2 Kolindi 12
12
1Uvwiginisi vwa kwiginika ndeni neke vusikumuvumbulila kinu umunu, neke lino ndida-ndalukilage kuvugonela-mutwe na kuluvilatulilo, lwe ambilatulye umutwa.
2Ndimudzelye uneue umunu va mwa Kilisiti, lino gidzumbile imyâka mińikyumi na gitaji. Nde ali mumuvili, mańi; nde ahumile mumuvili, mańi; aludzelye ju Nguluvi. Neke umwene umunu uju ańagilwe neke akafikage kuvulanga vwa vudatu.
3Neke ndimudzelye ju munu jujo, nde ali mumuvili, nde ahumile kumuvili, ulo mańi, aludzelye ju Nguluvi,
4ndimudzelye ukuta ańagwaga neke akingilage mu-Paladisi, mwe adzipulike amadzwi, agasili vulongo, agali mwîko pakutambulwa kwe munu.
5Neke je ndikwiginikila jujo, unene june sindikwiginika nda; apo muvutenda vwangu, mwe ndikwiginikilaga. 11, 30.
6Napo nde ndika nigilage ndiginikage, napo sivuka vwivedza vupuva nda, mańi napo ndika ndilonga lu luńa-koluli. Neke nako ndikulekile, pakuta pe vakundonga unene, vatane ukudzufihidza ku lwe vakumbona na ku lwe vipulika idzańa-vangu. 10, 8; 11, 16.
7Neke lino najune, pakuta nditane ukwijinusa paluvilatulilo ulusi lwa kugela ulu, neke baho alidomike ilisûfi muńama jangu ja muvili, umuńa-mwandza va Setano, ukuta amwigage nifundzi, pakuta nditane ukwijinusa.
8Je ndigongolye kadatu kwa mutwa nigye: angahega umwangu muno.
9Neke lino umwene atigye: uveve lufulwike lu lusungu lwangu, ndivwene ingufu dzikolokela muvutenda. Unene lino lwe luńoṅońafu mbando ukwiginikila muvutenda ngavwila, pakuta ingufu dza Kilisiti dzadzage dzidzengage umwangu.
10Kye ndesile ndifikēlage nuvutenda na dze vikuṅinila na dze ndifiganidzwa na dze va vikufwima na dze ndibananidzwa, ifikundzadzilila pakuva ndili munu va Ki lisiti. Pe nda ndiva ndilí mutenda, apo pe pene pe nda ndivedza ningufu. Fil. 4, 13.
11Ndidzukile ndili mupuva hela, mungagilidze juńe, ndivwene lukava-hwanile pakungolohedza juńe, ndivwene sindinemile kuv-Apositili ava lukūle vala, nde ndivedzage sindili kinu unene. 11, 5.
12Neke ifidzēlelelo ukuta ndili mw-Apositili unene ifyo figimbile na pa peńo na mufilŏle na mumitu na mungufu mulwigugumihidzo londa. Lom. 16, 19.
13Ndivwene lwe lulikwi, lwe mwangye uńeńe kuṅombeso idzingi? Apo lulo lwene, lwe sindada-kaga ukweńo! Ńongidze uvuhosi vwangu uvu! 11, 9.
14Neke lino lwe lwa vudatu ulu, lwe ndigelanidze pakuta ndadze ukweńo uko, napo kangi sindiladāka ukweńo nda, pakuva unene sindisakula ifyeńo, hâ nda, ndikuva-sakula juńe; ndivwene lusivahwanile avâna pakuvasagila imâle avavaha vanavo, hâ nda nôngwa ja vavaha ukuvasavila avâna vanavo. 13, 1.
15Neke unene kuńoṅońafu ukukisinda ikyûma kyangu nukusindwa june kumitima gyeńo, neke ngana ndivendile uńeńe ulusi lwa kugela, apo unene ndinēma kiki pakwendwa? Fil. 2, 17.
16Swêla tululeke! Neke unene sindidākile ukweńo nda, neke nde mubang’ane ndivadĕvile neke ndivibate.
17Ve ndivatumile ukweńo kwali jumwi, je ndivabuganihidze-mo?
18Ndamulālike ju Titi neke ndamutumye kumwinga numuńa-lukolo; ene vuli je Titi, je avabuganidze? Tusali mubepo gumwinga pamigendele? Tusili mukuja gumwinga nave? 8, 6. 16-18.
19Mwamwe katali mwi tigila tukwinodzehedza pa peńo unefwe, unefwe twi longela mumîho ga Nguluvi mu mwa Kilisiti. Neke lino dzonda, ńe vâne, dza kuvadzenga uńeńe.
20Ndivwene ndikwijo-gofya unene, pe ndilava ndifike ukweńo, sindilavona muli evo, ndeve nda ndikēla ukuta uńeńe muvedzage-vo, najune kangi nditigila musilambona ndili evo, ndeve mwa mwikēla ukuta mbedzage-vo. Ndikogopa ukuta ene vuli ndilavona hamabatu nuvwifu namagoga nindzolingo nukufilana nukuhē-hana nukwitupika nuku jadziliṅasa. 10, 2; 1. Kol. 4, 6.
21Ndikogopa nukuta ndilava ndifike ukweńo uko, ene vuli ndilavona Nguluvi vangu ikundēvēdza kangi neke ndińŏńŏvalage kuvolofu, avahokile inôngwa pamwandi neke vabihile ukupĕla nidza vulamafu nidza vugoni nidza vukemi, vwe valimile. 2, 1; 13, 2.
Currently Selected:
2 Kolindi 12: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
