uvuvina uva kujigila epo,
14pala atigye: „ndakyene ndilakufuńa ngavwila, ndilakolosa ngavwila.“
15Neke baho umwene, pakuva isaga umutima, neke asavage uluhuvidzo.
16Ndivwene avanu vijigila mukanu, akavalutye uvukomi neke ulujigo lukulumala ulukāni londa neke lwimage lukangye lino.
17Lwe lwene lwe imilaga Nguluvi, pe aletaga ulujigo ngita muńa-magŏla, pala pe atigilaga ndilutilage pakuvadońela avahāla-luhuvidzo dze ndidzivonye ńani, ukuta dzisihambuka lungi,
18pakuta twimilage dzivili idzisihambuka lungi (pakuva Nguluvi ilemwa pakudeta) pakuvedza nulukumbuso ulukângafu unefwe, je tuluńililye pakuluńwilidza uluhuvilo, ululi baha pamìho gesu,
19ululi ngita nánga ja mutima ijisili vujudzo ijili vudovandovo, ijidzifika mbali kugati ja libupa,
20kwe atwingílye unefwe Jesu umulongodzi, avye adzukile mutekedzi umukomi ukufika kumihagulile gya myâka vugelela pamigendele gya Melekisedeke.
Currently Selected:
Hebele 6: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
