2 Kolindi 10
10
1Neke unene, nde Pavulu, ndikuvavungila muvulele na muvulê-ngamafu vwa Kilisiti, june je ndikwilēvedza, pe twilolana nańe, je nditalama, ngana ndili patali. 1. Kol. 2, 3.
2Neke lino ndidedeva nditigila: pe ndadzile kuko, apo ndali nditane ukutalamila ikikăka, kye nditigila ndītumage kuvene vamwi vala, avitigila unefwe tuli ngita twigendela ulwa ńama ja muvili. v. 11; 1. Kol. 4, 21.
3Ndivwene imigendele igyo twigendela gya pańama ja muvili, neke ukwaluka tusikwalukila ulwa ńama ja muvili hamu.
4Ndivwene amagoha ge-su, ge twikwalukila, gasili ga ńama ja muvili, hâ nda, agene ga ngufu hela na kwa Nguluvi dza kupangalaṅahidza na ga malinga, twigwisa ninganiso, Ef. 6, 13-17.
5nuvutali vonda, uvukwijinuhidza na kuvuka-gudzi, uvukumukagula Nguluvi, neke twigoma namahodza gonda, galevage kwa Kilisiti,
6neke twigelanihidze ṅani unefwe pakuluvunga londa nulubedo, mulava mumalile ukuleva uńeńe.
7Idzivonekela ṅani mumîho, dze dzene dze mudzivonage; neke lino ngana jumwi idevulye ukuva ali munu va Kilisiti, apo ujo kangi aluvonelage pa pakwe, ukuta ngâ ali va Kilisiti umwene, apo najufwe lulo.
8Mańi napo nde ndika nditigilage ndīlutilidze pakwiginika uvutavulilwe vwetu, vwe atupelye umutwa, vwe atupelelye vwa kuvadzengela uńeńe, vwe asatupelelye vwa kuva-mamula uńeńe, apo napo sipaka pivedza podzili unene idza kundzēlesa, 12, 6; 1. Kol. 5, 4. 5.
9pakuta nditane ukuvedza ngita ndikuvatinusa hela nihâte;
10pakuva avene vitigila: „ihâte dzakwe síto, dzili ningufu neke pe a ivedza pwali numuvili gwakwe, apo mutenda nindongele jakwe jili kijagi hela.“
11Neke ngana je ilonga evo, ahodzage vunofu ukuta tulavedza ndesi va muvugifi, pe tuli potuli, ndeve tugenda mumadzwi aga hâte, pe tuli patali. 13, 2. 10.
12Ndivwene tusikwiginika ulwa kuta tuhandzwage nukuvalilwa na vatunga vala, avakwisopa vene, hâ nda, avene lusina lutema, pakuva vakwigela vavo vene pakwite-gasa vavo vene. 3, 1; 5, 1-2.
13Neke unefwe tusisutidza pakwiginika, hamu unefwe twigendela ikigelelo kya lutono, kye atugelye ju Nguluvi, kye atigye tukafikage na ku kweńū. Lom. 12, 3.
14Ndivwene unefwe tusikwidzufya tuli jena ngita vanu avasafikile ukwe-ńo, ndivwene twalingile ku kweńo nilyevangeli lya Kilisiti.
15Unefwe, pe tukwiginika, tusigelwike umubaka, tusikwiginikila amalimo, ge vagímbaga avangi, unefwe twihuvila lulo ukuta nga lwali loloke ulufuvo lweńo uńeńe umweńo umo, apo najufwe tulaginwa umweńo, ndeve lugenda ulutono lwesu ulwilemuka, Lom. 15, 20.
16ukuta tudzumbage na pa peńo pakulidalika ilye vangeli, ukuta tutane ukwiginikila mulutono lwa vene, lwe valusindile va vene. Apos. 19, 21.
17Neke lino, je ikwiginika mwene, iginikilage mwa mutwa. 1. Kol. 1, 31.
18Ndivwene si mukala-gafu, je akwihăla mwene, hamu, mukalagafu, je ihălwa kwa Nguluvi. 1. Kol. 4, 6.
Currently Selected:
2 Kolindi 10: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
