Jeremías 17
17
Judán sakzin xtole daxhinj ke'e ka'
1Judá, daxhinj ko'o ka' ba nyojen kone sinsel de ya,
na ba nyojen kone yaj cha'on nzi diamante
lo raxhdao yajen,
na raw bkuy ka' gan llweraoren.
2Xhi'nno ka' llajdinlall akbe raw bkuy ka'
na yay bchekw ka' sjarunle xhirall
da ka' bzu kwit yay xhen ka'
na raw ya' xhen sib ka',
3na raw ya' ka' zajzu lixen.
Xtol daxhinj ko'o ka'
guna nench'na koan ake' yel wnia ko'on,
na koan ake' da ka' zaken sjanllaw raw ya' ka zajnuno xhirallen
raw doxhente yell-liw gan nbanlon.
4Llayal wsanlallo yell-li'on
dan bkoana ko'on,
na guno xchin be'nn ka' llwiere rwen da bi chixhj ake' rwe'
raw latj yell-liw gan bi nombieron,
le yel llruk kian ba gulnine'n
ke to yi' da wzey rwe'.
Txhonj di'll da llixhjoe
5Xanllon nee:
De'e sjanak be'nn ka' nxenlall be'nn nach ka',
na de'e sjanak be'nn ka' nxenlall kwin ake',
na de'e sjanak be'nn ka' bill nzoa raxhdao aken kone nada'.
6Gak ake' ke yiech din dan sjalla latj dach yu billen,
da nutno llapchi len:
na da lliw radj yaj ka',
gan de yell-liw sna ka', na nutno zajzu rawen.
7Axha nak lay be'nn nachen nxenlall nadan,
na nzoe'e yel nxenlall ke'en kone nada'.
8Gake'e ke to yay da zu' lloa yeo,
na llchirj rue ka' gan sjade nisen,
na bi llcheben le'e keten za boa ka',
le xlaye ka' nakteze nak aken ga'.
Na ket llin lla za boan, bi llakzedren,
na do tiemp llbian daxhixh.
9Billbi de yeto da naktell da wxhiye, na da nak da wednay
ke dan sjalla lo raxhdao be'nn nachen.
¿Nuxha gakrize chejnie len'na lla?
10Nada' Xanle, nezra akren nak lo raxhdao ren,
na nezra kwasru akren nak xbab keren,
na llwa toaj toaj ake' da llayal si ake',
kon kan nak da ka' ba ben aken.
11Be'nnen llak be'nn wnia kon da bi nak nis yes ke'e,
nake ke to byinn ba niell xchit byinn yubre.
Rawe gan llak yel wnia ke'en wnite doxhente da ka' sjanapen,
na wayullna wagane'e ke to be'nn bi llajnie.
12Yodao keton gan lliw llnebiaꞌon naken nbaraz kwis,
kan bzurawten'na llin chkwia.
13Xanto, rwen nako dan ba xhenlall Israelen.
Be'nn ka' ba bsanlall rwen, si ake' yelsdo.
Na yoyte be'nn ka' llabiy kwiton
to waran akze ke to bichte,
xtol dan bsanlall ake' rwen, le rwen nako ga llar nis da llwe yelnban.
Jeremíazen llalwille'e Xanllon
14Ben nada' rmell Xana, nench'na wayaka,
rwe' basra nada', nench'na wara,
le tuze rwen lloerawa.
15Be'nn ka' lle ake' nada':
¿Akre guk ke di'llen be'e Xanllon cha'?
Axha na' wararaw ke di'llen ba bneen.
16Axha na', bine' wchiera
rwe' nench'na wselo da gak dakenxhie ke ake',
na bine' seralla da wzoa le ake' yelwan.
Rwe' nezro kwasru bixhan ba bnia,
le kwinkso rwen ba berena di'll.
17Bi wchebo nada'
le rwen xhenlalla, na llakreno nada' keten de dazed kia.
18Bechjga da gak yelsdo ke be'nn ka' nawlloa nadan, na bi gak yelsdo kia nada',
na wcheben le ake', na bitbi wcheb nada'.
Bsel da wzoayiach le ake',
na basyulltega bxhoxjtin ake' tuchize.
Llap ake' baran lla sabden
19Na Xanllon gulle'e nada': Biaj, na jase gan zu reij ke yellen, gan llo, na llalloj be'nn ka' llnebia Judán, na lekse ka' guno, na lljasew reij ka' zajzu Jerusalén'na. 20Gull be'nn ka': Be'nn wnebia ake', na doxhente yell ke Judán, yoyte be'nn yell sjalla Jerusalén'na llo llwa reij ka' lewzenay xtill Xanllon. 21Xanllon nee: Lla sabden naken lla da wazirall re', bitbi yoa wa re', ni bi wderen llwa reij ka' zajzu Jerusalén'na. 22Na lekse ka' bitbi dazi koajre lo yo' rillren lla sabden, na bitbi llin gunle ke lla'na, doxhen kan gullksa xustawre ka'. 23Axha le aken bi ben ake' bare, na bi bzenay ake' kia, guk ake' be'nn wednay, na bi wen akre wzenay ake', na bi wen akre yeyo ake' nez.
24Nada' Xanle ba bnia: Le wzenay kia do yichj dorallre, bi got re', na bi gaw re' llwa reij ka', na bi gunle llin llan llazirallren, na gapre baran lla sabden. 25Na cha gunle ka', do tiemp cha' be'nn wnebia llajchia gan bnebia Daviden, na cho ake' lloa reij ka' kone karret ka' ll-lul kabay ka', na gunte be'nn braw ka', na be'nn ka' sjalla Judán le ake' txhen, na Jerusalén'na do tiemp chan be'nn. 26Na yed be'nn ka' sjalla latj yell xhen ka' nbanle Judán, be'nn ka' sjalla to llwarawe gan nbanle Jerusalén'na, na latj yell-liw gan nbanle Benjamín'na, na rach, na gan nak ya' yeo, na gan nbanle Négueben. Wadoa ake' bayix lo yoda'on nench'na wzey ake' ba, na nbas, na llen yar, na da we ake' da llazarall ake' da llwe yel lluxken. 27Axha cha re' bi wzenay re' xtilla dan ba nachjbian dan gapre baran lla sabden, na bi kore' lloa reij ka' dazi ka' ke llan, lloa reij ka' sjanbanle Jerusalén'na, na kwekoa yi' lloa reij ka' sjalla yell xhen'na, na yi'n wlleyin yo'rao ka' sjanap Jerusalén'na, na nutno gak wasur len.
Currently Selected:
Jeremías 17: ZPUPAT
Highlight
Copy
Compare
Share
Want to have your highlights saved across all your devices? Sign up or sign in
Bible Society of Mexico
Learn More About Be'nnka'be Xti'll Dios
