1 Kol 10
10
1Ndivwene unene sindi-kelye, ńe vańa-lukolo, ukuta mutane ukudzimańa idza vakatali, dze vagendaga vonda nilifunde na dze valovokaga vonda ińandza,
2neke vonda vadzabi-kilwe mwa Mose na mwifunde na muńandza,
3neke vonda valyaga ifilyo fimwinga ifińa-Mubepo,
4neke vańwaga vonda ifińwo fimwinga ifińa-Mubepo, ndivwene vańwaga uluhuma-palutālâvwe uluńa-Mubepo ulwaninilaga; neke ulutālâvwe ulu je Kilisiti.
5Neke valutye avolofu avene, ve asavakelaga Nguluvi, ndivwene vako-melilwe muluṅalaṅala.
6Neke idzi lwe luvula-nihidzo najufwe, ukuta najufwe tutane ukudoboka imbîfu, ndeve vadobokaga vala;
7mutane nukugilimila iminguluvi igingi, ndeve vagitaga avangi vala, ndeve lolilwe ulwitigila: „avanu vakoṅomalaga pakulya nukuńwa, kangi neke vimage mukukina;“
8tutane na muvugoni, ndeve na va vene vali vagoni vamwi neke baho vafwilage pamwinga avańa-mbilima makyumi gavili na dzidatu (23000) kigono kimwinga;
9tutane nukumugemya Kilisiti, ndeve vamwi vala vamugemyaga, neke vafwilage kundzoka;
10mutane nukuṅula, ndeve vaṅulaga vamwi vala, neke baho vatipulwage kwa mutipudzi. Heb. 3. 11. 17.
11Neke avene vala dza-vafikye idzi ńa-luvulani-hidzo neke ukwandikwa dzandikwe mukutuvunga unefwe, je vutufikye uvudugilo vwa mihagulile gya myâka.
12Apo humbi je itigila imile, apo igelage vunofu alagwa.
13Uńeńe lusivafikye ulugemyo ulungi, lu luńa-vunu lwene; neke Nguluvi muńa vwidevulilo, asileka mugemwage lwe mwilemwa, nda hamu, umwene pe lwivoneka ulugemyo ihandza nulunanilo, pakuta ukulugondza mutane ukulemwa.
14Ńe vênde vangu kye mulesile mudzikimbilage idza minguluvi. 1. Joh. 5, 21.
15Ndikuvalongela ńe vańa-luhala, mudzipimasage najuńe, dze ndilonga.
16Ikińwelo kya lufuńo, kye tukukifuńa, si kya kuhanga idanda ja Kilisiti? Uvugali, vwe twi-meguliṅasa, si vwa kuhanga umuvili gwa Kilisiti? Mat. 26, 27; Apos. 2, 42.
17Neke lino pakuva uvugali vumwinga, apo najufwe twivonda tuli muvili gumwinga, ndivwene tuhangile uvugali vumwinga twivonda. 12, 27; Lom. 12, 5.
18Muvalavage avakina-Jisilahele uvunu vwanavo: avilya uvusembe, sivivedza vahangile ikite-kelelo?
19Dze ndilonga lino dze dzilikwi? Vona kwe kuva nditigila: ińama, je vikwitekela kuminguluvi, kinu? Vona kwe kuva nditigila: avanguluvi vali kinu? 8, 4.
20Hâ nda, unene nditigila: fye vitekela vaku-gitekelela imidemono, vasikumutekelela Nguluvi nda. Neke unene siṅelye uńeńe, ukuta muhangage navademono. Luv. 9, 20.
21Mwilemwa pakuńwa nikińwelo kya mutwa ni-kińwelo kya vademono; mwilemwa ukuhanga na paluhelo lwa mutwa na paluhelo lwa vademono.
22Mutigye tuhovandze kwa mutwa ss? Tulutye jufwe ingufu ukwakwe ss?
23Fyangu fyonda neke fi-sikumbumbulila kinu fyonda nda; fyangu fyonda, neke fisidzenga fyonda. 6, 12.
24Atane ukunuguvalila kulwakwe ujungi, hamu anuguvalilage ku lwa mujagwe. v. 33; Lom. 15, 2; Fil. 2, 4.
25Ińama jonda ija pasokôni ijo mulyage kita-vudza kinu, muvonage lulwikagulo. Lom. 14, 2-10. 22.
26Ndivwene ińi ja mutwa nifili mumo fyonda fyakwe jumwene.
27Neke lino ngana jumwi umundzila-kufuvwa avakemelye mukulya ifilyo, ngana uńeńe mukelye ukuhelela, apo mukalyage hela fyonda, fye avasangye kitavudza kinu, muvonage lu lwika-gulo.
28Neke ngana ujungi akuvavula itigila: ińama iji ja vusembe, apo mutane ukulya, muvonage ju je avapavile, muvonage na lu lwikagulo. 8, 7.
29Neke sindilonga ulwi-kagulo lwako, hâ nda ndilonga ulwa mujago; ndi-vwene lwikwima vuli ulwikagulo ulungi pakuvu-higa uvutavule vwangu?
30Neke lino unene, ngana ndihongidze kwa Nguluvi, pe ndilya, apo vandigilage vuli avangi pafilyo, fye ndihongehidze kwa Nguluvi? 1. Tim. 4, 4.
31Neke lino nde muvedzage mwilya, nde muvedzage mwińwa, nde fivedzage fiki fyonda, fye mwilima, fyonda hela mufilimage ngita mukufilu-ngamidza kundolo dza Nguluvi. Kol. 3, 17.
32Vonda hela nava-Juda nava-Giliti nava mulukombeso lwa Nguluvi, vonda hela mwilembage uńeńe, mutane ukuvahu-lila ulwa kwikuvadza avene. Lom. 14, 13.
33Najunene ndili evo, ndikuvagendela vonda ponda hela, sindisakula ifikūnodza unene, hamu, ndi-sakula ifīnodza avolofu, pakuta vananage. 9, 20-22.
Currently Selected:
1 Kol 10: II
Highlight
Copy
Compare
Share
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
