1 Petele 5
5
1Avagogolo lino avo ndikuvavunga nde mugogolo mujavo, nde molesi va mipumukile gya Kilisiti, je ndili vuhanganile na dzi ndolo idzilavilatuka, 2. Joh. 1; Lom. 8, 17.
2nditigila: ikipinga kya Nguluvi, kye muli nakyo, mukidĭmilidzage neke mutane vugagilidze, hamu mukelage juńe lwe a igendela Nguluvi, mutane uvusavila-mo, hamu mupēfukilage, Joh. 21, 16; Apos. 20, 28; 1. Tim. 3, 2-7.
3mutane ukwitemeledza mulukombeso, hamu muhambukage kilolelole kya kwilolela ikipinga. 2. Kol. 1, 24; Tit. 2, 7.
4Neke lino ngâ ponu, pe alava asikwike u-Mulovela va vańa-kudima, apo mulafwala ingêla ja ndolo ijisijongodoka. 2, 25; Heb. 13, 20; 1. Kol. 9, 25; 2. Tim. 4, 8.
5Najuńe ńe vabuhu ndesi mulevage kuvagogolo neke mwivonda ulwijiso luvedzage kińa-vwijibate, pakuva Nguluvi avimedza umukila avo akuvakana neke avakwilēvedza avo akuvapela ulusungu. Ef. 5, 21; Mat. 23, 12; Jak. 4, 6.
6Apo lino mwilevedzage kwivoko lya Nguluvi ilińa-ngufu, pakutigila ali avinusage jujo ngâ ponu. Jak. 4, 10.
7Neke dzondaidza kwiganya idzo musopelage kwa jujo, pakuva akuviganihidza ju mwene. Mat. 6, 25; Fil. 4, 6.
8Muvedzage muli vagâlalufu, muvedzage muli mîho, pakuva umuńa-vupēla veńo, umuhēsi, isela ngita ńalupala ijibuta, isakula uva kumumila. 1. Tes. 5, 6.
9Je mutengage ve mudomime mulufuvo, mulukagulage ukuta avajeńo vonda, avali mu ńi muno, vipumuka dzidzo navo. Ef. 6, 11-13.
10Neke umwene Nguluvi, umuńa-lusungu londa, je avakemelelye mwa Kilisiti kundolo dzakwe dza mbêpali, je mwene je alavikadza vugelanidze, alavakangadza, alavakalagadza, alavasimika uńeńe, je mwipumuka panaṅi. 1, 6.
11Ingufu dzakwe ju mwene ukufika kumihagulile gya myâka, mwe gifudińanye. Amene.
12Ndivandikilye nilivoko lya Silwana, umuńalukolo, je nditigila ali vwidevulilo; idzene ṅefu hela dza kuvavungila neke nidza kuvolekela, ukuta ulu lwe mwimye lwe lusungu lwa Nguluvi ulwa koluli. Heb. 13, 22.
13Lukuvahungila ulukombeso lwa mu-Babele, uluhagulilwe kumwinga nańeńe. Ikuvahungila na ju Malika, umwâna vangu. Apos. 12, 12. 25; 2. Tim. 4, 11.
14Mwihungile nulwinonelo uluńa-vwênde. Ulutengamaso luvedzage nańe mwivonda, je mugenda mwa Kilisiti. 1. Kol. 16, 20.
Currently Selected:
1 Petele 5: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
