Popular Bible Verses from 1 Petele 1

Share

Alumbwage Nguluvi, udadye va mutwa vesu Jesu Kilisiti, je atuholile kangi vwimiía lu lupyana lwakwe ulukomi., ukuta tuvedzage nuluhuvilo ulûmi, pakuva Jesu Kilisiti adzulubwike kuvafwe, ukuta twali tufike kwípwela ilisivola, iligajamakéléle, ilisijongodoka, lye avavikye kukyâńa

Ulu mwitova nimbilikila uńeńe, je muhuguvalye mungemyo indzolofu padebe hela tândi, idzavahwanile tândi, pakuta ulufuvo lweńo luvonekage uvugelandze, uvulutye na kusahabu ijijaganika, ijigelandzwa gu môto najo neke lulungamilage kumalumbo na kundolo na kuluginyo, alava ivilatuka Jesu Kilisiti

Hamu mugelelage pa ju mwîmike, je avakeme lye neke mudzukage mwi vîmike imigendele gyeńo gyonda. Mańi lolilwe ulwitigila: „mudzukage mwi vîmike, pakuva ndili mwîmike najune.“

Muvedzage ngita vâna avikunda, mubihile ukwiliṅasa nuvudobofu vwa pamwandi, vwe mwavugendelaga ilĭga.

Kye mulesile mwipińage ikigudi kya lwitaṅanidzo lweńo, muvedzage vagâlalufu, muhuvilage lukasila ulusungu, ulukuvadzilila muluvilatulilo lwa Jesu Kilisiti.

Mańi ińama ja muvili jonda jili ngita lisoli nindolo dzajo dzili ngita vuluva vwa lisoli; ilisoli lyumile, uvuluva vulagye. Neke ilyene ilidzwi lya mutwa likwikala ukufika kumihagulile gya myâka. Neke lye lidzwi lilyo, lye vavadalikilye palyevangeli uńeńe.