Hebele 2
2
1Kilonga vuli najufwe twi vańa-kwisindika mbando ku dze tupulike, tulańagwa kwe livumbu.
2Ndivwene ilidzwi ilyadzovilwe vugendela vańamwandza, ngana lyali vudovandovo neke nuludzumbo londa nuvukàno fyanukilage ukuhombwa ukugolwike, Apos. 7, 53; Gal. 3, 19.
3apo unefwe tulakimbilila kwi, je twimesula uvupoki ndauvu nde? Vwe avwamwe pakuvulonga ju mutwa jujo neke vatukangahidzage unefwe avalipulikaga, 10, 29; 12, 25.
4neke na ju Nguluvi ahandzage uvolesi vwakwe uvugendye mufilóle na mumitu na mungufu indzolofu na mwe avaga-vahidzaga u-Mubepo umwîmike vugelela pe akēlelye ju mwene. Mal. 16, 20; 1. Kol. 12, 4. 11.
5Ndivwene ińi indzenge, ijiladza, je twilonga apa, asivalefehidze avańa-mwandza hamu.
6Neke popali, pe ikōlela jumwi, pe itigila: „ali kiki umunu neke umukumbukage nambi umwâna va munu neke umunuguvalilage?
7Umufidzidze padebe hela kuvańa-mwandza, umufwikile ngita ngêla nindolo nuluginyo;
8fyonda umulefehidze pasi pandzajo dzakwe.“ Ndivwene lwe „amulefe-hidze jujo fyonda“ lwiti-gila asilekile kingi kita-mulefehedza. Neke lino tusina tuluvona ulu ulwa kumulefehedza fyonda.
9Neke ulwa kuta „amu-fidzidze padebe hela kuvańa-mwandza“ ulu tumuvwene ju Jesu, je „afwikilwe ngita ngêla nindolo nuluginyo“, pakuva apumwike ukufwa, pakuva Nguluvi palusungu lwakwe atigye avanodza-ndzihidzage vonda jujo uvufwe. Fil. 2, 8. 9.
10Ndivwene umwene, je fyakwe fyonda, je afi-hulile fyonda, lumuvagye ukumupedzehedza lupu-muko umukilongodzi va vupoki, pe avingidzaga avâna avolofu mundolo. Lom. 11, 36.
11Ndivwene na je ikwi-mika na ve vikwimikwa vonda hela vahumile kwa jumwinga; kye alesile umwene atane ukutovwa ińoni pakuvatambula ilya: „vanakwesu,“ Mal. 3, 34. 35; Mat. 25, 40; Joh. 20, 17.
12pe itigila: „Ilitavwa lyako ndilavadalikilaga avanakwesu, ndilakwi-mbila ulwîmbo mugati mulukombeso.“
13Kangi itigila: „unene ndikumwidevulila jujo.“ Kangi itigila: „lolage nga hune navâna, ve amelye u-Nguluvi.“
14Lino ve vahangile idanda nińama ja muvili avâna vuli na ju mwene ahangile ndesi fifyo, pakuta imilage uvufwe pakumujadza je akŏlēlye ingufu dza vufwe, u-Setano, v. 17; 2. Tim. 1, 10; Joh. 12, 31.
15nukuta avâvulage vavo, avimilaga uvogofi vwa vufwe pakuvedza vańa-vusutu. uvunu vwanavo vonda.
16Ndivwene si ve vańa-mwandza, ve akuvidikila, hamu lwe lûngo lwa Abalahama, lwe akulwidikila.
17Lwe lwene lwe lwa-muhwanile ukuva mulingo gumwi navo „avańa-kwavo“ mufyonda hela, pakuta avedzage muńa-îuko, avedzage mutekedzi umukomi, j’ali vwidevulilo na kwa Nguluvi, ukuta adzitepudzage indzanangifu dza vanu. Fil. 2, 7.
18Ndivwene mwe apu-mukilaga na ju mwene, mwe mwene mwe asile-melelwa nukuvatanga avigemwa. 4, 15.
Currently Selected:
Hebele 2: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
