Hebele 4
4
1Apo lino togopage, ene vuli umujińu jumwi alahambula adumukilwe kuno ve sali lwave uluhuvidzo, ulwihuvidza ukwingila kuvupolelo vwakwe.
2Pakuva ilyevangeli litufikye najufwe, ndevye lyavafikye vala. Neke avene ilidzwi lya ludaliko lisavavumbulilaga kinu, pakuva lisatimbuliṅine nulufuvo lwa ve avapulikaga.
3Pakuva unefwe tuladzikwingila kuvupolelo, je tufuvilwe, ndeve loliîwe ulwitigila: „neke baho ndijigilage muṅaladzi dzangu neke nigilage: vasilingila kuvupolelo vwangu,“ nde gavedzage gasilile amalimo ukuhuma, pe jagavwaga ińi.
4Pakuva popali, pe aki-longile ikigono kya mufúṅati, pe itigila: „neke baho Nguluvi apolage amalimo gakwe pakigono kya mufúṅàti.“
5Kangi apa itigila: „vasilingila kuvupolelo vwangu.“
6Neke lino pave pasigye ukwingila vamwi kuvupolelo, pakuva avalongwe avadalikwe vasingye vadumukilwe ulubedo lwanavo,
7neke lino ivwila kangi pakukivika ikigono, lu lwa „neńuli“ lula, lwe alongile kwa Davidi, pavye pagonile luhāvi, ndevye ndongile pamwandi ulwa kuta: „ji neńuli, ngana mupulike ilidzwi lyangu, apo mutane ukudzikīlītika inumbula dzeńo.“
8Pakuva Jehoswa āli avedzage avańamulye kuvupolelo, apo ngali Nguluvi asivwilye pakukitambula ikigono ikingi ikya kuvulongolo.
9Neke lino jave pojili ińwabaha ja vanu va Nguluvi.
10Pakuva je ingye muvupolelo vwakwe, apo ujo ve apolile nave amalimo gakwe, ndeve na ju Nguluvi apolile agakwe. Luv. 14, 13.
11Apo lino tugimbage pakwingila muvupolelo vula, pakuta atane ukugwila nambi jungi mulubedo, ulutegine nde lula.
12Pakuva ilidzwi lya Nguluvi lyûmi, ligifi, lińavûgi uvulutye na kumugoha ugwitema mbali na mbali, lipuluńasa hela lidzifika namukusalanula mimutima numubepo nifilungi numwindi, lihiga ninganiso nulwijivuko lwa numbula.
13Sipokali nambi kamwi akagavwa, akasivoneka mumîho ga mwene, fyonda fili vufula fili vudondya hela kumîho gakwe, kwa je tuladzigotola.
14Neke lino, ve tuli nave umutekedzi umuvina vuli, je avupuluńise vonda uvulanga, ju Jesu umuswamuve va Nguluvi, apo tulumililage ulwidiko. 3, 1; 6, 20; 7, 26; 8, 1; 9, 11.
15Pakuva unefwe tusili nave umutekedzi umukomi, je pamulemile pakutupyanihidza idza vutenda vwesu, hamu umwene agemidzwe dzonda hela vuliṅana nafwe, kingaja-ndzanangifu. 2, 17.
16Ongo lino kivedzage kyedzamutima hela pakuhegēlela pakitêngo ikińalusungu pakutigila twanukilage ulupyana tuluvonage nulusungu, ulwitanga pakigono kya vufumbe. 1. Joh. 3, 21; Lom. 3, 25.
Currently Selected:
Hebele 4: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
