Jeremías 28
28
Jeremíazen rente Hananías
1Raw gaye beo ke iz nakse, raw wdape iz kan llnebia Sedequíazen Judán, be'nnen llayixjwe di'llen nzi Hananías xhi'nn Azur, be'nnen za yellen nzi Gabaón, gulle'e Jeremíazen lo yoda'on, raw lkwe bxus ka' na raw yoyte be'nn yell ka', na gulle'e le'e:
2Xanllon nap doxhente yelwaken, Dios ke Israelen, nee: wakuasa kale yelwak ke be'nnen llnebia Babilonian, na 3ye chop iz guna ke wayed latj ni yoyte xchinlas lo yoda'on dan base'e Babilonian be'nn wnebian nzi Nabucodonosor. 4Na lekse ka' guna nench'na wayed Jeconías xhi'nn Joaquim, be'nn wnebia ke Judán, na yoyte be'nn ka' bchach ake' yell ke Judán, be'nn ka' bche ake' Babilonian. Awa, nada' wxhoxjga yuk ke be'nnen llnebia Babilonian. Nada' Xanle bakse bnia ka.
5Na Jeremíazen ballie'e xtill be'nnen llayixjwe di'llen nzi Hananías, raw lkwe bxus ka', na raw lkwe be'nn yell ka' sjalla lo yoda'on:
6Wen'na new ka', che'naga Xanllon gune ka'. Che'naga Xanllon walarawe ke di'll ka' ba bneon, na wayed yoyte xchinlas lo yoda'on, na wayed Babilonian yoyte be'nn ka' bchach ake' raw yellen. 7Axha na' bzenay dan yepa rwen, na yoyte be'nn yell ka'. 8Be'nn ka' bdixjwe di'llen blla kan batna, ke bine garjo rwe' ni nada', bdixjwe akre gak wdil, gak win, na gat yillwe kone be'nn ka' sjalla latj yell-liw yubre, na be'nn wnebia war ka'. 9Axha ket to be'nn llayixjwe di'll nench gat da wzoa le ake' nbaraz, cha gak kan ba bneen, na naken di'll liksen Xanllo nan bsele'e le'e.
10Natell Hananías na bake'e yuken xhoa xkuy Jeremíazen, na bxhoxjtiren, 11na le gullte'e be'nn yellen:
Xanllon nee: Ki yansen guna ye chop iz, na waka yuken xkuy be'nn ka' sjalla latj yell-liw ka' yela, na wakarentia yelwak ke Nabucodonosor'na, be'nn wnebia ke Babilonian, na wxhoxjtinan.
Na Jeremíazen zeyaje'e. 12Zan lla baguk kanaken bxhoxj Hananíazen, yuken xhoa xkuy Jeremíazen, ket Xanllon balwille Jeremíazen na gulle'e le'e: 13Biaj, na gull Hananíazen, nada' Xanle nia: Bxhoxjo yuk de yayen, axha nada' ba nuna xnid ko'o rwe' to yuk de ya dan nzi hierro. 14Le nada' Xanle napa doxhente yelwak, Dios ke Israel nia: Ba bxoa xkuy yoyte latj yell-liw ka' to yuk de ya dan nzi hierro nench'na gun ake' xchin Nabucodonosor'na, be'nnen llnebia Babilonian. Xte rente bayix ka' bi nmaxhen ba bzoa akaba xnie'en.
15Natell Jeremíazen gulle'e Hananíazen:
—Bzenay Hananías. Xanllon bine' wsele'e rwe', di'll wxhiyezen ba gullo be'nn yell ki. 16Kelen'na Xanllon ba bnee: Wsela da wlleyi rwe', nench'na walana rwe' raw yell-li'on. Iz nikse kweyio, le kone lloa xtillo ka' ba beno nench be'nn yell ka' gaklla ake' nada'.
17Na be'nnen llayixjwe di'llen nzi Hananíazen gute'e beo galle ke iz nakse.
Currently Selected:
Jeremías 28: ZPUPAT
Highlight
Copy
Compare
Share
Want to have your highlights saved across all your devices? Sign up or sign in
Bible Society of Mexico
Learn More About Be'nnka'be Xti'll Dios