1 Petele 3
3
1Ndesi najuńe ńe vakiṅinavo mulevage kuvagosi veńo, pakuta navo, nde vatane ukulifuvwa ilidzwi, vasavilwage gi migendele gya ńe vadala kitavalongela lidzwi, Ef. 5, 22.
2pe vagivwene imigendele gyeńo, ukuva midzila-lupamidzamuvogofi.
3Uńeńe mutane ukwinodza ulwa pamuvili ulwa fwili inive nambi ulwa kufwala isahabu nambi ukwifwika imyênda, 1. Tim. 2, 9.
4hamu kiba umunu va munumbula uva kukińele uva pamigendele imigajavuvofu gya mubepo umulele ugwidzika hela, gwe gulutye uvutalamu kwa Nguluvi.
5Ndivwene navakiṅinavo avîmike va pamwandi vinodzehedzaga lulo, avahuvilaga kwa Nguluvi, pe valevaga kuvagosi vanavo,
6ndeve Sala akundaga kwa Abalahama neke amutambulage ulwa „mutwa“, najuńe mudzukile vâna va jujo, je mwilima inofu, je musikogopa nuluhili nambi.
7Ndesi najuńe ńe vagosi muluvonage uluhala, kwe mwivujila navadala veńo, avali ngita kihava ikilutye uvutenda; muvatonelage uluginyo nde vavo, avali ńangilakumwinga nańeńe pakuhăla ulusungu lwa vûmi, pakuta indapangilo dzeńo kitane ukuvagasa kinu. Ef. 5, 25.
8Ulwa kwapula nditigila: muvedzage mutima gumwinga, muvedzage kińawipyanile, mwijendage ululi vwendalukolo, muvedzage mwi vańa-luko, mwilēvedzage.
9Mutane ukupilusa imbîfu pambîfu nambi amaligo kumaligo, hamu uńeńe mufuńage, pakuva lwe lwene lwe mukongolilwe lu lwa kuluhāla ulufuńo. 1. Tes. 5, 15.
10Ndivwene je avwendile uvûmi, je igana ukufivona ifigono ifinofu, apo ujo je alugomolage ululimi lwakwe kumbîfu numulomo pakulonga uvudesi, Jak. 1, 26.
11ikwegage kuvuhosi, alimage dzi nofu, asakulage lu lutengamaso, alukolelage lulo.
12Paktiva amîho ga mutwa gakuvalola va vagolofu, amasikidza gakwe galungamye kundapangilo dzanavo, neke kumîho ga mutwa kuvahalabukye avihoka imbîfu.
13Neke nani umuńakuvavifya, ngana mudzukile vańa-kudzifūlupalila inofu uńeńe?
14Neke nde muvedzage mwipumuka, vavwene uvugolofu uńeńe, napo kitendileme uńeńe neke mutane ukogopa, pe vikogopa avene, mutane nukutinuka. 2, 20.
15Neke mumwimikage u-Kilisiti umutwa munumbula dzeńo, je mwigelanihidze ńani pakumupiluhidza je itandza ulwa luhuvilo ulugenda umweńo neke mupiluhidzage muvulele na muvogofi,
16je mwi nalo ulwikagulo ulunofu, pakuta mwe vakuvahēha, mwe mwene mwe vadzukilage vańalupumba vavo, avakugiliga imigendele gyeńo iminofu igya mwa Kilisiti.
17Ndivwene nukupumukila uvulimanofu nukupumukila uvulima-mbîfu, kiba ukupumuka, pe ulimile inofu, ngana lukelye-vo ulukelo lwa Nguluvi. v. 14.
18Pakuva na ju Kilisiti nave indzanangifu adzipumukye kamwinga, umugolofu (avapumukye) avandzila-vugolofu, pakuta avahegēledzage kwa Nguluvi, je avŭlagilwe ulwa ńama ja muvili, neke ulwa Mubepo ulo adzuswage mûmi. 2, 21-24; Ef. 2, 15.
19Neke lino abitilage mwa Mubepo jujo neke agidalikilageimibepoigya muvudinde, 4, 6.
20igyakanile ukufuvwa idâha, pala uvwisamutima vwa Nguluvi vwalolelaga kindolela pafigono fya Nwaka pala, pala pe kyadzengwaga ikyômbo, mu kye vingye vakēfu hela, kwe kuta imitima munana, neke vananilage ululenga,
21ulukuvananya najuńe lino muludzabiko, uluhwanine ndesi nalo, ulusihedza ilikwi lya ńama ja muvili, hamu ululi luńiliko lwa lwikagulo ulunofu, lwe twińilika kwa Nguluvi neke (ululenga ulu) lukutunanihidza lu ludzulubuko lwa Jesu Kilisiti, Ef. 5, 26.
22je agenda kulya ndyo lya Nguluvi, avye inwike kukyâńa, kwa je valevile ukwakwe navańa-mwandza navatambule navańa-ngufu. Ef. 1, 20. 21.
Currently Selected:
1 Petele 3: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
