Popular Bible Verses from 1 Johana 4

Share

Uvogofi simovuli muvwênde, hamu uvwênde, uvupedzidze, vukuvutaga kwivala uvogofi, pakuva uvogofi vuhula-lupumuko. Je ikogopa, apo ujo asina apedzehedzwa muvwênde.

Neke uńeńe, ńe fyaly’ańe, muhumile kwa Nguluvi neke muvatelwidze vala, pakuva je ali umweńo, alutye uvukomi kwa je ali mu-ńi.

Unefwe twikwenda, pakuva atalile ju mwene pakutwenda.

Ńe vend’ańe, tuvedzage kińa-vwijende, pakuva uvwênde vuhumile kwa Nguluvi, neke ju j’avedzaga, je ikwenda, ujo aholilwe kwa Nguluvi, je amukagwe na ju Nguluvi.

Neke je asikwenda, ujo asimukagwe. u-Nguluvi, pakuva u-Nguluvi je vwênde.

Mwe mwene mwe vwimye uvwênde, mutane ukuta pakuva tumwendile unefwe Nguluvi, hamu atwendile unefwe ju mwene neke amutumage umuswamuve umuńa-kudzilekēlula indzanangifu dzesu.

Ńe vênd’ańe, ngana atwendaga vo unefwe u-Nguluvi, apo najufwe lutuhwaniíe pakuvedza kińa-vwijende.

Neke uvwene uvwênde vwa Nguluvi umwesu vusikukye mu mwe amutumile umuswamuve umuńa-kimwinga ku-ńi kuno, pakuta atuhulilage ukuva tuli vûmi.

Ngana umunu itigila unene ndikumwenda u-Nguluvi, kuno akumusula umuńa-lukolo, ujo je mudesi; ndivwene ngâ asikumwenda umuńa-lukolo, je amuvwene, apo ilemwa ukumwenda u-Nguluvi, je asimuvwene.

Je ikwidika ukuta u-Jesu je mwâna va Nguluvi, apo ujo u-Nguluvi ikwikala umwakwe, nave akwikala mwa ju Nguluvi.

Neke tuli nalyo ilikūle lyakwe lilyo ilitigila: je akumwenda Nguluvi, apo je akumwenda na ju muńa-lukolo vakwe.

Ne vênd’ańe, mutane ukugifuvwa gyonda imibepo, hamu mugigelandzage imibepo nde gihumile kwa Nguluvi, pakuva vahumye ku-ńi avavidzi avadesi avolofu. U-Mubepo va Nguluvi mumukagulilage mu ulu: umubepo gwe guvedzaga, ugukumwidika Jesu Kilisiti, je elukye muńama ja muvili, ugo guhumile kwa Nguluvi.

Neke umubepo gwe guvedzaga, ugusikumwidika Jesu, ugo gusihumile kwa Nguluvi, ugo gwe gwa Andikilisiti, je mwapulike ukuta ikwadza neke na lino adzile, ali mu-ńi muno.