2 VAKORINTO 1
1
Ngezya na kuanjela
1Paulo, ntume wakwe Kristo Yesu, he kikundire cha Mrungu, ne Timoteo mndughu wetu, Ha kanisa la Mrungu leho uko Korinto, hamwe na vezerire vose veho he isanga lose la Akaya: 2Mbonea na iikae na unywi na mporere kufuma he Mrungu Vava wetu na he Mfumwa Yesu Kristo.
3Mrungu, Vava wa Mfumwa wetu Yesu Kristo nakazwe, Vava wa mbazi, Mrungu wa ituja lose; 4etutuja he mavwasi etu ose, nesa na uswi tuidime kuvatuja vala veho he mavwasi a mbare jose, he ao matuja, twetujwa ni Mrungu. 5Ambu sa vuntu mavwasi akwe Kristo ezikaneta hetu, nirehuvo hata kutuja kwetu kurezika vuntu vwakwe Kristo. 6Mira kari uswi tuho he vwasi, vuntu vwa kutujwa kwenyu na lukio lwenyu; kana kari tutujwa, ni vuntu vwa kutuja kwenyu; ekwo kwehira ndima kwa kugumirija mavwasi ala ala na uswi tweraarishwa. 7Na ikuji letu vuntu vwenyu ledindie, twekimanya iti sa vuntu mweketie sanga he ala mavwasi, nirehuvo mwaketa sanga na ala matuja.
8Ambu vandughu, tetuenda iti musimanye mburi ya vula vwasi twevuvonie uko Asia, iti twekiemeiwe mno kuvecha nzinya jetu, mhaka tukavusha ikuji la kukia. 9Yee, uswi venye twekina mlaho wa kifwa he ngoro jetu; nesa tusikuvike ikuji venye, esire he Mrungu, eye evusha vefwie; 10etukijije uswi he kifwa kibaha sa icho; kangi enetukija; eye twemwarire iti enezikatukija. 11Ingeri na unywi mwekighenjanya na uswi he kuomba vuntu vwetu, nesa he vuntu vwa kila kiinkwa tweinkwa uswi he lughenjo lwa vantu vajinki, vantu vajinki vavike mvera vuntu vwetu.
Miendire yakwe Paulo
12Ambu kukukaza kwetu ni uku: Vuonwa vwa izii la ngoro jetu, iti, he kuzera na kuela kwa ngoro kwefuma he Mrungu, esi he kiugho cha kimwiri, esire kwa mbonea ya Mrungu twetongiie he si ii, na kukela ni henyu. 13Ambu tetumuandikia kingi, esire vila mwevisoma kana kuvizumira; nami niarira iti munezumira ivyo mhaka he msio; 14sa vuntu mwetumanyije he vya kumwe, iti ni uswi kiusho cha kukukaza kwenyu sa vuntu na unywi mweho he uswi he ula msi wa Mfumwa wetu Yesu.
Eterija kukusha kwakwe
15Nami kila nena na ikuji ilo, neendie kufika henyu aho kuvoka nesa muvone kiinkwa cha keri; 16na kuvecha henyu kutonga mhaka Makedonia; na kangi kufuma Makedonia, kuhunduka henyu, na kuzoshwa ni unywi kutonga Yudea. 17Kana aho nekidunganya huvo, neteketa kimengele? Kana vila nevidunganya, nividunganya he kimwiri, nesa kioke huvo hemi, kuti, “Yee, ni yee,” na “Hai, ni hai?” 18Mira sa vuntu Mrungu e mkitengo, kiteto chetu he unywi si “Yee” na “Hai.” 19Ambu Mwana wa Mrungu Kristo Yesu ebirikirwe ghati he unywi ni uswi, nikwo kuti, nimi ne Silivano ne Timoteo, teokie “Yee” na “Hai;” mira heye ni “Yee.” 20Ambu viravo vyose vya Mrungu heye ni “Yee;” kangi, heicho tuti, heye ni “Ameni;” nesa Mrungu akazwe he uswi. 21Hecho, ye etudindija hamwe na unywi he Kristo, na kutugimbika, ni Mrungu; 22naye niye etugerire isimbiko na ikome la Mpeho he ngoro jetu.
23Mira mi nimwitanga Mrungu aoke mwonwa wa ngoro yangu, iti, he vuntu vwa kumuvoneia sinafika Korinto. 24Si iti tuenda kutetia mwitikijo wenyu; esire iti tuvareghenja va kuizihirwa kwenyu; ambu he mwitikijo wenyu, mweimuke.
Currently Selected:
2 VAKORINTO 1: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
