1 Tesalonike 5
5
1Neke idza figono nidza sala, ńe vańa-lukolo, idzo si dza kuvandikila uńeńe; Mat. 24, 36.
2ndivwene najuńe muludzelye mbando, ukuta ikigono kya mutwa kila-vedza ngita mukūfi, je ikwadza pakilo. Mat. 24, 42-44; 2. Pet. 3, 10; Luv. 3, 3; 16, 15.
3Bahe valatigilaga: patengamine padzidzimu hela, pe lulavaṅanihidza baho na lu lutipulo nakalingi hela, ndevye dziku-mwaṅanidza umukiṅinavo umuvaha iṅegeta neke vasilakimbila nambi. Mat. 24, 39.
4Neke uńeńe, ńe vanisu, musili va mukîsi neke kivańanidzage ikigono kila uńeńe ngita mukūfi.
5Ndivwene mwivonda muli vâna va lumuli, muli vâna va mûńi, unefwe tusili vakilo, tusili vakîsi. Lom. 13, 12; Ef. 5, 9.
6Apo humbi tutane ukusindzila itulo, nde vangi vala, hamu tuvedzage mîho hela, tuvedzage vagâlalufu.
7Ndivwene avigonelela itulo, vigonelela pakilo, navigāla navo vigāla baha kilo.
8Neke lino unefwe twe va pamûńi tuvedzage twi vagâlalufu neke tufwalage ikya kusīkila pamambaga, lwe lufuvo neke nuvwênde, tufwale nikikofyo, lwe luhuvilo ulwihuvila ukupokwa. Ef. 6, 14-17.
9Pakuva Nguluvi asitwimikye ulwa ṅaladzi, hamu atigye tusavilage uvupoki mwa mutwa visu Jesu Kilisiti,
10jujo je atufwilye ukuta nde tuvedzage tuli mîho nde tuvedzage tugonelye unefwe, tuhange nave muvûmi. 4, 14; Lom. 14, 8. 9.
11Kye mulesile mwivungage juńe ṅani, mwidzengage juńe ṅani, ndevye mwa mukulugimha. Jud. 20.
12Neke lino tukuvade-deva, ńe vanisu, twitigila: muvadzelage avakuvagi-mbila uńeńe amalimo navadzukye vandzagila veńo mwa mutwa navańa-kuvagolohedza uluhala. 1. Kol. 16, 18.
13Ve pavagye musuti-dzage napakuvaginya napakuvenda muvonage amalimo, ge vilima; mwegemanage mwivonda.
14Neke lino, ńe vanisu, tukuvavunga twitigila: muvagolosage uluhala avasitenda, muvańamadzage avańeńemye munumbula, muvadedesage avatenda, muvedzage kyedzamutima kuvonda. 2. Tes. 3, 15.
15Mwijandilage mutane ukumupiluhidza jungi imbîfu pambîfu, hamu mbêpali mudzifwimage dzi nofu na kuli ńeńe ṅani na kuvonda hela. Lom. 12, 17; 1. Pet. 3, 9.
16Mbêpali muhekelage. Fil. 4, 4.
17Mulapangilage kita-lekesa. Luk. 18, 1; Lom. 12, 12; Kol. 4, 2.
18Patunu tonda muhongedzage; ndivwene Nguluvi imye mwa Jesu Kilisiti pakulukēla ulu vulungamila ukweńo. Ef. 5, 20.
19Mutane ukuputa u-Mubepo. 1. Kol. 14, 30. 39.
20Mutane ukuvutofola uvuvidzi. 1. Kol. 14, 1.
21Mutugelandzage tonda neke ulunofu lwe muluvikage. 1. Kol. 14, 29; 1. Joh. 4, 1.
22Mutwepelage tonda, utuhwanine kumbîfu.
23Neke umwene Nguluvi va lutengamaso avadudzage pakuvimikaneke numubepo gweńo numuti-ma numuvili ṅani fikolati-dzwage fipanda ndesi figa-ja-lungi, p’alava ivoneka umutwa visu Jesu Kilisiti.
24Muńa-vwidevulilo umwene, je ikuvakemela, umwene nukwapulidza alalwapulidza. 1. Kol. 1, 9; 2. Tes. 3, 3.
25Ńe vanisu mutulapangililage najufwe.
26Vonda avańa-lukolo muvahungililage ulunonelo ulwîmike. 1. Kol. 16, 20.
27Ndikuvajigilihidza mwa mutwa nditigila muvapelage ihâte iji vonda avańa-lukolo, vajimbage.
28Ulusungu lwa mutwa visu Jesu Kilisiti luvedzage nańeńe.
Currently Selected:
1 Tesalonike 5: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
