1 Petele 4
4
1Lino pakuva na ju Kilisiti apumukye ulwa ńama ja muvili, apo najuńe mukolelage umugoha gwa lwihodzehedzo lulo, pakuva je ipumuka muńama ja muvili, ujo asindile pakwangula,
2pakutigila najufwe lino ifigono ifisigye ifya pańama ja muvili jesu tutane ukugendela uvudobofu vwa vanu, hamu tugendelage lwe akelye Nguluvi.
3Ndivwene pafigono ifihelye pafulwike ndesi pakulugendela lwe vakelaga avanu, pe twagendelaga muvukemi na muvudobofu na muvuńwēlĕsi na muvulyamuno na mukuńw’uvugimbi na muvulimila-minguluvi, uvulimwiko. Ef. 2, 2. 3; Tit. 3, 3.
4Lwe lugendzi avene lwe musili vuńilanile navo kuvwitilo vwa vudzilivungo neke vavadzovage fivi.
5Ve vene avalavudzwa kwa je igelanihidze ńani mukuvahiga navûmi navafwe. 2. Tim. 4, 1.
6Ndivwene lwe lwene lwe vadalikililwe ilyevangeli na va vafwe, pakuta nde vahigwage pańama ja muvili ulwa twe vanu, pakuta pamubepo vavedzage vûmi ulwa Nguluvi. 3, 19.
7Neke uvudugilo vwa fyonda vuhegelye. Apo lino mwikale lutemelye, muvedzage vagâlalufu kululapangilo; 1. Kol. 10, 11; 1. Joh. 2, 18.
8neke ulwene ulukomi muvedzage kińa-vwijende kitahogosa, pakuva uvwênde vwigubikila uvoíofu vwa ndzanangifu; Jak. 5, 20.
9muvedzage kińa-vwisangile kitibungula. Heb. 13, 2.
10Ilipwela lya lusungu, lye mwanwike mwivonda, livedzage lya kulimanilila, nde vimilidzi va lusungu lwa Nguluvi ululi polofu,
11ngana jumwi ilonga, apo alongage ngita ilonga amalôngwa ga Nguluvi, ngana jumwi ilimilavangi, apo alimililage mungufu, dze akumudapa Nguluvi, pakuta adzukage muńa-ndolo Nguluvi mufyonda vugenda mwa Jesu Kilisiti, je fyakwe nindolo ningufu ukufika kumihagulile gya myâka, mwe gifudińanye. Amene. Lom. 12, 7.
12Ńe vend’ańe, mutane ukuta ingelungelu nge ndzi, ijili umweńo, ijivafikye mukuvagemya, ngi ta kivatańanidze ikigendzi, 1, 6. 7.
13nda hamu, mukēlelage mu mwe muli vuhanganile nimumuko dza Kilisiti, pakuta mwali mukelage nukutova imbilikila, dzilava dzivilatwike na dzi ndolo dzakwe. Apos. 5, 41; Jak. 1, 2; Lom. 8, 17.
14Ngana mwiligilwa ulwa itavwa lya Kilisiti, apo uńeńe kitendileme, pakuva u-Mubepo va ndoloo nuva Nguluvi ve ikalile apeńo. 2, 20.
15Nditigila uńeńe atane ukupumuka ujungi ulwa vuvuladzi nambi ulwa vuhidzi nambi ulwa vwafu nambi ulwa vwifigidisi.
16Neke ngana mwipumuka, pakuva muli vakilisiti, apo dze dzitane ukuvahulila isoni uńeńe, hamu apo namwitavwa lilyo mumolohedzage indolo u-Nguluvi. Fil. 1, 20.
17Pakuva gwe mwâka ugwa kwamulilwa imihigililwe pańumba ja Nguluvi. Neke lino ulwene ngana lwamulilwe apesu jufwe, apo valingila kwi, avasikulifuvwa ilyevangeli lya Nguluvi?
18Neke ngana ikuluka hela pakunana umugolofu, apo umudzila-Nguluvi numuhosi valimila pi? Luk. 23, 31.
19Apo navo avipumuka, lwe avagelye Nguluvi palukelo lwakwe, avo imitima gyanavo vagisindikage kwa mugafi, j’ali vwidevulilo, vulimanofu.
Currently Selected:
1 Petele 4: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
