3 Johana 1
1
1Je nene nde mugogolo, ndikwandikye, ve Gaja, je tudzeline, je ndikwendye mudza ndakyene. 2. Joh. 1.
2Ve mwênd’ave, lwe ndilutye pakukudedevela kufyonda nditigila: ngâ ulamwike ngâ uli munofu pamuvili, ndeve jilamwike ninumbula jako.
3Ndivwene ngakelye mbando unene, vavye vadzile avańa-lukolo neke vagendelage idza ndakyene pakolela idzańava ko, ndeve vwigendela mudza ndakyene. 2. Joh. 4.
4Unene ulukelo ululutye uvukomi kufyonda, lwe lulo, ngâ ndipulika ukuta avâna vangu vigendela mudza ndakyene.
5Ve mwênd’ave ugahile j’uli vwidevulilo, dze uvalimye avańa-lukolo, avene vali vagendzi.
6Vakutambwe uvwênde vwako, pele lumemile na lu lukombeso, kangi ulagolosa ndesi pakuvatavula ulunogye na kwa Nguluvi. Tit. 3. 13.
7Ndivwene vahumye lu lwa itavwa kitalola fimwi kuva-pivala. Apos. 20, 35; 1. Kol. 9, 12. 15.
8Neke unefwe avali evo, lutuhwanile pakuvanukila vunofu, pakuta najufwe tudzukage twi vańakuvatanga imilimile igya dza ndakyene. Heb. 13. 2.
9Ndalwandikye padebe ulukombeso; neke Dijotelefe, je akelye ukuva je mulongodzi, akutubihila unefwe.
10Ulwene ulu, ndilava ndikwadza, apo ndilakumbusa amalimo gakwe, ge ilima, pe akutudelemela hela amadzwi amahaluka, neke asipĕla baho nda, hamu umwene nambi nukuvanukila avańa-lukolo, kangi akuvatanidza avitigila vavanukilage, akuvahedza na mulukombeso.
11Ve mwênd’ave, uveve utane ukuninila uluvîfu, hamu uninilage ulunofu; je ilima inofu, ujo ahumile kwa Nguluvi, neke je ilima imbîfu, ujo nukumuvona asimuvwene Nguluvi nda. 1. Joh. 3, 6, 9.
12Vonda vikumuhăha ulunofu u-Demetele, na dzi dza koluli dzihăha ndesi, najufwe twihaha lulo.
13Neke udzelye uve-Ndzolofuidza kukwa-ndikila neke sindikelye ukukwandikila natinite nikyandikilo. 2. Joh. 12.
14Neke lino ndihuvila ukuta pasilavedza luhavi pakutaṅana naveve, apo tulalongana mulomo na mulomo.
15Ulutengamaso luvedzage nave! Vakukuhungila avajesu. Uvahungilage vonda avajesu, uva-tambulage amatavwa ga-vo, pe ukuvahungila.
Currently Selected:
3 Johana 1: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.