2 Johana 1
1
1Je nene nde mugogolo, ndikwandikye ve mwêhe, ve muhagulwa, ndivandikye na va vâna vako, ve ndikuvendela mudza ndakyene. Neke utane ukuta ndivendile june ndijena, hamu vavendile vonda, avadzifike idza ndakyene. 1. Pet. 5, 1; 3. Joh. 1.
2Tuvwene nakoluli idzikwikala umwesu, dze tulavedza nadzo ukufika kumihagulile gya myâka.
3Lulavedza nane ulusungu nulupyana nulutengamaso uluhuma kwa Nguluvi udadye na kwa Jesu Kilisiti, umuswamuve, ne va mudza ndakyene, ne va muvwênde.
4Nelye mbando, pakuva ndivwene avangi avâna vako vigendela mudza ndakyene, ndeve twanukye ilikule kwa dadisu.
5Neke lino unene, je sindikukwandikila ngita likule ilyadzalino, hamu je ndikwandika lye tuli nalyo ukuhuma pavutalilo, ndidedeva ukwako, ve mwêhe, nditigila: tuvedzage kina-vwijende. 1. Joh. 2, 7.
6Neke uvwênde vwe uvu, ngâ twigendela mumakule gakwe; neke ilyene ilikule, ndeve mupulike pavutalilo, litigila: mugendelage muvwênde.
7Pakuva vahumile mu-ńi muno avana-kukōfya avolofu, avasikumwidika Jesu Kilisiti, je agendye munama ja muvili ukwadza; je muna kukōfya uju, je Andikilisiti. 1. Joh. 2, 18; 4, 1-3.
8Mwigelage pakuta mutane ukujadza fye twavalimye, hamu mwali muhegage nalo uluhombo londa. Gal. 4, 11.
9Neke ju j’avedzaga, je ahelye ikana ukwikala muluvulanidzo lwa Jesu Kilisiti, ujo asili na Nguluvi hamu; je akwikala muluvulanidzo, ujo i navo na ju dadye na ju muswamuve. 1. Joh. 2, 23.
10Ngâ muvwene ikwadza umunu jumwi ukweno neke asitegwe uluvulanidzo lulu, apo ujo mutane ukumwingidza munumba nukumuhungila mutane ukumuhungila. 2. Tes. 3, 6.
11Ndivwene je akumu-hungila, ujo ali vuhanganile namalimo gakwe amahaluka.
12Nde dzivedzage ndzolofu idza kuvandikila, napo singulwime ukuvandikila pahâte nitinite, hamu ndihuvila ukuta ndikwadza kuko june ukweno, neke tulonganilage milomo na milomo, ukuta ulukelo lwesu luvedzage lupedzidze hela. 3. Joh. 13.
13Vakukuhungila avâna va mununuvo umuhagulwa.
Currently Selected:
2 Johana 1: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
