Popular Bible Verses from 2 VAKORINTO 1

Share

Mrungu, Vava wa Mfumwa wetu Yesu Kristo nakazwe, Vava wa mbazi, Mrungu wa ituja lose; etutuja he mavwasi etu ose, nesa na uswi tuidime kuvatuja vala veho he mavwasi a mbare jose, he ao matuja, twetujwa ni Mrungu.

Ambu sa vuntu mavwasi akwe Kristo ezikaneta hetu, nirehuvo hata kutuja kwetu kurezika vuntu vwakwe Kristo.

Yee, uswi venye twekina mlaho wa kifwa he ngoro jetu; nesa tusikuvike ikuji venye, esire he Mrungu, eye evusha vefwie

Hecho, ye etudindija hamwe na unywi he Kristo, na kutugimbika, ni Mrungu; naye niye etugerire isimbiko na ikome la Mpeho he ngoro jetu.

Mira kari uswi tuho he vwasi, vuntu vwa kutujwa kwenyu na lukio lwenyu; kana kari tutujwa, ni vuntu vwa kutuja kwenyu; ekwo kwehira ndima kwa kugumirija mavwasi ala ala na uswi tweraarishwa.