2 Kolindi 11
11
1Kilonga vuli muka mundzidikage, ngana ndikwipuvilidza padebe, ena vone vuli mukundzi-dika.
2Ndivwene ndikuvafū-lupalila uńeńe umufulo gwa kwa Nguluvi, ndivwene ndivahasidze uńeńe, ndimuhasihidze umugosi jumwinga, ju Kilisiti, ndatigilaga ndikumusindi-kila umwanahindza umudzila-lupamidzwa. Ef. 6, 26. 27.
3Neke lino udikogopa nditigila ndeve indzoka jamudĕvaga u-Kava pavubanga vwajo, henda najuńe gikwanangika ndeni amahodza geńo gahege pavudzila-nôngwa, uvwalunganiye kwa Kilisiti.
4Ndivwene uńeńe, ngâ uka adzage ujungi neke avadalikilage u-Jesu, ujungi, je tusadalike unefwe, muka mumwanukilage u-Mubepo ujungi, je musamwanukye, nambe vaka vavaletelage ilyevangeli ilingi, lye musanukye, apo ngali mwikwidikila ndesi. Gal. 1, 8. 9.
5Ndivwene unene sinditigila ndinemile kuv-Apositili ava lukūle vala. 12, 11; 1. Kol. 15, 10; Gal. 2, 6. 9.
6Nde ndivedzage sindili kilomonandu pakulonga unene, kuvukagudzi kuno sindili mupuva, nda hamu, tusikukye ṅani ponda apeńo mutunu tonda. 1. Kol. 2, 1. 2. 13; Ef. 3, 4.
7Ene vuli ndihokile uvuhosi unene, vwe ndīlevedzaga ndili jena, ukuta muginage uńeńe, pakuva ndavadalikilaga ilyevangeli lya Nguluvi kitaho-mbwa. 1. Kol. 9, 12. 18.
8Muṅombeso idzingi ndikigoma ifyanavo, ngikwanukila uluhombo ulwa kuvalimila uńeńe uvulimilavangi. Fil. 4, 10. 15.
9Pe ndali umweńo umo, pe fyagajile nifilyo pala, napo sindamufŭlugidze nambe jumwi umunu apeńo, pakuva ifyagajaga va nangaga avańa-lukolo, avahumile mu-Makedonija. Ponda hela unene ndagendelaga ulwa kubihila ukuvafwahidza neke na lino ndilagendela lulo. 12, 13.
10Ndakyene na pe ndili navo uvwa koluli vwa Kilisiti, ulwiginiko lwangu ulu asilafūndika munu kumulomo gwangu unene mumagola ga mw-Akaja muno. 1. Kol. 9, 15.
11Mwe kiki? Pakuva sindivendile uńeńe? Ulu alukagwe ju Nguluvi.
12Lwe ndigulwime unene, lwe ndilaguluma na kilavo, ndigulwime ukuta ndidumulage uvwimilo vwa vene vala, avisakula uvwimilo, mwe vikwiginikila ulukuta vategine nafwe.
13Ndivwene avali evo ndesi, ve v-Apositili avadesi, va malimo ga lubuganidzo, vakwidzusa ngita v-Apositili va Kilisiti. 2, 17; Fil. 3, 2.
14Ulu si lwa kudzuma hamu, ndivwene na ju Setano ikwidzusa ngíta muńa-mwandza va lumuli.
15Apo si lukomi, ngana navavanda vakwe navo vikwidzusa ngita vavanda va vugolofu, neke avene uvwapulihidzo vwanavo vulagendela pamalimo ganavo.
16Ndivwila kangi nditigila: atane ujungi ukutigila ndili mupuva unene, neke lino ngana mwikana ulu, apo mundzidikilage lwe ndīpuvīlidze ulu, pakuva najune nigye ndiginikage padebe. 12, 6.
17Dze ndilonga lino, idzi sindilongela mwa mutwa, hâ nda, ndilongela ngita mwe vupuva, pakuva ndigulwime pakwiginika.
18Pe muvwene vakwi-ginika idza ńama ja muvili avolofu, apo najune ndikwiginikila dzidzo.
19Mungakēla hela pakuvahongedza avapuva uńeńe, ńe vańa-luhala!
20Ndivwene mwihongedza nga akuvalefya. ujungi, ngana ujungi ikuvalya, ngana ujungi ikuva ńaga, ngana jumwi ikwiginika, ngana jumwi ikuvadzagula nifivâte kumîho.
21Ulu ndilonga ndikwi-jēlēsa, mańi twali vatenda; neke lino dze engukye jungi, ndengukye dzidzo najune; idzi ndilongela vupuva.
22Avene va-Hibuli vona? Najune ndili inu-Hibuli! Avene vakina-Jisilahele vona? Najune ndili mukina-Jisilahele! Avene mutangilo gwa Abalahama? Mańi najune! Fil. 3, 5.
23Avene valimilavangi va Kilisiti? Uleke ndi longe ngita ndili muńalukwale: ndivalutye unene! Amalimo ndivalutye, imińololo ndivalutye, ukutovwa si lwa kugela, idza kúfwa ndzolofu; 1. Kol. 16, 10.
24kuva-Juda nditovilwe kahanu ifibŏko makyumi gataji kisigye kimwi.
25Mbungilwe kadatu nu tusondzo, ndibodzwilwe namaganga sukumwi, ikyômbo kindwivalye kadatu, umûńi gumwi nikilo kimwi ndikijevela palunipa lwa ńandza Apos. 16, 22; 14, 19.
26amakasi ndikitinda-nyuka kolofu, ndikulwike ukufwa mundenga, ndikulwike ukufwa kumigonadâsi, ndikulwike ukuvulagwa kuva mukipelela kyesu, ndikulwike ukuvulagwa kuva-kwivala, ndikulwike mukâja, ndikulwike mumakungu, ndikulwike muńandza, ndikulwike kuvańa-ṅolo avadesi;
27(ndivalutye) amalimo nuvugifi na lwe ndagonaga ndili mîho kolofu nukudagana nukukeluka nukuhwa kitalya kolofu nukuńońonala ińala nuvufu-la vwa myênda, 6, 5.
28kitavalila nidzingi na dze vikungilangilila avanu na dze ndikwiganihidza kuṅombeso dzonda hela. Apos. 20, 18-21.
29Mutenda ani neke mbihile uvutenda unene? Vamwambudzage nani neke unene mutane ukwâka? 1. Kol. 9, 22.
30Ngâ nde muńa-kwigi-nika, apo unene ndiginikage dzi dza vutenda vwangu. 12, 5.
31Nguluvi, udadye va mutwa vesu Jesu, umuńa-kulumbwa mumihagulile gya myâka, je aludzelye nukuta sindilonga ulwa vudesi unene. 1, 23.
32Mu-Damasiki umundzagila va mutwa Aleta ajimingaga ikâja ja mu-Damasiki, agane andzibate unene,
33neke baho vandzisi hidzage mukihīvi pandavilo ija palukandzi, neke baho ndihumukage mumavoko gakwe. Apos. 9, 24. 25.
Currently Selected:
2 Kolindi 11: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
