2 Kolindi 9
9
1Neke lino iîyene ifya kuvalundahidza avîmike, ifyo ndika ndivandikilage fya kiki, ńe vâne? 8, 4. 20.
2Ndivwene unene ndigakagwe ukuta mwidike lukasila, lwe ndikwiginikila lulo na kuva-Makedono nditigila: avene ava mw-Akaja vali valundise umwakadzo neke umufulo gweńo guvalamwise navangi avolofu. 8, 19.
3Neke lino ndivatumile avajisu nigye, dze tuki-kwiginikila apeńo idza nôngwa iji, dzitane ukulema, hâ nda, nigye, muvedzage mwigelanihidze ṅani, ndeve ndivalongye unene, 8, 24.
4nigye ava-Makedono ava, ngana ndadzile navo unene, vatane ukwadza vavone musigelanidze neke lino baho unefwe dzitutovage ińoni, nigilage dzivatovage uńeńe, pakuva twahuvilaga.
5Mwe mwene, mwe nigilye luvagye pakuvalālika avajesu, ukuta valo-ngolelage ṅani ukufika ukweńo uko neke valuvu-japage ulufuńo lweńo, lwe mwahuvihidze ṅani, neke unefwe twadze tuvone fivujape neke fivedzage ngita fya lufuńo, fibihile ukuva ngita fya vununumu.
6Neke pa idzi unene nditigila: umuńa-kukŏńa pakusopa, ujo filavedza fińamwejege na pakubena, neke je itola kidindamîho na pakusopa, ujo filavedza fińa-mutupo na pakubena.
7Vonda vatavulage fi fye vafivonye ṅani munumbula janavo, atane ukutavula ujungi numukākīla, atane ukutavula nifya kugagilidzwa hela; ndivwene Nguluvi amwehdile, je itavula kyedzamutima. Lom. 12, 8.
8Neke Nguluvi ujo asilemwa ukuvasukulila ulusungu londa, ukuta najuńe mumotage hela ulwa malimo gonda amanofu, pe fidevwike najuńe mwivonda fyonda hela mbêpali,
9ndeve loìilwe ulwa kuta: „asukwe pakusopa, avapelye avahangala; uvugolofu vwakwe vukwikala na mumihagulile gya myâka.“
10Neke lino umwene, je ikumuvikila imbeju umuńa-kumidza, je ikumuvikila nuvugali vwa kulya, je mwene je alavavikila najuńe imbeju, alajisĕnya, je alavamedzehedza uńeńe uvugavwa vwa vugolofu.
11Neke uńeńe mumotile fyonda, je mwitavula vugololasingo neke lino uvutavudzi uvu vwihula uluhongedzo kwa Nguluvi, lwe twitanga najufwe. 1, 11; 4, 15.
12Pakuva uvulimilavangi vwa fitēkelwa ifi vusili vwa kusinda hela uvwângile vwa vîmike vwene, hâ nda, vukumulemukila na ju Nguluvi, pakuva vi-hongedza avolofu, 8, 14.
13neke pe vavwene uvulimilavangi uvu vunogile, apo vakumulumba Nguluvi, pakuva mulevile muvudzovanile uńeńe, uvulungamye kulyevangeli lya Kilisiti, pakuva mulundise vugololasingo ifya kuvapĕla vavo navangi vonda,
14apo nukulapangila vakuvalapangilila uńeńe, pakuva vasukilwe ukweńo, vavwene ulusungu lwa Nguluvi, uluvalemukye uńeńe.
15Hongela ju Nguluvi ìlipwela lyakwe. ilisihăhwa amadzwi!
Currently Selected:
2 Kolindi 9: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
