2 Tesaloniki 1
1
1Jufwe twe va-Pavulu na Silwana na Timote tukuvandikila ńe va mulukombeso, je mugenda mu-Tesaloniki, je mugenda mwa Nguluvi udadisu na mwa Kilisiti Jesu, umutwa visu. 1. Tes. 1, 1.
2Ulusungu luvedzage nańe nulutengamaso lwa Nguluvi udadye nulwa mutwa Jesu Kilisiti. Lom. 1, 7.
3Lutuhwanile pakuvahongehedza uńeńe mbêpali kwa Nguluvi, ńe vanisu, ndeve luvagye. Pakuva ulufuvo lweńo lwitana sikutana, volwike na vu vwênde vwa ńeńe mwivonda, vwe mwendine ndeve muvelye, 2, 13; 1. Tes. 1, 2. 3.
4tusungile twiginikile apeńo muṅombeso dza Nguluvi, tuvwene ulwigugumidzo lweńo nulufuvo, uluvonekye muvufwímilwa vweńo vonda namu-vufumbanilwe, vwe mwivedza navo, 2. Kol. 7, 4.
5kye kimańilo ikitigila Nguluvi igolosa pamihi-gile, pakuta najuńe muvagidzwage kuvutwa vwa Nguluvi, vwe mukuvupu-mukila. Fil. 1, 28; Luk. 21, 36.
6Pakuva kugolwike kwa Nguluvi ukuvapiluhidza imumuko avakuvapumusa uńeńe, Luv. 18, 6. 7.
7neke uńeńe je mwipu-muka alavapēla ulupodzo ńangilakumwinga nafwe, pe alava ivilatuka ukuhuma kukyâńa umutwa Jesu navańa-mwandza vakwe avańa-ngufu. Mat. 15, 31.
8P’alava ikwadzila mundzenge dza môto muku-vapiluhidza avasimuka-gwe Nguluvi navakulibeda ilyevangeli lya mutwa vesu Jesu. Lom. 2, 8.
9Avo valakĕlelwa uvwanangiko vwa mbêpali, uvwihuma kumîho ga mutwa na kundolo dza ludali lwakwe,
10pe alava ikwadza mukudzuka muńa-ndolo muvîmike vakwe nukudzuka muńa-kudzumwa pakigono kila kuvonda avafuvilwe, pakuva uvolesi vwesu, vwe tuvolelye uńeńe, muvufuvihve. Kol. 3, 4.
11Lwe lwene lwe tuku-valapangilila mbêpali uńeńe, ukuta Nguluvi visu avavagidzage kwikongo neke aletage ningufu pakumalilidza londa ulwa vuńa-mutima mwêlu lwe akelye pakumalilidza namalimo ga lufuvo,
12pakuta na li litavwa lya mutwa vesu Jesu lidzukage lińa-ndolo pa peńo juńe, najuńe ukuta mudzukilage mu mwakwe vańa-ndolo vugendela palusungu lwa Nguluvi vesu, umutwa Jesu Kilisiti.
Currently Selected:
2 Tesaloniki 1: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.