1 Kol 13
13
1Nde ndika ndilongelage mundimi nidza vanu nidza vańa-mwandza, neke ndivenzage ndi mudzila-vwênde, apo ngali ndivedza ndili kihava ikibangalyuka nambi kiva-ngala ikidzova.
2Nde ndíka ndivedzage nuvuvidzi, nde ndika ndi-dzikagulage nidza ndze-veledza dzonda, nde ndika ndivedzage niṅagudzi dzonda, nde ndika ndivedzage nulufuvo ulwihedza ifidunda neke ndivedzage ndili mudzila-vwênde, apo ngali ndili ngita liela. Mat. 7, 22; 17, 20.
3Nde ndika ndigavahi-dzage avahangala fye ndi nafyo fyonda, nde ndika nditavulage numuvili gwangu gukodzwage mumôto neke mbedzage ndi mudzila-vwênde, napo ngali fisikumbumbulila kinu. Mat. 6, 2.
4Uvwènde vuńa-vwisa-mutima, vulele, uvwênde vudzila-vwifu, uvwênde vusilangapala, vusikwidu-dumba,
5vudzila-vwafu, vusikwi-vuka ulwakwe, vusihova-ndzika, vusikwigomohedza imbîfu, Fil. 2, 4. 21.
6vusihekela kuvugaja-vugolofu, vwihekela ulwa koluli, Lom. 12, 9.
7uvwene vwigubikila dzonda, vwifuvwa dzonda, vwihuvila dzonda, vukwi-gugumidza nadzo dzonda. Lom. 15, 1.
8Uvwênde vusisila ponu; uvuvidzi vulajaga, uvulongela-ndimi imya vulasila, uvukagudzi vulasila.
9Ukukagula kwesu tuli kijagi, uvuvidzi vwesu tuli kijagi.
10Neke lino ngana ponu ngâ lwali luvoneke ulwi-pedza, apo uvuli kijagi vwesu vulajaga.
11Neke pe ndali ndili kyali, apo ndalongelaga uvukyali, ndahodzaga ngita kyali, ndaganisaga ngita kyali; neke lino ve ndigosipe uvugosi vuli, ndidzitagile idza vwâna.
12Lino tândi twilavila ińa-kwivona nda mwe simo, neke ngana ponu, apo tulalola mîho na mîho. Lino tândi ukukagula ndili kijagi, neke ngana ponu, apo ndiîakagula hela ndeve ndikagulilwe. 2. Kol. 5, 7.
13Neke lino ifińa-kuva pofili lwe lufuvo lwe luhuvilo vwe vwênde, dzi dzidatu dzidzo, neke uvwênde vudzilutye uvukomi indzagwe. 1. Tes. 1, 3; 1. Joh. 4, 16.
Currently Selected:
1 Kol 13: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
