2 Tesaloniki 2
2
1Neke lino idzene, ńe vanisu, idza kwadzi-la umutwa vesu Jesu Kilisiti nidza kutańanikila nave unefwe, idzo twide-deva ukweńo, 1. Tes. 4, 13-17.
2twitigila mutane ukutigana kisatu ulwijivuko lweńo, vatane nukuvatinusa nimibepo nambi nilidzwi nambi nihâte, ijili ngita jihumile ukwesu unefwe, nde fivedzage fiki ifitigila ikigono kya mutwa kifikile.
3Atane ukuvadzanga jungi na pe va vigedza gyonda imigendele; pakuva ave ukwadza, tândi vulatala vwadzeuvudumusi, alatala avilatuke umunu va ndzanangifu umwâna va vutipulwa, 1. Tim. 4, 1; 1. Joh. 2, 18; 4, 3.
4umuńa-lubedo, umuńa-kwijinusa kufyonda, ifita-mbulwa ukuta Nguluvi nukuta fya kumulimila Nguluvi, alasungwa ikale mukyânga kya tembele, alivonesa ju mwene ukuta ali Nguluvi.
5Simwikumbuka ukuta, ve sali ndave apeńo, nda-valongelaga dzońd’idzi?
6Neke mukadzelye lino uńeńe akigomola, pakuta ali elelukage umwene pamwâka gwakwe jujo.
7Ndivwene idza kukińele dza lupunyo dzili mukugimba nalino, jujo mwene umuńa-kugomola asina ahedzwa pagatinagati. Apos. 20, 29.
8Neke lino baho alavi-latuka ju Mudzila-mila-gililwe, je umutwa Jesu alamutipulila gu mubepo gwa mulomo gwakwe, je alamujadzihidza lu lwe-leluko lwa myâdzile gyakwe Luv. 19, 15. 20.
9neke umwene jula imyâdzile alagihula ju. Setano na mungufu dzonda na mufilóle na mumitu gya vudesi Mat. 24, 24; Luv. 13, 11-13.
10na mulubuganidzo londa ulwa vudzila-vugolofu mu vavo, avijaga, ulwa kuva vasanukilaga uvwênde vwa koluli uvwali vuńa-kuvananya. 2. Kol. 2, 15; 4, 3.
11Kye alesile Nguluvi avatumilage uvuhulo vwa kusàpa ukuta vadzifu-vwage idza vudesi, Lom. 1, 28; 2. Tim. 4, 4.
12vonda ukuta vahigwage avasadzifuvwaga idza ndakyene, avavukelye uvundzila-vugolofu.
13Neke unefwe lutu-hwanile pakuvahongehedza uńeńe mbêpali kwa Nguluvi, ńe vanisu, ńe vênde kwa mutwa, pakuva Nguluvi avabagulye ńani baha vwamulilo ukuta mupokwage, je mwimye muvwîmike vwa Mubepo, je mwi nulufuvo lwa dzá ndakyene. 1, 3; Ef. 1, 4.
14Dze dzene dze avakemelelye ilyevangeli lye-su uńeńe, ukuta muvedzage lipwela ilińa-ndolo lya mutwa vesu Jesu Kilisiti.
15Hali lino, ńe vanisu, mwimage neke muńwili-dzage pakwibata ifilekela, fye muvulanidzwe, nde fivedze figendye mulidzwi nde fivedze figendye muhâte jesu. 3, 6.
16Neke lino umwene umutwa vesu Jesu Kilisiti na ju Nguluvi udadisu, je atwendile unefwe, je atusungukye nuluńamadzo ulusisila ponu nuluhuvilo ulunofu,
17je avavungage inumbula dzeńo neke avakangadzage mumalimo gonda amanofu namundzo-vo inofu.
Currently Selected:
2 Tesaloniki 2: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
