Jeremías 20
20
Llixjwen kan gak ke Pashur, be'nnen llwiere Jeremíazen
1Kan Pashur xhi'nn Imer, nake bxus, na yote rallne yodao xhen'na, benle Jeremíazen llixjwere di'll dan ze gak willjwani, 2bsele'e be'nn ka' gun ake' zi ke'e, na brote'e le'e lo rill yan zu kwit reij ke Benjamín'na, gawchochze gan zu yoda'on. 3Bateyure Pashur na babaje'e Jeremíazen lo rill yan, na Jeremíazen gulle'e le'e: Xanllon ba bache'e ra'on, na na' ba nziw Magor- misabib. 4Le Xanllon nee: Nada' wayuna rwe' to da wcheb kwino, na to da wcheb yoyte be'nn ka' nllieron, retero keten be'nn ka' llwiere rwen gut le ake' kone spad be'nn ka' nllieron. Guna rallna be'nnen llnebia Babilonian yoyte be'nn ka' sjalla Judán, na wchach ake' le ake' raw yellen o cha gut ake' le ake' kone kuchiy. 5Lekse ka' guna rallna be'nn ka' llwiere ren yoyte da zak da de raw yell xhen ni, na yoyte yel wnia sjanap be'nn ka' llnebia Judán, nench'na wasa aken Babilonian. 6Na rwe' Pashur, kwej ake' rwe' raw yellen, na wache ake' rwe' Babilonian, rente be'nn ka' sjalla lo yo' rillon. Na gana' kweyi'o, na gana' wkoach akte rwe' rente be'nn ka' nllieron, be'nn ka' bdixjwero di'll wxhiye ka'.
Jeremíazen llawe xhia raw Xanllon
7Xana, rwe' ba bxhiyeo nada',
na nada' ba biajlia ko'o,
nakllo'o rwe' be'nn warlle ke nada', na ba beno nada' ga'n.
Do bi horze be'nn ka' xhill ake' kia,
na yoy akte lltitj akre nada'.
8To'to llnia kanake llixjwera
ke gak wdil, na da wlleyi,
na zeteze ze ake' lladyi' ake', na lltitj akre nada'
kanake dan llixjwera lloa xtillon.
9Cha nada' nia: Bill wala ra Xanllon,
o cha chras bill wnia raw raze'e,
na xtillon llazen lo yichj raxhdawa
na llaken ke to yi' da llzey nada',
na llintekazen lo llit.
Llenla wzayan,
axha bi zakra.
10Llentera ket be'nn ka' zichill ake' nada':
Na lltitj akre nada' nee ake': Baze da nxhollen gateze.
Na ne ake': Leda na le cho nench'na lljatawllo xhia.
Rentekaze be'nn ka' nllieran llbexh ake'
cha nada' wxinja.
Na ne ake': Chenak gak siyelloen,
na gunlloe ga'n, na kone ka' gak wazillo le'e wzon.
11Axha rwe' Xana zereno nada'
ke to be'nn war, na nutno llun rwe' ga'n,
be'nn ka' nawlloa nadan wa llajbix ake',
na bigak gu'n ake' nada' ga'n,
bibi sake gu'n ake', na si ake' yelsdo,
chras nullno gap le ake' baran, na bi galall ake' dani.
12Xana nap doxhente yelwak,
rwen llweyiano' gakren nak dalixhejen,
rwen nezro gakren nak yichj raxhdao be'nn nachen,
benchga ke re'ra gakren llsakziw be'nn ka',
le ba bkoana rallnao kan llak kian.
13Legul ke Xanllon, le werao Xanllon,
le le'en llas're be'nnen zu yiachen raw'na be'nn mar ka'.
14De'e lluna llan gurj'ga.
Ke llan bxhan xnan nada' bigak laychgan.
15De'e lluna be'nnen bdixjwe xan
bzu to bidao biew ke'e.
16Be'nn na gakchgue ke to latj yell xhen ka',
dalleyi Diozen ke chnare.
Yenchgare tziren ba llak wesia dan nsa dan lleyllran,
na ba llixjwen wawillen gak wdil.
17Diozen bi bene'e latj kweyia lo le xnan.
Na le'en guke lo ba kia chenake,
na bi gurjga chenak.
18¿Bixhchen bllojza lo le xnan
na na' llrera yel llalleyra'on,
na bayulltegan'na sre yelsdo llak kia raw yelnban kian?
Currently Selected:
Jeremías 20: ZPUPAT
Highlight
Copy
Compare
Share
Want to have your highlights saved across all your devices? Sign up or sign in
Bible Society of Mexico
Learn More About Be'nnka'be Xti'll Dios