1 Petele 2
2
1Neke lino mufifulage nuvuvîfu vonda nuvubanga vonda nuvukedusi nisinwa nuvuhesi vonda, Ef. 4, 22.
2mulidobokage ngita fyali ilivele ilihuma mulidzwi, ilindzila-vubanga, pakuta mwe mukalagalilage-mo ukufika kuvupoki, Heb. 5, 12. 13; Mat. 18, 3.
3ngana ndakyene mumunodzandzidze uvulele umutwa.
4Pe mwikwadza ukwakwe, kwiganga ilyûmi, lye valitagile avanu neke kwa Nguluvi lihagulwa litalamu,
5apo najuńe mwidzengage ngita maganga amûmi, ngita ńumba ja Mubepo, ngita vutekedzi uvwîmike, avitekela amasembe amańa-mubepo, ge ikwidika na ju Nguluvi vugenda mwa Jesu Kilisiti. v. 9; Ef. 2, 21. 22; Lom. 12, 1.
6Kye lulesile lolwage napahâte ulwitigila: „lolage mu-Sijono mwe ndikulivikailiganga ilihagule lya pakipungu ilitalamu; neke je amwidike jujo, je asivedza na lupumba.“
7Neke lino uńeńe je mwifuvwa mwiva nuluginyo, neke avene avasifuvwa avo iliganga lye valitagile avadzenga-ńumba, lye lyene kangi livadzukye liganga lya pakipungu, Mat. 21, 42.
8liganga lya lukuvadzo, liganga lya lwambudzo, lye vakwikuvadza avasikulifuvwa ilidzwi; lwe vavikilwe lulo nukuvikwa. Lom 9, 33.
9Neke uńeńe muli kipelela ikihagule, muli vutekedzi uvutema, muli vanu avîmike, muli vanu a vahagulilwe ukuva vakwe musuma, pakuta mudzidalikage ińa-vupedze dza je avakemelelye mukîsi ukuhelela kulumuli lwakwe uluńa-kudzumwa, Luv. 1, 6.
10je padâha simwali vanu vakwe neke lino muli vanu va Nguluvi; je musali vapyanilwa neke lino muli vapyanilwa. Lom. 9, 25.
11Ńe vend’ańe ndikuvavunga, ńe vihadisi, ńe muli vagendzi hela, nditigila mudzidzilage ińunuko dza pańama ja muvili idzilwa numutima. Jak. 4, 1.
12Imigendele gyeńo, gye mwigendela muvapivala, givedzage minofu, pakuta mwe vikuvahēhela ngita muli vahosi, ukuta mwe mwene kangi vamulumbilage Nguluvi, pe valava valavile amalimo amanofu pakigono, kye valalolelwa avene. Mat. 5, 16.
13Mwilefyage kuvutende vonda uvwa vanu vugendela mwa mutwa, nde kuvedze kwa mutwa, j’alutye uvuvina, Lom. 13, 1-7; Tit. 3, 1
14nde kuvedze kwa mundzagila, je atumilwe kwa mutwa, pakuta umulimambîfu amuvungage neke umulimanofu amulumbage.
15Pakuva dze dzene dze akelye Nguluvi, ukuta avanu avakitadzela avapuva muvabundage ninofu, dze mwilima uńe ńe, 3, 16.
16nde vavangwa, neke uvwene uvuvangwa uvu mutane ukuva navo ngita kigubikililo kya kugubikilila imbîfu, hamu muvedzage ngita vakami va Nguluvi. Gal. 5, 13.
17Muvaginyage vonda, muvendage avańalukolo, mumogope Nguluvi, mumuginyage umutwa. Lom. 12, 10; Mat. 22, 21.
18Ńe vavanda va mu ńumba mwilefehedzage ki kyôga kyonda kuva twa veńo, mutane ukuta kuvanofu na kuvalele vene, hamu na kuvakali. Ef. 6, 5; Tit. 2, 9.
19Ndivwene lwe lusungu, ngana uvwene lwikagulo lwa kwa Nguluvi pakutegula iṅali, pe vwifwila kitahoka.
20Lwa kwiginika vona, ngana vwigugumidze, pe utiokile neke utovwage? Hamu kiba ngana ulimile inofu neke upumukage, apo vwe vusungukilwe kwa Nguluvi. 3, 14. 17; 4, 13. 14; Mat. 5, 10.
21Ndivwene lwe lwene lwe mukemelelilwe najuńe, pakuva na ju Kilisiti nave avapumukye uńeńe, avalekye umukuja uńeńe, ukuta muninilage mundzaho dzakwe, Mat. 16, 24.
22je asangwe indzanangifu ponu, je vasavuvwene nuvubanga mumulomo gwakwe, Joh. 8, 46; 2. Kol. 5, 21.
23je aligwaga kiíapilusa ililigo umwene, je asafingidzaga, pe apumukaga umwene, amutavulye ju mwene, je igolosa ukuhiga;
24jujo indzanangifu dzesu inwike nadzo pakibiki dzili mumuvili gwakwe, ukuta kundzanangifu tuvedzage tufwe, kuvugolofu tuvedzage tuli vûmi; dzituhosidze indzeja dzakwe. 1. Joh. 3, 5; Lom. 6, 11.
25Ndivwene mwali ngita ṅolo, idzijumba dzene, neke lino mupitukye kwa muńa-kuvadima veńo, kwa mwimilidzi va mitima gyeńo. 5, 4; Joh. 10, 12.
Currently Selected:
1 Petele 2: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
