Jeremías 24
24
Bredawre twit higos
1Bdetell kan Nabucodonosor, be'nnen llnebia Babilonian, bachie'e Jeconíazen xhi'nn Joaquim, be'nnen llnebia Judán, na yoyte xhi'nn be'nn ka' llnebia Judán, na be'nn ka' llab yer, na ren wallekw ka', na Xanllon benee nench'na brera chop wit higos da zu raw yoda'on. 2Twiten zjallan sre higos da nak wen, na da baza lla, axha dan ye twiten, zjallan sre higos da bill nak wen, da bill nak zi gawllo.
3Na Xanllon bnabre nada': Jeremías, ¿bixhan llrero? Na ballia xtillen: Higos, da nak wen, na higos da bi nak wen, na nike nu llakse llaw len.
4Natell Xanllon gulle'e nada': 5Nada' Xanle Dios ke Israel, llnia: Ke to higos da nak wen rera yell ke Judán, le nadan bia latj bchach ake' le ake' raw yell ni, na bsel ake' latj yell-liw gan nbanle be'nn caldeos ka'. 6Nada' gap ake', na guna ke wabi ake' latj yell-liw ni. Na wayunlaya le ake', na bill wlleyia le ake', wayaza le ake', na bill walalla le ake'. 7Wa yel sin ke ake' nench'na nez akre ke nadan naka Xan ake', na le aken gak ake' yell kia, na nada' gaka Dios ke le ake', le doyichj dorall aken wabi ake' kone nada'.
8Axha nllare guna ke Sedequíazen be'nnen llnebia Judán, na be'nn ka' sjanak be'nn braw, na yezikre be'nn Jerusalén ka', be'nn ka' guy latj yell-li'on o cha be'nn ka' guy Egipton, gun akre ke higos ka' banull, dan nak zi bi gawllo. 9Guna kone le ake' ke da wcheb yoyte be'nn sjalla latj yell-liw zit ka', na aken to da wtitj akre le ake', na sichill ake' le ake', na gak ake' de'e latj yell-liw gan ba beslasa le aken. 10Wsela be'nn lljatilren le ake', na te ake' win da yej gaw ake', na gak ake' yillwe, xte nutno yegan latj yell-liw gan bia le aken, na xustaw ake' ka'.
Currently Selected:
Jeremías 24: ZPUPAT
Highlight
Copy
Compare
Share
Want to have your highlights saved across all your devices? Sign up or sign in
Bible Society of Mexico
Learn More About Be'nnka'be Xti'll Dios