Jeremías 37
37
Sedequíazen gulle'e Jeremíazen wnabe ke'e
1Nabucodonosor be'nnen llnebia Babilonian, bzoe'e Sedequíazen be'nnen nak xhi'nn Josíazen nench wnebie'e gan nzi Judá, rawraz be'nnen nzi Jeconías xhi'nn Joaquim. 2Axha ni Sedequíazen, ni be'nn ka' llnebiarenen, ni be'nn yell ka' bi bzenay ake' di'll ka' bsel Xanllon kone Jeremíazen.
3Na be'nn wnebian nzi Sedequíazen bsele'e Jucal xhi'nn Selemías, na rente bxuzen nzi Sofonías xhi'nn Maaseías na, nench'na lljawia ake' Jeremíazen, na gull ake' le'e: Bnab nench akren Xanllo Diozen neto'. 4Kan bine' ko ake' Jeremíazen lo rill yan, na ne' llak de'e radj be'nn yell ka'. 5Na ke tiemp nakse be'nn waka ya ka' sjanap Faraón'na bllach ake' Egipton. Na bllin llwa nay be'nn caldeos ka' ba nechj ake' Jerusalén'na, na ballach ake' gan sjalla aken.
6Natell Xanllon bne'e Jeremíazen be'nnen llayixjwe xtillen, na gulle'e le'e ye'e 7be'nn ka' bsel ake' wnab akre nadan: Le ye be'nnen llnebia Judán be'nnen bsel re' nench'na wnabere nada', be'nn waka ya ke faraón'na, be'nn ka' ba bro nezen nench gakren ake' re' ba ba'bi ake' Egipton. 8Be'nn caldeos ka' wazuraw ake' gakdilren ake' yell xhen ke Jerusalén'na, na gun aken ga'n, na wayullna wzey aken. 9Nada' Xanle, llixjwera re': Bi siye kwinle, na gakere cha be'nn caldeos ka' wabiy ake', le bi naken ka'. 10Na lakse cha re' ba benle ga'n be'nn waka ya' ke caldeos ka' llakdilren ren, na yega'n ye to chop be'nn sjanak we, na le ake' wzey ake' yell xhen'na.
Jeremíazen yoe'e rill ya
11Na kan bzuraw be'nn waka ya ke be'nn caldeos ka' llallach ake' Jerusalén'na, le bnes akre ba zak be'nn waka ya ke faraón'na, 12Jeremíazen blloje'e raw yell xhen'na, na zajze'e latj yell-liw ke Benjamín'na, nench lljalane latj yell-li'on lleyale'e kone be'nn bich loellje ka'. 13Axha ke blline llwa reij ke Benjamín'na, to be'nn nzi Irías xhi'nn Selemías, na xhasoa Hananíazen, le le'en nake xan be'nn ka' sjalla llap, bzaye Jeremíazen, na gulle'e le'e:
—Rwe' llenlo guno be'nn caldeos ka' txhen.
14Na Jeremíazen bnee:
—Bi naken ka', bi guna be'nn caldeos ka' txhen.
Axha Iraíazen bi biajle ke'e, na bllellewe le'e, na bchie'e le'e gan sjalla be'nn wnebia ka'. 15Na le aken bruk ake' kone Jeremíazen, na gull ake' be'nn ka' ben ake' zi ke'e, na bro ake' le lo rill ya dan zu lo yo' rill Jonatán, be'nn nak wazojen, le yo' ke'en bayun aken rill ya. 16Na ka guken byo Jeremíazen lo rill ya dan yo lo yu, na scha bro ake' le'e gana'.
17Na be'nn wnebian nzi Sedequíazen gulle'e be'nn ka' wche ake' Jeremíazen lo yo' ra'on, na ke bllin Jeremíazen gan lli be'nn wnebian, na bnabre le'e llilliteze:
—¿De di'll da wereno nada' da bsel Xanllo cha'?
Na Jeremíazen ballie'e xtillen:
—Awa, kin naken: rwe' lljaguno' raw yelwak ke be'nnen llnebia Babilonian.
18Natell Jeremíazen bnabre be'nn wnebian nzi Sedequíazen:
—¿Bi daxhinjen ba bena kone rwe', na kone be'nn ka' llnebiarenon, o cha kone be'nn yell, kanake ba brore nada' lo rill yan cha'? 19¿Ganxha be'nn ka' llayixjwe di'll ka', kanake bnee ake' bi gakdilren be'nnen llnebia Babilonian re', na latj yell-liw ni? 20Bzenayian na', be'nn llapa baran, na ben to latj kia kedan wnabra rwen: Bi wew latj wache ake' nada' dayubre lo yo' rill Jonatán na, be'nn wazojen nench ke kweyia gana'ze.
21Natell be'nn wnebian nzi Sedequíazen gulle'e be'nn ka' gaye'e lia ke be'nn ka' sjallapen, na yew lla llja ake' le'e toaj pan dan llun ake' tnez ke be'nn wen pan ka'. Na ka ben ake' llak got pan raw yell xhen'na. Na kan guken bagan' Jeremíazen lia yo' ke rill yan.
Currently Selected:
Jeremías 37: ZPUPAT
Highlight
Copy
Compare
Share
Want to have your highlights saved across all your devices? Sign up or sign in
Bible Society of Mexico
Learn More About Be'nnka'be Xti'll Dios