1 Kol 12
12
1Neke avańa-Mubepo, ńe vańa-lukolo, navo ndikelye ukuta muvakagulage vunofu.
2Mudzelye najuńe ukuta pe mwali muli vapivala, mwahelelaga kuminguluvi imikitadzova, ndeve vavakwegaga.
3Kye ndesile ndivavulage nigilage: je ilongela mwa Mubepo va Nguluvi, si pwali umuńa-kutigila: mutagwa u-Jesu. Kangi umunu ilemwa pakutigila: Jesu je mutwa, ngana asili nu-Mubepo umwîmike. Mal. 9, 36; 1. Joh. 4, 2. 3.
4Neke amapwela ga lusungu galekine neke umwene u-Mubepo je jumwinga. Lom. 12, 6; Ef. 4, 4.
5Neke uvulimilavangi vulekine, umutwa ujo je jumwinga. v. 28; Ef. 4, 11.
6Nuvugifi vulekine, neke umwene Nguluvi je jumwinga, je igimba fyonda muvonda.
7Neke ulusīkulilo lwa Mubepo vipēlwa pakuva-hulila inofu avangi. 14, 26.
8Ndivwene ujungi idapa vugenda pa-Mubepo indzovo dza luhala, ujungi indzovo dza vukagudzi mwa Mubepo jujo.
9Ujungi ulufuvo mwa Mubepo jujo, ujungi ilipwela lya kuhōsa avatamwa mwa Mubepo jujo.
10Ujungi uvugifi vwa ngufu, ujungi uvuvidzi, ujungi uluhala lwa kugi-vaguliṅasa imibepo mwe givelye, ujungi imilongele gya ndimi, ujungi ukuganula indimi idzi. 14, 4; Apos. 2, 4.
11Dzonda idzi igimba ju Mubepo jumwinga jujo, vonda akuvagavasa najula ifyakwe najula ifyakwe, ndeve akelye ju mwene. 7, 7; Lom. 12, 3; Ef. 4, 7.
12Ndivwene ndeve guli muvili gumwinga vuli, ndeve guli nifipagwa fyolofu vuli, ndeve na tu tupagwa tonda utwa muvili, utuli tolofu, tuli muvili gumwinga vuli, ve ali-vo na ju Kilisiti. v. 27; 10, 17.
13Ndivwene najufwetwa-dzabikilwaga u-Mubepo gumwinga, ukuta tudzukage muvili gumwinga hela twivonda najufwe, nde tuvedze tuli va-Juda nde tuvedze tuli va-Giliti, nde tuvedze tuli valimano, nde tuvedze tuìi vakombolwa. Twivonda tuńwe u-Mubepo jumwinga hela. Gal. 3, 28.
14Ndivwene na gu muvili si guli kipagwa kimwinga, hamu tolofu utupagwa. v. 20.
15Neke iligulu lika liti-gilage: pe si ndili livoko, apo unene si ndili lya pamuvili nda, apo ve liva lilekile ukuva lya pamuvili ss? v. 20.
16Na li lisikidza lika litigilage: pe si ndili lîho unene, apo unene si ndili lya pamuvili, apo ve liva lilekile ukuva lya pamuvili ss?
17Neke guka guvedzage umuvili gonda lîho ṅani, apo guka gwipulika na kiki? Guka guvedzage lisikidza ṅani, apo guka gwinusihidzaga kiki?
18Neke lino Nguluvi utupagwa avikile pamuvili, ndeve akelye ju mwene nakala pala nakala pala.
19Neke ifipagwa fyonda fika fívedzage kimwinga hela, apo umuvili ngali guli kwi?
20Neke lino utupagwa tolofu, umuvili ugo gwe gumwinga. v. 14.
21Ilyene ilîho lilemwa ukulonga kwivoko ukutigila: uli veki uveve, na gu mutwe gwilemwa ukulonga kumagulu ukutigila: muli va kiki uńeńe.
22Hamu utupagwa utwa pamuvili, utuli ngita twe tulutye uvutenda, twe tuńa-malimo mbando tuto.
23Neke utwa muvili, utuli ngita tupêfu, twe twene twe tutulutidze pakutuvikila uluginyo neke utuńa-soni utwesu, twe twene twe twilutidza pakutunodza,
24neke utunogile, uto tukutuleka ndesi. Neke umwene Nguluvi, pe aha-ndziṅasaga umuvili, neke baho atuginikilage ṅani tuto, utwali ngita tulemilwe,
25pakuta lutane ukuva poluli ululekanilo mumuvili, hâ nda utupagwa tonda tuteganage hela tonda pakwiganya.
26Neke nde akapagwa kamwinga aka pamuvili kipumuka, apo swe ve fipumukila ṅani na fi fijagwe. Napo kangi ngana kińa-ndolo kimwi, apo twi-hanga pakukēla tonda na tu tujagwe.
27Neke uńeńe muli muvili gwa Kilisiti; pe mwa mwiva najula ijena, apo muli ngita muli fipagwa hela. Lom. 12, 5; Ef. 5, 30.
28Neke lino avangi mulukombeso muno avate-midze, atalile av-Apositili, vafudike avavidzi, ava vudatu ve viganidzi, dzifu-dike ingufu, gafudike amapwela ga kuhōsa, nulutango nuvundzagila nava-dzelye imilongele gya ndimi. Ef. 4, 11. 12.
29Neke lino v-Apositili vonda ss? Vonda vavidzi ss? Vonda viganidzi ss? Vonda vańa-ngufu ss?
30Vonda vali namapwela ga kuhōsa ss? Vonda valongela-ndimi ss?
31Mugafūlupalilage amapwela agasutye uvunofu. Neke unene ndikŏla mukuvasonelela iṅasi ijingi, ijilutye mbando. 14, 1.
Currently Selected:
1 Kol 12: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
