Juda 1
1
1Je nene Juda, nde mukami va Jesu Kilisiti, nde mwanakwavo va Jakovo, ndikuvandikila ńe vakemelwa, ńe avendile ju Nguluvi udadye, ńe mudīmilwe kwa ju Jesu Kilisiti. Mat. 13, 55.
2Ulupyana luvedzage nańe nulutengamaso nuvwênde uvwitana.
3Ńe vend’ańe, unene ndatigye ndangupage kisatu hela pakuvandikila idza vupoki vwesu, vwe tuli vuhanganile neke baho mbone kikungagilidza kinu kitigila ndivandikilage ulwa kuvavunga, ukuta muîutengelage ulufuvo, lwe vapelilwe kamwi avîmike. 1. Tim. 1, 18.
4Ndivwene vańetye imîngilile vamwi avanu, dahilage ve dzandikwe idzanavo idza kuvakelela ukuva vagaja-Nguluvi, avisetulila kuvukemi ulusungu lwa mutwa neke vamukanage umutemi umuńa-kimwinga, umutwa visu Jesu Kilisiti.
5Neke nigye ndivakumbusage uńeńe, je mudzidzelelye ṅani dzonda, ukuta umutwa, avye avananidze mw-Egipiti avakina-Jisilahele, ukuta ulwa vuvili avatipwe avasafuvwaga. 1. Kol. 10, 5.
6Neke avańa-mwandza, avasakolatidzaga uvutemi vwanavo, hamu, avavulekile uvugono vwanavo, navo avavikile pasi pavutilivafu, avafungile nińololo idzisisila ponu ukufika pe dzilava dzihigwa pakigono ikivina kila. Joh. 8, 44.
7Ava mu-Sedomo na va mu-Hamola na va mukâja idzafudiṅine, navo ndesi, vagendelaga ulwalińine nulwa vala, pe valetaga uvugoni uvungi neke vafwimage ińama dza muvili idzingi, avo vipumuka ukuvungwa ulwa môto ugusihagikwa, vali kilolēlole kya kulolela.
8Ve vali evo navalōtamalōto ava. Navo vihalabusa ndesi ińama ja muvili janavo, vibeda uvutwa neke vakudzidzova fivi ińa-ndolo.
9Neke umwene u-Mika-jele, umuńa-mwandza umundzagila, pala pe valwaga nu-Setano, pe vakananilaga umuvili gwa Mose, asītibikaga ukumukĕlela idza vudzovafivi, hamu umwene alongaga hela lu lwa kuta: akukabusage umutwa.
10Neke avene ava vakudzidzova fivi na dze vasidzidzelye, neke idzene, dze vakudzifikila mumifikile gya fikoko ifigajaluhala, idzo dza kwijanangikila-mo vavo ṅani.
11Iga aven’ava, pakuva vagendye iṅasi ja Kajini, visopile kuluhombo lwe ajagile u-Bilejama, vatipulililwe ṅani mulubedo îwa Kola.
12Igyen’igyo mińa-mwîko mwe mwa mwilundanila pakulya, vihanga ifilyo kitogopa, vakwifuvilila vavo, mifuluka imigaja-ndońa, igipēlulilwa kondakonda kumuvelo, mibiki igilagidze amahamba, igisiveleka imeke, gifwe kavili, gikunamwike amadela,
13mivingo gya muńandza, igigalwike, igitŭta ińula-soni, gye mitondwe igisāpa neke igyene igi agivikye uvutilivafu vwa kîsi ukufika kumihagulile gya myâka.
14Avilile idza ven’ava na ju Enoko, uva mufúṅâti ukuhuma kwa Adama, pe atigilaga: „lolage adzile umutwa mumalugu gakwe amîmike,
15agulwime mukuvahiga vonda, agulwime nukuvagomedza vonda avabeda-Nguluvi idza malimo ganavo gonda aga lubedo, ge vabedaga nidza vukângafu dzonda, dze vamusagadukilaga avahosi, avabeda-Nguluvi. Mat. 25, 31.
16Igyen’igi gińula, gihugumila, gigendela pavudobofu vwanagyo. Umulomo gwanavo mwejakumbali, vakwikundilidza vavwene lukuvavumbulila kinu.
17Neke uńeńe, ńe vênd’ ańe, mukumbukage, dze valongye ṅaniav-Apositili va mutwa visu Jesu Kilisiti,
18pe vavalongelaga uńeńe, pe vatigilaga: pamyâka gya vwapulilo valavoneka avajovēlĕdzi, avalagendela muvudobofu vwanavo vwa vubeda-Nguluví. 1. Tim 4, 1; 2. Pet. 3, 3.
19Ve vene avihula indekano, vańa-mitima imikomi, u-Mubepo vasili nave. 1. Kol. 2, 14.
20Neke uńeńe, ńe vênd’ańe, mwidzengage palufuvo ulwîmike si vwîmike, mulapangililage mwa Mubepo umwîmike. Kol. 2, 7; 1. Tes. 5, 11.
21Mwikolatihidzage muvwênde vwa Nguluvi neke mudzindilage ulupyana lwa mutwa visu Jesu Kilisiti ukufika kuvûmi uvusihagikwa.
22Avangi muvapyanilage avikwiganisa
23neke muvananyage ngita mukuvagomela ngufu kumôto, avangi muvapyanilage pele mogopa neke musūlage isopeka, je jilamidze ińama ja muvili. Jak. 5, 19. 20; Luv. 3, 4.
24Neke umwene, je avudzelye mwene pakuvakengela, ukuta mutane ukukuvala, je avukagwe nukudzikuvavika ku mîho kundolo dzakwe, ńe vagajalunu, je mwitova nimbilikila, 1. Tes. 5, 23; Fil. 1, 10.
25ju Nguluvi, umupoki visu vugendela mwa Jesu Kilisiti umutwa visu, je fyakwe jujo nindolo nuvukomi ningufu nuvutambule na pe gyali gyave ukuhagulwa imyâka gyonda na lino neke nukufika kumihagulile gyonda gya myâka. Amene. Lom. 16, 27; 1. Tim. 1, 17.
Currently Selected:
Juda 1: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
