1 Kol 11

1Muninilage unene, ndeve unene ndikumuni-nila Kilisiti. 4, 16; Fil. 3, 17.

2Neke lino ndikuvalu-mba, lwe mukuṅu-mbuka unene patunu tonda; namadzovo, ge nda-avalongye, nago mukuga-gendela vunofu.

3Unene nditigila: mulu-kagulage najuńe ukuta vonda avagosi Kilisiti gwe mutwe gwanavo. Umukińinavo umutwe gwakwe je mugosi, neke umutwe gwakwe u-Kilisiti je Nguluvi. 3, 23; Ef. 5, 23.

4Umugosi ju j’avedzaga, na pe ilapangila na pe ivila, ikuguhalabusa hela umutwe gwakwe, ngana afwalile pamutwe. 12, 10; 14, 1.

5Neke umukiṅinavo ju j’avedzaga, j’asifwala pamutwe gwakwe na pe ila-pangila na pe ivila, iku-guhalabusa hela umutwe gwakwe, ndivwene uju itegana na je akegite ifwili.

6Ndivwene umukiṅinavo, je asifwala pamutwe, apo je akegetage na dzi fwili. Neke lino ngana luvîfu umukiṅinavo pakuvuta ifwili na pakuketa, apo humbi afwalage pamutwe.

7Ndivwene umwene umugosi lusimuhwanile pakwifwika umutwe, pakuva umwene lwe luhwano lwa Nguluvi, dze ndolo dza Nguluvi, neke umukiṅinavo dze ndolo dza mugosi.

8Ndivwene asihumile umugosi kwa mukiṅinavo, hâ nda, ju mukiṅinavo je ahumile kwa mugosi.

9Ndivwene Nguluvi asavonaga mudala neke agavage umugosi, nda hamu, avonaga mugosi neke agavage umudala.

10Kye alesile umudala lumuhwanage ukuva navouvutavulilwe pamutwe, pakuva povali navańa-mwandza.

11Napo kangi mwa mutwa apo pehela umudala kitahuma kwa mugosi, pe-hela numugosi kitahuma kwa mudala.

12Ndivwene ndevye umukiṅinavo ahumile kwa mugosi, kangi na ju mugosi nave igavililwa mwa mudala. Neke fyonda hela fihumile kwa Nguluvi.

13Mungalukĕla najuńe mwijena: vona avagye umukiṅinavo ukulapangi-la kwa Nguluvi kitifwika pamutwe?

14Uńeńe vusikuvavūla nambi uvugavwa ukuta umugosi ngana agingile ifwili, ujo ve ijelesidze mwene?

15Neke umwene umukiṅinavo ngana akudzidze ifwili inali, apo dziva ndolo kwa mwene. Pakuva umwene ifwili inali idzi lwiva lwifwiko.

16Neke lino ngana kwali jumwinga, je akelye ukukaniṅana ulukani, hamu unefwe tusili nalo ulwîmbo ulu nda na dzi ṅombeso dza Nguluvi nadzo dzisili nalo.

17Neke dze ndikola mukuvalagilila lino, idzo sindikuvalumba nda, pakuva pe mwa mwilundana, apo indundano dzeńo dzi-sikuvahulila uvunofu, hâ nda, dzikuvahulila uvuvîfu. v. 22.

18Ululongodzi ndivwene ndipulike, pe mwilundana ńe va mulukombeso, apo mwilekana, neke unene pakudzifuvwa idzi idzingi ndifuvilwe. 1, 10-12; 3, 3.

19Ndivwene na gi mile-kanile mińa-kwadza ndesi, pakuta vasikukage umweńo avakalagafu. 1. Joh. 2, 19.

20Neke uńeńe, pe mwa mwilundana ikivungu kimwinga, apo mwilemwa ukulya ifilyo fya mutwa.

21Ndivwene pe mwilya, mwigagalyuka hela pakuńaga ifilyo fy eńo; neke lino baho avangi vikwangila ifilyo neke avangi vigāla.

22Pehela uńeńe ińumba ss, mwe muka mulidzage nukuńwa? Vona uńeńe mutigye ulukombeso lwa Nguluvi tulutofolage? Avene avasili nafyo uńeńe mutigye tukuvajĕjĕvula? Apo unene ndikuvalongela lulikwi humbi? Vona ndivalumbage? Hâ nda ulu sindikuvalumba hamu. Jak. 2, 5. 6.

23Pakuva unene ndidza-nukye kwa mutwa, dzi dze ndivagotolye najuńe idza kuta: umutwa Jesu Kilisiti pakilo kila, pe avulilwaga, neke inulage uvugali, Mat. 26, 26-28; Mal. 14, 22-24; Luk. 22, 19. 20.

24neke ahongedzage neke ameguliṅasage neke atigilage: uvwene uvu gwe muvili gwangu, gwe ndivapelye juńe; ulu mulugendelage ulwa kuṅu-mbukila june.

25Na ki kińwelo akigita nakyo ndesi, akitigila pe valye: ikińwelo iki lwe lufingwi ulwadzalino ulwa mudanda jangu; mbêpali ngana mwińwa, mulugendelage lwa kuṅumbukila june.

26Ndivwene mbêpali hela, pe mwilya uvugali uvu, pe mwińwa nikińwelo iki, apo mwidalika ukufwa kwa mutwa ukufika pa pe aladzila umwene. Mat. 26, 29.

27Kwe kuta je ilya uvugali uvu, je ińwa ikińwelo iki, kuno asivagye, ujo ivedza ninôngwa kumuvili na kudanda ja mutwa. Heb. 6, 6.

28Neke lino, ve munu, vwi gelandzage vwijena tândi, apo ukalye umuvili ugu nukuńwa ikińwelo iki. Mat. 26, 22; 2. Kol. 13, 5.

29Ndivwene je ilya je ińwa, kuno asivagye, apo ve ililye ve ińwelye ku kuhigwa hela, pakuva asivaguliṅasa umuvili gwa mutwa.

30Kye valesile umweńo vavedzage volofu avatenda navatamwa neke avangi vagonelye ukufwa. 15, 20.

31Pakuva tuka twihigage jufwe ṅani, apo ngali tusihigwa.

32Neke ngâ twihigwa, apo kwe kuvungwa kwa mutwa, pakuta atane ukutuhandza nińi pakutukĕlela uluvîfu. Heb. 12, 5. 6.

33Ńe vańa-lukolo vangu, kye mulesile mwidzindilage, ngana mwilundanila mukulya.

34Ngana ujungi adagine, apo alidzage kukâja, pakuta ulukoṅano lweńo lubihile ukulungamila kukuhigwa. Idzingi idzisigye ndilagelanidza, ndilava ndadzile kuko.

Currently Selected:

1 Kol 11: II

Highlight

Copy

Compare