2 VAKORINTO 3

1Ikio, tuvoke wa kukukaza venye? kana tuenda, sa vuntu vangi veenda, barua ja nguma jeza henyu kana jefuma henyu? 2Unywi mu barua yetu, yeandikwe he ngoro jetu, yemanyike na kusomwa ni vantu vose; 3mufunyirijwa iti mu barua yakwe Kristo yefuma he ndima yetu he unywi, yeandikwe, si kwa wino, esire kwa Mpeho wa Mrungu mwenye moo; si he mabanti a mabwe, mira ni he vibao evyo ngoro ja vantu.

4Na ilo ikuji tuna nalo mozya he Mrungu vuntu vwakwe Kristo. 5Si iti uswi venye tukoloka kudunganya kintu chochose iti ni chetu venye, mira kikoloshi chetu kifuma he Mrungu. 6Naye niye etukoloshijie kuoka vandima va kiaghano kishaa, si va maandiko, mira ni va kimpeho; ambu maandiko ekoma, mira mpeho ekelamija.

Ngazo ya Mburi Yedi yetekane na ngazo ya Viziomo

7Ana, ukinakiche ndima ya kifwa yeandikwe na kutumwa he mabwe, yekizie na ngazo, neri Vaisraeli teveidime kurereha vusho vwakwe Mose, vuntu vwa ula mmekeniso wa vusho vwakwe; nawo e mmekeniso wevecha; 8hama, ndima ya kimpeho teikazike kuketa mmekeniso? 9Ambu ukinakiche ndima yeete milaho ina mmekeniso, kalanto ndima ya kitea, ina mmekeniso kukela. 10Ambu na ere ila yekaziwe, yesekina mmekeniso sa uu, he vuntu vwa mmekeniso wezikishe mno. 11Ambu kakicha ila yevecha yekina mmekeniso, ila yeikaa ineketa mmekeniso kukela.

12Heicho, kila twena ikuji sa ilo tuna ndekero mbaha; 13neri si sa vuntu Mose efinikire mtandio he vusho vwakwe, nesa Vaisraeli vasirerehishe msirikijo wa ila yekivecha; 14mira madunganyo avo eghoshijwe makuji. Ambu na ere yoo ili, igheri kiaghano cha kae chesomwa, uo mtandio urewaho, nikwo kuti teufunukurwe, na uo he Kristo uvushwa; 15esire iti hata yoo ili, hantu myomongwa yakwe Mose yesomwa mtandio uraikaa he ngoro javo. 16Mira igheri lolose venemgharukia Mfumwa, uo mtandio uvushwa. 17Ambu “Mfumwa” niye Mpeho; mira hantu Mpeho wa Mfumwa eho, aho niho hena nkomboli. 18Mira uswi vose, he vusho vwesifinikirwe na mtandio, twekirereha ngazo ya Mfumwa, sa twerereha he kiyoo, tukoronywa tufwanane na fwanyanyi iyo iyo, kufuma he ngazo kufikia ngazo, sa ila ngazo yefuma he Mfumwa e Mpeho.

Currently Selected:

2 VAKORINTO 3: CHSUNT67

Highlight

Copy