1 Petele 1
1
1June nde Petele, nde mw-Apositili va Jesu Kilisiti, ndikuvandikila ńe vagendzi ńe vakongole, je mutagalye na mu-Pondo na mu-Galatija na mu-Kapadokija na mw-Asija na mu-Bitinija, Jak. 1, 1.
2vugelela pa lwe muhagulililwe ńani kwa Nguluvi, udadye muvwîmike vwa Mubepo, ululungamye kulukundo neke na kuluhăńilo lwa danda ja Jesu Kilisiti; ulusungu nulutengamano fivolokelage uńeńe. Lom. 8 29.
3Alumbwage Nguluvi, udadye va mutwa vesu Jesu Kilisiti, je atuholile kangi vwimiía lu lupyana lwakwe ulukomi., ukuta tuvedzage nuluhuvilo ulûmi, pakuva Jesu Kilisiti adzulubwike kuvafwe,
4ukuta twali tufike kwípwela ilisivola, iligajamakéléle, ilisijongodoka, lye avavikye kukyâńa, Kol. 1, 12.
5uńeńe, je lukuvamingi-la ulufuvo mungufu dza Nguluvi ululungamye kuvupoki, uvugelanidzwe pakuvilatulwa pafigono fya vwapulilo. Joh. 10, 28; 17, 11.
6Ulu mwitova nimbilikila uńeńe, je muhuguvalye mungemyo indzolofu padebe hela tândi, idzavahwanile tândi, 5, 10; Lom. 5, 2; 2. Kol. 4, 17.
7pakuta ulufuvo lweńo luvonekage uvugelandze, uvulutye na kusahabu ijijaganika, ijigelandzwa gu môto najo neke lulungamilage kumalumbo na kundolo na kuluginyo, alava ivilatuka Jesu Kilisiti,
8je mumwendile, nde muvedze musimuvwene, je mukumufuvwa kitamuvona tândi neke mutovage nimbilikila, je muli nuluhekelo, ulusili vutambulo uvuńa-ndolo, Joh. 20, 29; 2. Kol. 5, 7.
9neke muhegage navo uvudugilo vwa lufuvo, uvupasi vwa mitima. Lom. 6, 22.
10Uvupasi uvu vavusakulaga vakŏlelaga numukuja vonda avavidzi, avavilaga ulusungu ulu, uluvafikye uńeńe. Luk. 10, 24.
11Vapodzaga vatigilaga ino vona gwe mwâka gulikwi, vona gwe mwâka guki, gwe adońile u-Mubepo va Kilisiti, je vali nave, je olekelaga ńani nimumuko idzalungamye kwa Kilisiti neke nindolo idzifudike pambele,
12vavilatulilwe avene, ukuta sivikwilima vavo, hamu vikuvalimila juńe idzi, dze vakuvadalikila uńeńe lino vavo, avakuvadalikila uńeńe mwa Mubepo umwîmike, je atumilwe vuhuma kukyâńa, dze vanogelwaga navańamwandza pakubeńelukila-mo. Ef. 3, 10.
13Kye mulesile mwipińage ikigudi kya lwitaṅanidzo lweńo, muvedzage vagâlalufu, muhuvilage lukasila ulusungu, ulukuvadzilila muluvilatulilo lwa Jesu Kilisiti. Luk. 12, 35.
14Muvedzage ngita vâna avikunda, mubihile ukwiliṅasa nuvudobofu vwa pamwandi, vwe mwavugendelaga ilĭga. Lom. 12, 2.
15Hamu mugelelage pa ju mwîmike, je avakeme lye neke mudzukage mwi vîmike imigendele gyeńo gyonda.
16Mańi lolilwe ulwitigila: „mudzukage mwi vîmike, pakuva ndili mwîmike najune.“
17Neke ngana umwene mukumutambula ukuva je dadeńo umwene, je asihigila uvunofu vwa vanu kumîho, je ihigila hela mu mwe agelye najula agakwe amalimo najula agakwe, apo imyâka gya vwihadiso vweńo mugendelage muvogofi, Lom. 2, 11.
18mukagulage ukuta musikombohidzwe ifinu ifivola, nde fesa nambi sahabu nde, kumigendele gyeńo, igyali kijagi hela, igyahumile kuvadadeńo, 4, 3; 1. Ko. 6, 20; 7, 23.
19hamu mukombohidzwe ji danda ja Kilisiti inalamu, ijili ngita ja kakolo akandzila-lunu, akandzila-mikéléle, Heb. 9, 14.
20je ahagulilwe, ve sali jave ińi ukwalwa neke imisīkulile avasîkukye uńeńe gi myâka gya kuvwapulilo igi, Lom. 16, 25. 26; Ef. 1, 4.
21uńeńe, je avahulye ju mwene pakumufuvwa Nguluvi, je amudzulubwise kuvafwe, je amupelye nindolo, pakuta nulufuvo lweńo nuluhuvilo ńani lulungamilage ku kwa Nguluvi. Joh. 14, 6.
22Ngana mukugidzusa migaja-lupamidzwa imitima gyeńo mukudzikunda idza ndakyene ululungamye kuvwendalukolo uvugaja-vukedusi, apomwijendage uluńa-numbula kitahogosa,
23je livaholile kangi ilidzwi lya Nguluvi ilyûnń nilińa-kwikala mbêpali, je musihumile kumbeju ijivŏla, hamu je muhumile kumbeju ijisivŏla. Joh. 1, 13; Jak. 1, 18.
24Mańi ińama ja muvili jonda jili ngita lisoli nindolo dzajo dzili ngita vuluva vwa lisoli; ilisoli lyumile, uvuluva vulagye. Jak. 1, 10. 11.
25Neke ilyene ilidzwi lya mutwa likwikala ukufika kumihagulile gya myâka. Neke lye lidzwi lilyo, lye vavadalikilye palyevangeli uńeńe.
Currently Selected:
1 Petele 1: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
