Hebele 3
3
1Apo ńe vańa-lukolo, ńe vîmike, je mukongolilwe ńangilakumwinga ilikongo lya kukyâńa, kye mulesile munuguvalilage kwa mw-Apositili, kwa mutekedzi umukomi vesu, je tukumwidika, ju Jesu, 4, 14.
2je ali vwidevulilo kwa je amutemidze, ndeve (ālì vwidevulilo) na ju Mose muńumba jalewe jonda.
3Ndivwene uju avagye indolo, idzilutye na ku dza Mose, pakuva na ji ńumba neke na je ajidze-ngile ińumba alutye ukuginikwa ju mudzendzi.
4Ndivwene ińumba dzonda viva povali avańa-kudzidzenga neke je aku-fidzenga fyonda je Nguluvi.
5U-Mose lino āli vwidevulilo muńumba jakwe jonda ngita muńikongo uva kuva molesi va idzi-lalongwa kuvulongolo,
6neke umwene Kilisiti (āli vwidevulilo) ugita mwâna, j’ali mukomi muńumba. Je nefwe je tuli ńumba jakwe, ngana twidovandova mukyedzamutima na mumalumbo ga luhuvilo ukufika kuvudugilo. Ef. 2, 19.
7Apo lino ndevye ilo nga u-Mubepo umwîmike itigila: „ji neńuli swe, ngatia mwipulika ilidzwi lyakwe,
8apo mutane ukudzikīlītikainumbula dzeńo nde pala, pe vahovandzaga pala pakigono kya lugemyo muluṅalaṅala mula,
9pala pe vangemyaga avadadińu, pe vangela-ndzaga, pe vavonaga amalimo gangu imyâka makyumi gataji,
10kye ndesile ndikisa-mālukilage ikipelela kila neke nigilage: mbêpali visāpa munumbula; neke avene vasadzikagulaga iṅasi dzangu,
11ndisungwe ndijigilage paṅaladzi dzangu nigilage: vasilingila muvu-polelo vwangu.“
12Mwigelage, ńe vańa-lukolo, atane ukuva pwa-li ujungi j’ali ninumbula ińaluka ingaja-lufuvo ija kubapa kwa Nguluvi umûmi,
13liamu mwikumbusage kigono na kigono, ve sali kyave ikya „neṅuli“, pakutigila mwivonda, ndeve muvelye vuli, uludza-ngo lwa ndzanangifu lutane ukujikĭlītika inumbula ja jungi. 1. Tes. 6, 11.
14Pakuva tudzukile twi vahanga na Kilisiti, ngana ndakyene tukugyumi-lila ukufika kuvudugila imyâmulile gyesu, gye twamulye mulwisimiko, 6, 11.
15ndeve lyolilwe ilitigi-la: „ji neṅuli, ngana mupulike ilidzwi lyakwe, apo mutane ukudzikīlītika inumbula dzeńo, nde pala, pe vahovandzaga pala.“ v. 7.
16Pakuva ve valikwi, avahovandzaga, vavye vapulike? Si vonda hela, ve avahumidze Mose mw-Egipiti?
17Neke ve avasamālu-kilaga Nguluvi imyâka amakyumi gataji, ve valikwi? Si vavo, avaho-kile inôngwa? Si vavo ve gyalagalye muluṅalaṅala imipagwa gya muvili? 1 Kol. 10, 10.
18Avene ve avajigaga, ve avatigilaga: vasilingila kuvupolelo vwakwe ve valikwi? Si vavo, avabedaga kangi? v. 11.
19Lino tuluvwene, ukuta valemelilwe uvutafuvwa vwanavo pakwingila.
Currently Selected:
Hebele 3: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
