2 VAKORINTO 2

1Mira he ngoro yangu nekirekere huvu, nisireza henyu nevihiwe. 2Ambu mi nekimuvihija, niani eneniizihija mi, esire ula evihijwa nimi? 3Nami nekimuandikie kiteto icho, nesa aho nekiza nisirevihijwa ni vala evo chekinitara kuizihijwa nivo; nekimuarira vose. 4Ambu he mavwasi mangi na kuluviwa uko he ngoro nekimuandikie kwa masoji mangi; si kuti muvihijwe, esire iti muidime kutwarija lukundo lwangu nena nalwo he unywi sa vuntu e lubahisha.

Kughuhia wa vala vegwie vekichwa mti

5Mira kari hena mntu evihije, tenivihije mi du, esire iti kwa mondo ungi -nesa nisireemewa mno,- emuvihije unywi vose. 6Mntu sa uo machundwe ala einkiwe ni vajinki emfika; 7kangi si huvo du, mntu sa uo keba mumshighie na kumtuja, nesa asiremijwa ni kuvihiwa kwakwe kwekela kiringanyo. 8Heicho nimusembisha, mumkoneshije lukundo lwenyu. 9Ambu neandike huvo vuntu vwa icho, nesa niveiwe kukonesha iti mwaoka varesikia he mburi jose. 10Mira kakicha mwekimshighia mntu kintu chochose, nami naremshighie; ambu mi nami nekimshighia mntu kintu chochose, nemshighie vuntu vwenyu, mozya he Kristo, 11nesa Shetani asiretuzima, ambu tetushighie kumanya madunganyo akwe.

12Aho nekinafike Troa vuntu vwa Mburi Yedi yakwe Kristo, nikajuvuiwa luvwi vuntu vwa Mfumwa, 13siizihirwe he ngoro yangu, kila nesimvonie mndughu wangu Tito; mira nikavaaghanya, nikavuka kutonga Makedonia. 14Mira Mrungu natogolwe, eye etuinka mng’aro kila igheri he Kristo, na kufunyirija fungo ya kummanya ye kila hantu he ndima yetu.

Mighesho na vuvoti vwa Mburi Yedi

15Ambu uswi tu mpupuntiko wakwe Kristo, mozya he Mrungu, he vareteka; 16he avo va keri ni fungo ya kifwa, yeete kifwa; he avo va kuvoka ni fungo ya nkalamo, yeete nkalamo. Ni ani ra ekoloke he ivyo? 17Ambu uswi si sa vala e vajinki vesaja kiteto cha Mrungu; mira ni sa kwa ngoro yeelile, sa vuntu vyefuma ha Mrungu, mozya he Mrungu, tutetia he Kristo.

Currently Selected:

2 VAKORINTO 2: CHSUNT67

Highlight

Copy