Jeremías 19
19
Lew ke Jeremíazen
1Xanllo gulle'e nada': Biaj, na jew to lew de yu, na guxh bal be'nn gur ka' sjalla raw yellen, na ye bal bxus be'nn nak be'nn gur ake'. 2Natell blloj biaj gan zu rachen nzi Ben-hinom, lloa reijen zu gan llra' willen, na bdixjwe di'llen wzenla rwen. 3Gull ake': Re' be'nn llnebia Judá, na re' be'nn sjalla Jerusalén, lewzenay xtill Xanllon nap doxhente yelwaken, Dios ke Israelen: Wsela to da wzoa re' yelwan xhen latj gan zure ni, na yoyte be'nn sjalla yell-liw to gaksis ake'. 4Le be'nn Israel ka' bsanlall ake' nada'. Na ben ake' latj ni to latj yell-liw ga nak nllare, na bllia ake' yar raw dios bi numbie akre, na' ni xustaw ake' ka', ni be'nn wnebia ke Judán bi bembie akre le ake', na gana' brarj ake' lle'n ke be'nn bi bibi dol nap. 5Na lekse ka' ben ake' raw bkuy ga bzey ake' xhi'nn ake' ka' raw loe lsaken nzi Baal, na nike gull akze gun ake' ke dani, na nike bdezen lo yichja. 6Na baza lla ka' ne Xanllon, latjen su gani' bill wsi aken Tófet, na bill wsi aken rach ke xhi'nn Hinom, na wsi aken rach ga llut ake' be'nn. 7Na latj ni wxhoxjga xbab ke Judán, na ke Jerusalén'na. Wa latj ke be'nn ka' llwiere le aken wlleyi ake' le ake', na xper ake' ka' gaken yelwao ke chud ka', na bayix snia ka'. 8Guna latj yell xhen ni wayaken to latj dach yu bill, to da wcheb le ake'. Na yoyte be'nn te ake' gana' to yeban akre, na to wcheben le ake', kanake re akre kan ba blleyin'na. 9Guna nench'na be'nn ka' wayaw ake' xhi'nn ake' bi biew ka', na bi nor ka', na wayaw loellj ake' xtol dan ba nseij ake' le aken latj yell xhen'na. 10Na ket wayull new ke di'll ki, bxhoxj lew de yun raw lkwe be'nn ka' nun rwe' txhen'na, 11na gull ake': Xanllon nap doxhente yelwaken ba bnee: Wxhoxjga yell ni, na latj yell xhen ni, kan lloxhj to lew de yu, na bill llak lladilen. Be'nn ka' wkoach ake' be'nn wat ka' gan nzi Tófet, le kanaken bill de latj gare wkoach ake' le aken. 12Ka' guna ke latj yell xhen ni, na yoyte be'nn ka' sjalla rawen, doxhente kan bena ke Tófet ka guna ke ake'. Nada' Xanle ba bnia ka'. 13Yo' ka' sjalla Jerusalén'na, na' yo'rao ke be'nn ka' llnebia Judán, na yichjo ka' gan beraw ake' berj ka', na gan brarj ake' zu ke uva raw dios ka' yela, gak ake' sral kan nak Tófet na. 14Bdetell'na Jeremíazen balline gan nzi Tófet, gan bsel Xanllon le'e na, nench'na bne'e rawraze'e, na bzie'e latj lia yoda'on, na gulle'e be'nn yell ka': 15Xanllon nap doxhente yel waken, Dios ke Israelen, nee: Wsela latj yell xhen ni, na yoyte yell ka' sjanbanlen'na, yoyte da ka' wsakzin da ka' bakse bdixjwera ren', le ba gukre be'nn wednay kanake bi bzenayre lloa xtillan.
Currently Selected:
Jeremías 19: ZPUPAT
Highlight
Copy
Compare
Share
Want to have your highlights saved across all your devices? Sign up or sign in
Bible Society of Mexico
Learn More About Be'nnka'be Xti'll Dios