1 Tesalonike 4

1Lino poluli nulungi, ńe vańa-lukolo, tukuva-gongolela tukuvavungila mwa mutwa Jesu twitigila: mongeledzage mbando mumigendele, gye mwa mwigendela nalino, ndeve mwanukye ukwesu ulwa kuta: imigendele givedzage nde, nukwijendeledza kwa Nguluvi kuvedzage nde.

2Pakuva mugadzelye amakule, ge twavapelelye mwa mutwa Jesu, mwe gagendye.

3Ndivwene Nguluvi akelye idza kwijelulila uńeńe, idza kuvudzila uvugoni.

4Neke lino mwivonda mulukagulage ulwa kusava ikihava najula ikyakwe najula ikyakwe musavilage muvwîmike namukyôga. 1. Kol. 6. 13. 15.

5Mwigelage kuvukemi vwa vudobofu, nde vapivala, avasimudzelye Nguluvi.

6Mutane ukubuganidza, mutane ukumudzanga umujińu pamigulile, pakuva Nguluvi akudzilumbila dzond’idzi, ndeve twavalongye ńani uńeńe, twavolkye.

7Ndivwene Nguluvi asitukemelelye kuvulamafu, hamu atukemelelye kuvwîmike.

8Kwe kuva lino, je ibeda asikuvabeda avanu, hamu akumubeda ju Nguluvi, je avapelye najuńe u-Mubepo vakwe umwîmike. Luk. 10, 16.

9Neke idzene idza vwendalukolo idzo si dza kuvandikila uńeńe; ndi-vwene idzo avavungile ju Nguluvi idza kwijenda ńe vavo ṅani. Joh. 13, 34.

10Ndivwene idzi muku-dzigendelanakuvańa-ṅolo vonda ava mu-Makedonija monda. Neke lino tuku-vavunga, ńe vanisu, twitigila mongeledzage ni-dzingi.

11Luvedzage ngita lwa malumbo uńeńe pakudzi-ka hela neke mugimbage ulweńo neke mulimage namavoko geńo, ndeve twavalongye na idâha, Ef. 4, 28; 2. Tes. 3, 8. 12.

12ukuta uńeńe imigendele gyeńo kuva-pivala givedzage migaja-vuhula-ńoni, mutane nukumuhuvila ujungi. Kol. 4, 5.

13Neke lino ulwene, ńe vanisu, ulwa vańa-kutu-sama itulo dza vufwe, tusikelye ukuta mutane ukudzikagula, pakuta mutane ukuhuguvala nde avangi avandzila-luhuvilo. 1. Kol. 15, 20; Ef. 2, 12.

14Ndivwene unefwe ngana twifuvwa idza kuta Jesu nukufwa afwe nukudzulubuka adzulubwike, apo Nguluvi avatusime alagendela pa-Jesu pakuvadza navo. Lom. 14, 9; 1. Kol. 15, 3. 4. 12.

15Ndivwene lye lidzwi lya mutwa, lye tukuvavula ili, ilya kuta: unefwe je tulava tusigye tuli vûmi, pe alava ivoneka umutwa, tusilavatalila avatusime. 1. Kol. 15, 51.

16Pakuva ju mwene umutwa alasulunuka ukuhuma kukyâńa nuludalikilo nilidzwi lya muńamwandza umundzagila ningalapi ja Nguluvi neke, avafwilye mwa Kilisiti, valatala ukudzulubuka vavo. 1. Kol. 15, 23. 52.

17Neke lino baho tula-fudika unefwe, je tusigalye tuli vûmi neke jilavedza ngegelakumwinga navo mumafunde muku-nvutaṅanidza umutwamu-ala, neke tulavedza nave umutwa ndeni mbêpali. Joh. 12, 26; 17, 24.

18Apo najuńe mwińa-mahidzage gamadzwiaga.

Currently Selected:

1 Tesalonike 4: II

Highlight

Copy

Compare